ESEKIELI 21:7 - Biblía Axweesantá Hhohho' ar Mungú 2004

⁷ Kuúng bur yaahamisiyá' bir kaahiya', ‹Ahaá waáy, mas tsuunqumís?› Kuúng ki beer, ‹An tsuunqumiís as kangwko hi'iít. Umuú heewo iri daqiyá tsatiit as kangwdá', dabaaín niri sikmiitiyá', umuú heewo iri /arán, gurunge'eeri'ín niri tsatimitiyá'. Kaangwí oo ló' ni tsuwa hardah, i pa/iiká tleehharutaro.› Anuú Aakoó MUNGÚ tí aga oó'.»

ESEKIELI 21:7 Iomraidhean Croise

2 SAMUELI 17:10

Mukók bar adoorí ngaa axaás, tam mukók kudá' gur'e gawdén adór direeri, tari hirqimiit de'eero. Asma múk Israeli sleémeero ga xuu' adór baabuúwók tar migusmo, nee mukdaádá' sleémeero oo dinkwa nee inós a múk ilakaaharén.

2 WAAWITÁ 21:12

gawaá adoorihe Anuú AAKOÓ MUNGÚ, Munguú Israeli a kah, qaytsiít aníng amotlakwe ngi huúw daanduú Yerusalemu nee Yuda, tí umuú heewo birnga axaás iaawós giri oh.

WARA'AMI 58:7

I yaamií /one' adór ma'aá baraá hhasaangw, maheeriiwós masók i afér kon'aaká.

TI'INAANGW 15:15

Múk urén oo Edomu aa amoqwaár, geeraharuusér Moabu ina daaráx. Muu sleémeero oo baraá Kana'anír hoót, gur'er'ín ma'aay ngaa dalaa/iyé'.

ISAYA 13:7

Gawaá adoorihe dabaá muu nari tsatiitiyá', nee gur'ér muu ma'aay ngay dalaa/iyá'.

ISAYA 28:19

Umuúqo baalár amotlakwe iwa ayaahúngár waarahha aqo nun dásl, umuú matlaatlér xawa aqo nun i hardát, umuúqo tlaatla/ango nee xweeraawo, kángw adór kwí kuwa axas i ló'wa dae tlaaq.

ISAYA 35:3

Mukdá' aa daba' tsatiit /uurií qaasaak, mukdá' aa diqiyaá ya'a' tsatiit, diqiya' kwa/asak.

ISAYA 7:2

Qoomár múk Yuda kuwa kaangwí báy, adór múk Aramu nee oo Efraimu tara aldinku'uumiís, muunuú waawutmo nee munér muko iri daaráx adór xaa'aá baraá gara fur'a ngir diingimaamis.

YEREMIA 26:12

Naagáy, Yeremia geeraharuusedá' nee muu sleémeerowo giri báy, «AAKOÓ MUNGÚ aníng ina ya/aáw as niwa aariim daanduú Do'owihe nee gixsarihe muruudá' sleémeero taa axasé'.

YEREMIA 49:23

Axweesantí an tidá' aa oó' daanduú Damaskoro. Gixsár Hamati nee Arpadi bayta gaa óh, asma kángw tlákw kwaa axaás. Munér muk'ín aa weeqaawéq as dae, inooín taa amoqwaqwadín adór tlawtá aa /eeraagwa', tidá' xasliitaaká.

YEREMIA 50:43

Waawutmoó Babuloni kangw'ín gwa axaás. Dabaawós niri tsatiitiyé' adór hima, slahh'amaaye gwa ót, slahh'amaaye gwa ót adór /ameenír dír asltá xwayla.

YEREMIA 8:18

Gurhaamir'eé' tihe ti tu/iiká, muunaáeé' i ló'wa slahhahhaa'.

WA/AA/I 5:17

As adoorihe muuneerén hamí i tíq, as kaangwí ilaarén na maa/umitiyé'.

ESEKIELI 20:49

Naagáy, aníng niri oó', «Aá Aakoó MUNGÚ! Muu i ló'wa qununuu/ daanduueene ta kaahi, ‹Kwí bir axweés, a axweesantá bo/ kilós gan kah.› »

ESEKIELI 21:15

Gawaá adoorihe awa yaariir naa diqiya' tsatiitiyé' nari huuhu'uné'. Afkú paánga dír afér maray'ín sleémeero gaa qwiiri/itís adór mankari, kaa qwiiri/itís as tsu/uta.

ESEKIELI 21:6

«Daxta kuúng heewí, kulala'aát adór heé aa mune sii', geeraaín iwa tsuunqumiiseek.

ESEKIELI 21:8

Axweesantá AAKOÓ MUNGÚ ana male axaás, i kat,

ESEKIELI 22:14

Xáy, pihh'uuma aqo koónda bál aníng nee kiíng birta awaán? Anuú AAKOÓ MUNGÚ tí aga oó', nee an boo/eés.

ESEKIELI 24:19

Muu iri yaahaás, «Ahaá, gaarí ta atén i tlehhit a milá?»

ESEKIELI 6:2

«Heewí, warqáw amór tlom'aá yaamaá múk Israeli, kangw'eé' kwí tsiyayaxeek dír yaamuloouuser'ín,

ESEKIELI 7:17

Umuú heewo dabaawós nin tsatiitiyá' nee gurunge'eeriwós niri wanana'atiyá'.

ESEKIELI 7:26

Amotlakwe i baloó lakitká, muruú tlákw ti alkoomaakón hardahmuuwo. Iigu'utu ngun leelehhiyá' dír aaruuseero, kaahamuuse dabe ga xu'ká, hara'aya dír bariiseero i káhh.

DANIELI 5:6

Gitse/aá waawutmo niri warqayé' inós iri daanda feehhiít, diqiyawós niri tsatiitiyé' nee gurunge'eeriwós niri kitlkitliitiyé'.

TLAHHOÓ LAÁWI 26:36

«Nee mukhúng bahh'ale oo aa meet un daeérí tleés gur'er'íne ma'aay ngay dalaa/iyá', baraá yaamaá wakuuser'ine, tam afór loo/ír fur'a ir tlatleer bar kaa axaás, gin tlatlahhás. Gin tlatlahhás adór múk aa slaqwarár wa goow. Nin gogowiyá' nay huhu'uná', tam heé gi gusisiím i kahhi.

NAHUMU 2:10

Ninewi ina mét ar gaa wasl nee ar deewa'ame nee hhituru'uuma, tam gur'ér muu ma'aay ngay dalaa/iyé', gurungeeri'ín tiri tuu'utiyé', afeetler'ín aa sikimít, gitsee/er'ín iri bahyuyuúr as dae.

Luka 21:26

Muu iri ló'wa slar/amiit daeero, tari amoqwaqwadín, as adoodá' yaamu i laqiya'. Asma qoomaadae doori i dingitiyá'.

DABE 20:8

«Geeraharuuse i kumit yaahamisuuwo, ‹Xáy, heé daimiít laqaá heé aa daba' tsatiit i deéro? Bir deer i watli amór do'ós, aluuwo múk hatlá' munguwa daba' tsaát adór inós wa aleeró.›

Ebrania 12:12

Gawaá adoorihe, daberhúng tidá' aa wanana'at gáwtí gan'aasaak, nee gurunge'eerihúng kudá' /uuruú kooma'aaká kwa/asaak.

YOSHUA 5:1

Waawitá sleémeero oo Amori, kuduú gayuú /uwií dirií' yaaér Yordaniro, nee waawitá sleémeero oo Kana'ani, kuduú afaá tlawtá Mediteraneár i tseéw, ngiwa axaasiyé' adoodá' AAKOÓ MUNGÚ Yordani ngira kahaás ay qoomár múk Israeli iwa waaraáhh, inooín gur'er'ín ma'aay ngay dalaa/iyé', nee migti'ín iri fák as múk Israeli.

YOSHUA 7:5

Múk Israeli kuri guús nee mukduú gixsár Ai dír afkú gixsár wa ale ay /etángw Shebarimu. Múk mibeeri tám nee lahhoó' oo Israeli kuri tsuú/. Múk Israeli gur'e ma'aay ngiri dalaa/iyé'.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.