ESEKIELI 21:21 - Biblía Axweesantá Hhohho' ar Mungú 2004

²¹ Waawutmoó Babuloni i sihhimiit dír iimu/úngw lohuuká' tsár, dír waatsarár lohuuká', as tlaa/e ngiwa didá' wa xui. Tlangaasirós gari diingiis, slaqsi'iidaá munguiiwós kudá' giri kaangwí yaahaas, nee de'ér makiito'ór taa ilahhooár wa haniís gari xuuxuu'.

ESEKIELI 21:21 Iomraidhean Croise

IIMU/UUNGW 31:19

Qoomaadae Labani aa se'éngw bee/aangós tlaquú áy. Naagáy Raheli pa/aangw guri sleér oo murslaaqatuú munguiidá' baabá i haratlintaati'i ngiwa fis.

IIMU/UUNGW 31:30

A xuú' gár tasa fisiín, a inslawoó úr oo ki/imaá amór baabuúwók una sleér. Ala a milá gár murslaaqatuú munguiieé' kudá' ni haratlintatii' kisa fís?»

2 WAAWITÁ 23:24

Waawutmo Yosia qwaslaarér giaá duxuum nee da/aluuse, nee murslaaqat nee slaqsi'i dinkwa nee muruudá' ló'wa buhhtamís, sleémeero guna hingeés baraá yaamaá Yudawo as tidá' taa gooín baraá kitaábuudá' Hilkia kaahamusmoó úr oo Mungú aa sláy baraá doó AAKOÓ MUNGÚ wa ale.

AXWEESANOÓ SAGALOOA 16:10

Waawutmo kwasleema gan tsaat ar geeraharu'uumár AAKOÓ MUNGÚ, nee kwasleema binga tsaát aa dakuusiiká.

AXWEESANOÓ SAGALOOA 16:33

Muu tsawdo gan tleehh. Ala heé ta tsawaari a AAKOÓ MUNGÚ gun sláy.

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

SEKARIA 10:2

Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

FAARO 22:7

Naagáy geeraharuusér Moabu nee ar múk Midiani tari tláy, tari amór Bala'amuú káy, i peésár bu'utuú qwaslaarmoó koná'. Tawa hardáh ya/abtór Balaki kari oó'.

FAARO 23:23

Ar looeemawo múk Yakobo da/aluuse gu baqká, tam qwaslaare sleeme múk Israeli gu aleesleeraaká. Hamí daxta muu iri ooi daanduú múk Israeliwo, ‹Qayté' waa/oo/amór Mungú aa tleéhh!›

FAARO 23:28

Naagáy, Balaki Bala'amu guri ar tláy ay gawaá ságw tloomár Peori, tidá' nee xaanxaay ti ga/aawá'.

Matayo 22:9

Ala tlawsé', tsa/amé' amór lohaá uren, muu sleémeero oo taa aandé' amór doó duuxórí ateetare'.›

Tlehhema'aá ya/Abuuse 16:16

Looarka wake tawa didár saalíngw kawaan, nee lawaalo'orka tina doogaán ar neetlaamér aaru'uumár koom. Inós daqaareerós gan daqaari'iimár yaariírí slaasleér ar loohír aaru'uuma.

DABE 18:10

Baraá tla/angwhunge hee tumu wák miwa deeruút, heé na/aywós oo garma, laqaá oo dasi gu baraá ásltár ohís as nguwa ilahhooár wa haniisi, laqaá heé tlaa/aá xuaaiím, laqaá heé tu/u/uúm, laqaá oo isaá araa'ár,

HAR'OHUUSE 17:5

Heewí ta bay Mika, doó mungú nguwa sluufmiisi guna tleéhh, nee naifeéra gana tleéhh, nee slaqsa'aá munguaá hatlae, garmaawós gway kaahamusmoowós wa qaás.

HAR'OHUUSE 18:14

Aluuwo mukdá' kooán yaamaá Laishi ngaa tsawtsawuusár aye', hhaeeín ngiri bayé', «Xayshé', kuungá' a xuá'a adór baraá do'koowo murslaaqatuú taa daákw kuri parootuús ar muqslír taa weeqatís i deer, nee slaqsa'aá hatlae nee naifeéra. Hám daxta kuungá' ma katá' adór ta laqaan.»

HAR'OHUUSE 18:17

Mukdá' kooán yaamuudá' gaa tsawtsawuusár ay, tana tsa/án tay dáh baraá do'duú murslaaqatuudá' taa tleéhh, nee kudá' taa daákw kuri parootuús, kuri duúx, nee naifeéraro. Qoomaarihe kaahamusmo i dinkwa nee hhawaateedaá tsiire lahhoó', kudá' xoosla ngaa oohiye', tari dír dahmaá afkú doó áy.

HAR'OHUUSE 18:18

Tawa dáh baraá doó Mika, murslaaqatuudá' taa daákw oo taa parootuús nee naifeéraro nee slaqsoó hee kudá' taa tleéhh ar muqslír taa weeqatís, muruuwí kuwa ar tláy, kaahamusmo giri yaahaás, giri báy, «Kuungá' ma tlehhá'?»

HAR'OHUUSE 18:20

Kaahamusmoodá' muunaáwós iri qwalaá/, inós naifeéra gari taataáhh nee murslaaqatuú taa tleéhh, nee murslaaqatuudá' taa daákw kuri parootuús, iri tláy baraá tla/ángw muu tiri alkoné'.

HAR'OHUUSE 18:24

Mika iri oó', «Kuungá' munguiidá' aníng naa tleéhh ina ar tleeré' dinkwa nee kaahamusmo, ala gár aníng ni koom a milá? Slamí án kuungá' adór ir yaahasa' a adoomá?»

1 SAMUELI 15:23

Asma dee/aana a adór tlakweemaá da/ari, nee saga gawdeema a adór tlakweemaá munguaá hatlá' kiwa haratlintati'i, hám daxta asma axweesantá AAKOÓ MUNGÚ kawa qo si'i, inós kuúng sleeme ugwa sií' tawa waawutmo.»