ESEKIELI 22:21 - Biblía Axweesantá Hhohho' ar Mungú 2004

²¹ Kuungá' nun burumbuúr nuri asltií oohiís as xarasleemaeé'. Daqaní tunduri weeqatis baraá gixsasír kilá' wa alé.

ESEKIELI 22:21 Iomraidhean Croise

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

WARA'AMI 112:10

Múk tlákw kaangwí bur ngwa ár tan buuhh. Inooín ngun /atlií /ayiyá' asma adoodá' kawa sií' ala nari ilaá wá qwaariyá'. Harahhifór heé tlaákw i payshút.

WARA'AMI 21:9

AAKOÓ MUNGÚ, kuúng binda hardát, in qwaarés ar asla. AAKOÓ MUNGÚ inós gin hhaamiis ar buhhtaawós, inooín asla giri fák.

WARA'AMI 50:3

Munguúrén ni hardah, slám ni qawti hardihiiká, asltá /ayiim i dír geeraawós wa hi'ít, nee bambaaór duhhúm i fukuukú' nguwa harwedit badu sleémeero.

WARA'AMI 68:2

Adoodár quui kar fukuku'uumisi an adoodá' inooín kir guusi, adór boohhayaangw ir weeqaweeqi dír bihhaá aslto, an adoodá' tlakuuse ir qwat geeraá Munguhe.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 64:2

Adoodá' asla xwaansláy ngur /aa/ak, nee adór asla ma'aay ngir dahhamaamis, as umuuwók kuwa tsaahhi nee wakuuseerók nee xoodu ni daaraxatiye' kuúng bura ariyé'.

ISAYA 64:7

Heé kuúng u fiririím i kaahh tumu wák, nee heé naagamiís kuúng leelehhtuuwo i kaahh, asma kuúng aga atén wa nahhát hám daxta taa baraá tlakweemaarén i meér.

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

YEREMIA 8:13

Qoomár aníng muk'eé' nguwa burumburtá wa slaa', adór heé sabiíbuuwós burumburiím inooín an adór sabiíbuú mamaá koomaaká, inooín a adór /aantsír mamaá koomaaká tam loo/oorós ina /óts. Tam muruudá' sleémeero naa haniís ina ilaá wa qwaár. Anuú AAKOÓ MUNGÚ tí ngina oó'.

YEREMIA 9:7

Gawaá adoorihe AAKOÓ MUNGÚ Aleesleemusmo i kaahi, «Aníng in hhohhoeés nee in iiár. Xáy gár hatlá' ar muk'eé' ngway tleehh a milá?

ESEKIELI 21:31

Aníng nun i buúhh, asltá buhhtaaeé' an gawaahúng ar ufaáhh. Nu qaás gawaá dabaá wakuuserhúng tidá' xaraasl, múk kuungá' nu lo'wa baál tsu/utaaro.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

DABE 29:20

AAKOÓ MUNGÚ, heé adór kwí gu baloó gurtlayká, nee buhhtaá AAKOÓ MUNGÚ nee da/itose heewí ngu al'oohiyá', lo'o sleémeero ar taa gooín baraá kitaábuuwí heedaádá' gu /ák, nee AAKOÓ MUNGÚ umuú heedaádá' gun fiits gawaá daanduú yaamuwo.

DABE 32:22

Asltá buhhtaaeé' kaa oohiís, asla iri /ayiín ay baraá gi'i. Daanduú yaamu nee umuú gaaro guri /ák ihhafirír tlom'i ga /ák.

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.