ESEKIELI 21:24 - Biblía Axweesantá Hhohho' ar Mungú 2004

²⁴ Gawaá adoorihe, anuú Aakoó MUNGÚ a kah, «Muu sleémeero tlakweemahúng ngi ariyá', kari tsaáhh adór kuungá' tar tlakweemaá koondá', umuúqo heewo gari xuu' adór tara dakusé'. Umuúqo tlehhmuú kuungá' ta tlehhta', gár i laqaaqan aqo tlakweemaá kuungá' taa tlehhé'. Kuungá' tunda sakwasleemuút, aníng nun qaás gawaá dabaá wakuuserhúng.

ESEKIELI 21:24 Iomraidhean Croise

ISAYA 3:9

Gitsee/er'ín baraá aán gár ir lamabu'uun a tlakweemaaín kudá', adór kuqaá Sodoma, slám ki lu/u/unká. Mukwí a tsaxwaaín, asma hhintleemooín ngaa tlakweemár ayé'.

YEREMIA 15:2

Burta báy, ‹Amór ti tlawaan a amá?› Ki beer, AAKOÓ MUNGÚ i kaahi, ‹Kudá' ta tsu/i ar tiqtír pu/i, ki tsuu/ ar tiqtír pu/i. Kudá' qatlá' ar kiwa tsu/i baraá slaqwara, ki tsuu/ baraá slaqwara, kudá' ta tsu/i ar qwari, ki hhaamiis ar qwari, kudá' tar tlay baraá loohaay, aqo kin ar tláy.›

YEREMIA 2:34

Baraá tlabaawoge tseerér múk daba' hhohhó' aga ár, inooín tam do'ók ngwa fee/i'iikahe.

YEREMIA 3:2

Axáy ilaawoge sagér tlom'i xuxueek. Dii a diimá ar kuungá' nee inooín tawa alqati'iiká? Mulqeerók ana daamaraán bihhaá loohír wa aleeró adór Ma/araábuduú baraá xaanxaay. Yaamu iga meetagasé' ar tsaatu'uumarhúng tidá' slasla/aruuwo aa harwaarahh.

YEREMIA 6:15

Xáy, qoomár tawa tlehhma'aá slasla/aren tlehhiiti mure ka ara'ári? Aasla'áy, mure ka ara'ariiká tam ar niiná. Tam adór baraá gitsee/er'ine ngir laqana' ngi xuiaaká. Gawaá adoorihe inooín ta alhuu' nee kudá' huuhu'uumá' qoomár bira slaáhh ngiri hhaamiís. Anuú AAKOÓ MUNGÚ tí ngina oó'.»

YEREMIA 8:12

Kuungá' tunda mureekeési qoomár muruudá' ta waki kuwa tlehhité'. Aasla'áy, kaa mureekesiiká, tam mureekesoó niiná ngwaa slay'iiká. Gawaá adoorihe inooín i huuiyá' baraá tla/ángw mukdá' aa huuhu'un. Qoomár bira sakwasleemút ta hhán. Anuú AAKOÓ MUNGÚ tí ngina oó'.»

ESEKIELI 21:23

Ala múk Yerusalemu ngiwa xui aaru'uumarí ar lama, asma inooín lo'ór kilá' ngaa qaroó /ayé'. Tam nee tihe aaru'uumarí inooín gi qo inslawtís tlehhmi'ii'ín kudá' tlakwe, nee dukiirír inooín kiwa ohin gari dók.

ESEKIELI 21:25

«Kuúng waawutmoó Israeli, kuúng a heé aa ló'wa hhitiruut. Baalaarók naa hardát, eeít, baalár muxtaarók ar alhhe'eesáy.

ESEKIELI 23:23

Aníng múk Babuloni ngu dúk, nee oo Kaldayowo, nee mukduú Pekodi sleémeero, nee oo Shoa nee Koa, dinkwa nee múk Ashuru sleémeero. Aníng masoombár hhohho' ngi dúk sleémeero nee ga/awuuse, nee geeraharuusér slaqwaruuse, nee waawitá nee slaqwaruuse sleémeerowo tidá' aa tsa/aan gawaá faras.

ESEKIELI 24:7

Baraá gixsarihe taa tsu/uút, tseere kaa baraá hhapér i ku'uusiiká as kawa tipi, ala tseere kana ku'uús gawaá daanduú tlaa/a.

HOSEA 4:2

A har lo'o nee lameemo tlaqa, nee tsu/uta nee fiiso nee fuqi, nee digeemi fe/it nee tsu/utár muu.