ESEKIELI 21:3 - Biblía Axweesantá Hhohho' ar Mungú 2004

³ Múk Israeli kubeeto, anuú AAKOÓ MUNGÚ a kah, ‹Anuú kilá' nee kuungá' ti araán. Aníng paángar'eé' a duúx baraá qawáy wa alé, múk tlákw nee oo hhoe nguri tsuú/.

ESEKIELI 21:3 Iomraidhean Croise

YOBU 9:22

Mura' sleémeero i alqón, gawaá adoorihe anaá kah, Munguú múk hhó' nee oo tlakwe gin qororo'omaamiis.

WARA'AMI 17:13

AAKOÓ MUNGÚ, sihhiít, harahi'iiteek as kiwa dahh. Án ba/amisáng dír heé tlaakwe ar paángarók.

WARA'AMI 80:17

Mukók kudá' taa tsawát de'eemeek, xoororók tidá' taa amohhe'eemís as kuúng, /uurií haniseek.

WARA'AMI 83:15

Kuúng guuseek ar tlaftá tlaakw, nee dae tsateek ar bambaaór ur.

TI'INAANGW 15:9

Wakusmo iri oó', ‹In aluú wa alkoóm ngiri ohiím, haasaánguueé' un qasmiís, ay dír haayir'eé' i waya'. Paángar'eé' an óh, inooín ngiri hhaamiís.›

DAHARUSMO 9:2

Mura' sleémeero i adór wakár tleehharumiit dír muu sleémeero. Gadaádá' tleehharuut dír heé hota ganaa'a aqo tidá' tleehharuut dír heé tlaakwe, dír heé hhoó' nee dír heé hhooeekahe, dír heé daba' hhohhó' nee dír heé daba' tlakwe, dír heé ilahhooár muruú ta tsu/i ga hanmiisa, nee dír heé ilahhooár muruú ta tsu/i ga hanmisaakahe. Adór heé hhoó' i dirii'i an adór heé tlaákw i dirii'i sleeme, dimbé i káhh dír heé lo'ór /aáy nee oo ga /ayakahe.

ISAYA 10:5

AAKOÓ MUNGÚ i kaahi, «Ashuru a adór guhhláy'eé' oo mukdá' naa i buúhh ngur muux.

ISAYA 34:5

Asma paángar'eé' aga amohhe'eés gawaá doorí wá ale. Ga/aaweek, nin awét as múk Edomu nguwa tlaq, nee múk naa istí tsaát nguwa qwaarees.

ISAYA 57:1

Heé hota ganaá' bira gwaá', heé adoorí ga gaárií xuú' i kaahh. Heé hhoó' bira gwaá', heé gaarí ga tsatsaahhaám i kaahh oo káh, «Heé hota ganaá' kura tláy, amotlakwe munguwa sleér,

YEREMIA 17:27

Ala barnaxes kuungá' aníng iga iiárií qasi'iiká, nee deelór hhoohhoo' ar Sabaáto bar aga harmagahhi'iiká, nee huwa loohisooro aga meeri'iiká, nee kawa ar darta ar afér gixsár Yerusalemu bál deelór Sabaátoro, naagáy, aníng afér gixsár Yerusalemu a ásltí oohiís, nee maraá waawitá sleémeero kudá' baraá Yerusalemu giri /ák, nee heé asltadá' gaasaro ga aleesláw i kaahh.»

YEREMIA 21:13

Ga/aawaak, hám daxta aníng nee kuungá' an slaqwaán, kuungaáká' baraá xatsoó wa hootá', kuungaáká' aga iwiite' gawaá tlaa/ár baraá xatsa, kuungaáká' kaahá', ‹Heé atén ti qiítl i haratleemuwo a heemá? Ahaá, a heemá oo dahamaá baraá yaamuurén gi aleesláw?›

YEREMIA 21:14

Ala aníng kuungá' nun muúx ar har qoomoó tlehhmi'iihúng kudá' taa tlehhé'. Anuú AAKOÓ MUNGÚ an kah, Asla a oohiís baraá darmuuhúng, asltí umuú gaaro ar baraá yaamuudae dáw gari /ák.»

YEREMIA 50:31

Aako, MUNGÚ Aleesleemusmo, i kaahi, «Ga/aawaak, kuungásingá' daara/aamá', ti araán, asma baalarhúng naa hardát ar án kuungá' nuwa muux.

YEREMIA 51:20

Kuúng an yuúndueé' nee xooslmooeé' oo slaqwara. Kuúng un xoordúr naasuusúw, kuúng un waawuti'iimárár hhaamiís.

YEREMIA 51:25

Ga/aaweek, kiíng tloomár hhaamimiis, aníng nee kiíng ti araán. Kiíngasíng yaamu sleémeero gi hhitaatiim, aníng dakw'eé' u gawaawók i tleés, iri gawaá tla/uú wa daáhh, iri adór tloomár taa daá/ tleéhh.

ESEKIELI 13:8

«Gawaá adoorihe anuú Aakoó MUNGÚ a kah, ‹Axweesantahúng a al/ayma nee iigu'utuhúng a lamtá tawo. Gimsé', aníng nee kuungá' ti araán. Aníng Aakoó MUNGÚ tí aga oó'.

ESEKIELI 14:17

«Barnaxes aníng slaqwara an iimu/uuma dír yaamuukae ar muu nee makaywo kiwa hhaamisi.

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 21:19

«Heewí, lohdaá tsár gooimeek awa paángár waawutmoó Babuloni ir waarahh, lohduuká' tsaraawo i dír aykuú wák wa iimu/une'. Dír umuú iimu/úngw loohiro slaqsoó amór gixsár laqaqaám qaaseek.

ESEKIELI 24:9

«Gawaá adoorihe, anuú Aakoó MUNGÚ a kah, ‹Tsaxwaawós gixsár tsu/umamiit. Aníng ufuú yaariír oo migír un burumbuúr.

ESEKIELI 26:3

Gawaá adoorihe, anuú Aakoó MUNGÚ a kah, Aníng daxta nee kiíng Tiro ti araán. Xoordaá yaariir ngi tleés, inooín kiíng in i haratlayá' adór gwaanduú ma'aay.

ESEKIELI 29:10

Tí ar ló', kuúng nee yauuwoge nu sakwasleemuút. Gawaá adoorihe yaamaá Misri i xaanxay tleéhh, iimír Migdoli wa tleemu ay Siyene ay digmuú yaamaá Kushi.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 5:8

Gimsé', anuú Aakoó MUNGÚ a kah, Aníng sakwasleemar'eé' a boo/eés dirhunge, dír geeraá xoordaá hatlae.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

AMOS 5:6

AAKOÓ MUNGÚ leelehhaak, daqaní kuungá' a hotá'. Bar adooriheeká inós i pu/uut baraá doó Yosefu, adór asltá wa alé, nee nuri hhaamiis, tam heé nu /iís iri qwaar, baraá yaamuloouusér Beteliro.

AMOS 7:4

Aakoó MUNGÚ ina malé iigu'utúy laqán. Aníng niri qaytsiít, AAKOÓ MUNGÚ asla gana ateét as sakwasleema. Asltadá' iloodaá tlabeemo gina /ák, tam yaamaá kaahaar sleeme gina iimu/uún /aymaaro.

NAHUMU 2:13

Ga/aaweek, AAKOÓ MUNGÚ Aleesleemusmo i kaahi, «Án a slaáqw nee kuúng, gaarduwók kudaá slaqwara i hhamiís ar asla, slaqwaruuseerók tidár adór direeri ngari tsuú/ ar paánga. Sluqoorók tidá' sleémeero an amór saáwí kwaáhh baraá yaamuwo, nee afór ya/abuuseerók kay malé axasiiká baloó alé.»

NAHUMU 3:5

AAKOÓ MUNGÚ Aleesleemusmo i kaahi, «Ga/aaweek, aníng a slaáqw nee kiíng, aníng tlabaawók in waatleés ay gawaá sagók, aníng xoordu ngiri /aankwetsuuwók i laqaám, nee waawuti'ima ngiri alsi'imuuwók i laqaám.

SEFANIA 2:12

Kuungá' múk Kushi sleeme tundu tsuu/ ar paángár AAKOÓ MUNGÚ.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.