ESEKIELI 21:22 - Biblía Axweesantá Hhohho' ar Mungú 2004

²² Mahangwdá' aa dakós oo doó /iyáy huu', gár i laqaaqan a kángw Yerusalemu. Xooslár gixsa fee/a gari amohhe'ees, kángw tsu/uta nee tsimaahhír slaqwara guri oo', xooslár afkú gixsa fee/a kaa amohhe'eés, slumaá gixsa ngaa harweeriye' nee /aampu kina tleéhh.

ESEKIELI 21:22 Iomraidhean Croise

2 WAAWITÁ 25:1

Bál slahhángw mibaangw tawa mibaangw oo kurkú gwaleél oo waawuti'iimár Sedekia, Nebukadnesa waawutmoó Babuloni nee slaqwaruuseerós nina haratlayé' baraá gixsár Yerusalemu, kari harweér, koo/ír gawit kari tleéhh.

YOBU 39:25

Qoomár afór tarumbeéta birnga axás, inós in amoodií áhh, slaqwara gan amór sáwií tsá', Afór geeraharuusér slaqwara gan axamís qoomár bir tseeaminá' as iwa hara'ayár oina'.

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 33:4

Asma anuú AAKOÓ MUNGÚ, Munguú Israeli, a kah daanduú maraá gixsár Yerusalemuro nee maraá waawituú Yudawo, marayká' kina feé/ as kahhó' kiwa ufér hhapérár tlehha', as tiwa xuunda' nee mukdá' slaáqw oo gixsa ngaa harweer.

YEREMIA 4:16

I xoordaá gurbu'uún nee i Yerusalemúr kángw babeér, i kat, «Tundu i haraatláy amór saáw wa ale, nee gixsadaá Yuda kiri dae tsaat.

YEREMIA 51:14

AAKOÓ MUNGÚ Aleesleemusmo lo'o gaa /aáy ar slafiingós. Aníng múk yaariír adór ingigi ngu amorhúng i huúw. Inooín daa'ángw bara/ oo baali kuri daa' daanduú Babuloniro.»

YEREMIA 52:4

Bál slahhángw mibaangw tawa mibaangw, oo kurkú gwaleél iimír Sedekia tawa waawutmo, waawutmo Nebukadnesa oo Babuloni nee slaqwaruuserós tana haratláy amór gixsár Yerusalemu, gixsa kari /amatseék bihhe sleémeerowo.

ESEKIELI 26:8

Inós gixsadaá inslaawaywók kudá' baraá aya giri hhaamiis. Kiíng tiri haraweel badu sleémeero adór koo/i, ufér hhape kari dalaa/ dír koo/irók, kari tuuntuuk ar gaambu as tiwa baraadií ilaa/i.

ESEKIELI 26:9

Gufteraá koo/i fe/it gi geeraá koo/írí qaas, nee /ampuuwók awa xuuma giri fee/ ar suruúru.

ESEKIELI 4:2

Laqaameek, adór kara harweér. Slaqsoó koo/irós nee slumtós bihhaawósí gooimeek, slumaá slaqwaruuse bihhaawós i tleehheek, nee gufteeraá gixsa kar fe/iiti.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 5:13

«Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

AMOS 1:14

Gawaá adoorihe aníng asla a qaás gawaá koo/ír gixsár Raba, asla koo/irós tidá' gawit gari /ák. Deeloodár slaqwaraaro tsimaahhi ka ló'wá ur, nee slaqwara ka ló'wa hhamhhám adór bambaao.

YOSHUA 6:10

Ala Yoshua mukós guri báy, «Ma tseeara', aforhúng makawa axaás, tam /aymu mu ooara', ay baalár aníng kaangw ngway oo', daqaní ta tseá'.»

YOSHUA 6:20

Naagáy muu iri tseé', tarumbeetadu kiwa ufaáhh. Muu afór tarumbeetadu kawa axaás, tari ak tseé' ar afór ur, nee koo/i iri huhu'uún, muu iri dáh baraá gixsa umuú heewo ar didií sihhiít, inooín gixsa ngiri hayoohiyé'.

1 SAMUELI 17:20

Looaytleérose Daudi ina matlaatlér boo/ ti'iít, bee/aangw guna geexáy dír de'eemo. Muruú /aymaadá' taa oó' nee baabuúwós Yese guri huúw. Iwa hardáh dír xafayduú múk Israeli, gina harati'iít naxés ta slaaqw dír yaamuudaá slaqwarár wa ale ta uu'umín.