ESEKIELI 21:23 - Biblía Axweesantá Hhohho' ar Mungú 2004

²³ Ala múk Yerusalemu ngiwa xui aaru'uumarí ar lama, asma inooín lo'ór kilá' ngaa qaroó /ayé'. Tam nee tihe aaru'uumarí inooín gi qo inslawtís tlehhmi'ii'ín kudá' tlakwe, nee dukiirír inooín kiwa ohin gari dók.

ESEKIELI 21:23 Iomraidhean Croise

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

2 WAAWITÁ 24:20

Múk Yerusalemu nee oo Yudawo AAKOÓ MUNGÚ nguna ló'wa buhhtisiyé' giri hingeés dír geeraawose. Sedekia iri dee/anuút dír waawutmoó Babuloniro.

2 QOM'I 36:13

Sedekia kángw waawutmo Nebukadnesa axaasaro guri sií' tam Nebukadnesa Sedekia ngwa lo'ór /aymisi ar baraá umuú Mungú as tidá' Nebukadnesa i ooi mingiwa sií'. Inós da/eewawós giri gawdeés, tam guruuwós guri tlaa/árí dahaás as miwa kií/ amór AAKOÓ MUNGÚ, Munguú Israeli.

ESEKIELI 11:3

kudá' kaahá', ‹Qoomár do' tlehha aa xeeriiká. Gixsarí a adór hutlaay, nee atén a adór fu'unaay.›

ESEKIELI 12:22

«Heewí, ahaá waáy gár axweesantí kas kaahi daanduú Israeliwo? Tí tawa kaahi, ‹Deelo nin hardarát nee iri waaráhh, ala iigu'utuú aarusmo i boo/iiká.›

ESEKIELI 21:24

Gawaá adoorihe, anuú Aakoó MUNGÚ a kah, «Muu sleémeero tlakweemahúng ngi ariyá', kari tsaáhh adór kuungá' tar tlakweemaá koondá', umuúqo heewo gari xuu' adór tara dakusé'. Umuúqo tlehhmuú kuungá' ta tlehhta', gár i laqaaqan aqo tlakweemaá kuungá' taa tlehhé'. Kuungá' tunda sakwasleemuút, aníng nun qaás gawaá dabaá wakuuserhúng.

ESEKIELI 29:16

Múk Misri ku malé harahhifiiká nee múk Israeli. Múk Israeli gay tsaahh adór tar dakuús múk Misri kuwa harahhifi, nee ngay tsaahhiyá' adór aníng tar Aakoó MUNGÚ.»

FAARO 5:15

naagáy hhawaata hareerós ngi huwi amór kaahamusmo nee ilahhooadá' ta slai adór puuruú angaánoó shayiíri ar gár wák baraá muruú mibaango, ala makawa dí/tí qaás, laqaá mooyángw tsuú', asma tawa ilahhooár balaangw ar hhawaata kudá' hareerós ga xurumiít. Ilahhooár ta haniisi as dakuús kawa tsaahhi.

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.