ESEKIELI 22:25 - Biblía Axweesantá Hhohho' ar Mungú 2004

²⁵ Geeraharuuserhúng in /orótl adór dirángw makiito'ór aa óh ga /aáy. Muu ngun tsu/iyá' daqaari'iimár muu ngin hayoohiná' nee muruudá' tlaxo gawdene'. Faarór /ameenár kwaeeli ngin dogiitiyá'.

ESEKIELI 22:25 Iomraidhean Croise

1 WAAWITÁ 22:23

«Gawaá adoorihe, AAKOÓ MUNGÚ aaruuseerók gaa lamuuse tleéhh. Asma AAKOÓ MUNGÚ aa tsabín daanduuwoge, uwa gár tlaákwí tleehhi.»

ISAYA 56:11

Inooín an adór seeaawér hheehhuuse ar baloó axaaká. De'eemuuser'ín sleeme i tsaahhár koondaaká. Umuú heewo aa qaroó parangaá/ amoorós ar i slai, umuú heewo i slaasláwaarós leelehhiit, nee inooín sleémeero a gár wák.

YEREMIA 11:9

AAKOÓ MUNGÚ iri malé báy, «Múk Yuda nee yaamuloouusér Yerusalemu ta adór warqeemiis ar aníng ir si'iya'.

YEREMIA 15:8

/Ameenár kwaeeli ka yaariir ta hhasángw afaá tlawto. Aníng masoomba ana tsuú/ baraá /uuruuine, nee xwaylitér'ín ngiri slahh'amaayérí huúw. Inooín ina gaanslár dae tsaát, tari slahhaá'.

YEREMIA 18:21

Gawaá adoorihe, hám daxta na/ii'ín maweek ki tsu/i nee qwari, inooín ki tsu/i ar paánga baraá slaqwaraaro, nee /ameenar'ín i kampeerut, nee i kwaali'iimit. Maweek hhawaate ki tsu/i nee tiqtír pu/i, nee masoombar'ín ka iso tlaaqi ar paánga baraá slaqwaraaro.

YEREMIA 2:30

Aníng mukók una muúx ala naa ya/ani'iiká, inooín dakuúsar'ín ngiri si'iyé', aaruuserhúng kana tsuú/ ar lawluuhúng adór dirángw slahhaá' kawriro.

YEREMIA 2:34

Baraá tlabaawoge tseerér múk daba' hhohhó' aga ár, inooín tam do'ók ngwa fee/i'iikahe.

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 6:13

Inooín sleémeero iimír na/aá ninákw wa tleemu ay múk urén slaasláwár ganaa'aaká ngi tawo slaiyá'. Tam aaruuse nee kaahamuusero umuú heewo gaa a lama gan tlaaq.

WA/AA/I 2:14

Aaruuserhúng gár daanduhunge aa aán, a iigu'utuú lama nee oo al/ayma. Tlakweemaahúng ngaa geehhoeesi'iiká, as kahhó' kiwa meera'. Ala aarír lama ngina kuungá' babayé', tidá' kuungá' nu qwaareemiis.

WA/AA/I 4:13

Tí sleémeero ina tleehharút as tlakweemaá aaruuseerós nee dakuúsár kaahamuuseerós. Inooínaadá' múk hhó' ngwa tawo tsu/iye' baraá tla/ángw gixsa.

ESEKIELI 13:19

Aníng kuungá' iga ló'wa /ooslisliindé' dír geeraá múk wa alé, as tsa/oó wák oo puuruú angaanoó shayiíri kuwa sleera' nee muruú /aymár niiná. Kuungá' múk tsu/utaro harimaaká una tsu/é', nee kudá' tsu/utaaro hariím una meeré' tsu/utaaro. Muk'eé' ugwa lameemaá babeeré', nee inooín lameemoohúng nga haratlinti'iyé'.›

ESEKIELI 13:2

«Heewí, aaruusér lama ar múk Israeli iigahhaateek, tidá' inslawoó sager'ín kah, muruú aníng naa oiiká, kibeeto, ‹Gár anuú AAKOÓ MUNGÚ ni kah iiárií qaasaak.›

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

ESEKIELI 34:2

«Heewí, aariím daanduú de'eemuusér Israeliwo. De'eemuuse kabeeto, anuú Aakoó MUNGÚ a kah, ‹Tsaxwaahúng, kuungaásingaá de'eemuusér múk Israeli, kuungaásingá' ti kiloohúng /aymisá'. Xáy, hariimaro a de'eemuuse bee/angw'eé' gun /aymiskáhe?

ESEKIELI 34:3

Kuungá' di/i an /agá', nee tlabaá taa tleéhh ar se'éngw bee/aangw in tsititá', nee bee/ángw aa wahhdiit un tsu/á', ala kuungá' bee/aangw de'eengo ugwa meeré'.

HOSEA 6:9

Adoodá' fisuuse muu ngur gigdaadiin, an adoodá' daqtá kaahamuuse muu ngur gigdaadiin baraá loohír Shekemuro. Ar ló' tlakweemaá ur ngaa tleehhiyé'.

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Marko 12:40

Slám malé alé muruú kwaeeli kun /aa/aay, nee firór yaariir kan firaarín ar hhaahhafiingw. Inooín sakwasleemár ur ngi slayá'.»

Luka 20:47

Slám malé alé muruú kwaeeli kun /aa/aay, nee firór yaariir kan firaarín ar hhaahhafiingw. Kuká' sakwasleemár ur ngi slayá'.»

Geehhoeemaá 13:11

Aluuwo makiito'ór hatlá' ngiri ár. Makiito'oorí i ti'imít yaamuú wa ale. Makiito'oorí xareemiwós a tsár, a adór xareemaá deelmoó bee/i. Makiito'oorí bir axwés afoorós a adór tidár dayshamoó úr.

Geehhoeemaá 13:15

Makiito'oodár tsár aleesleemu guri malé sleér oo murslaaqatuudá' nguwa hiinsluú i qas, as murslaaqatuudá' iwa axweesi, nee mukdá' sleémeero inós gwa sii' i tumbarara'ataro, kuwa tsu/i.

Geehhoeemaá 17:6

Aníng ngiri tsaáhh adór /ameenidá' kara oonitiís nee tseerér múk hhohhó' sleémeero oo Mungú, nee ar tseerér mukdá' taa tsuú/ as Yesu kuwa lamabu'ún. Aníng inós ngiwa ár niri ló'wa waa/oó/.

Geehhoeemaá 18:13

Nee slám qafoodá' tsuuá' awa xa'anoodá' ta bay dalasini, nee muruudá' mooyaangw tsuú' oo ta baraá di/tá i qamaamin, nee xwatsoodá' ta da/a/an awa mooyaangw tsuuá', nee di/itadá' mooyaangw tsuu', nee di/tá na/amo, tidá' mooyaangw tsuu'. Nee difaái nee di/tá seituúni, nee puuruú /awák nee angaáno, nee hikwa nee bee/aangw, nee faras nee gaardu, nee lawaale nee tam múk hatlá' sleeme.