ESEKIELI 21:15 - Biblía Axweesantá Hhohho' ar Mungú 2004

¹⁵ Gawaá adoorihe awa yaariir naa diqiya' tsatiitiyé' nari huuhu'uné'. Afkú paánga dír afér maray'ín sleémeero gaa qwiiri/itís adór mankari, kaa qwiiri/itís as tsu/uta.

ESEKIELI 21:15 Iomraidhean Croise

2 SAMUELI 17:10

Mukók bar adoorí ngaa axaás, tam mukók kudá' gur'e gawdén adór direeri, tari hirqimiit de'eero. Asma múk Israeli sleémeero ga xuu' adór baabuúwók tar migusmo, nee mukdaádá' sleémeero oo dinkwa nee inós a múk ilakaaharén.

WARA'AMI 22:14

/Uuruueé' ina faák adór ma'aá naa ku'uutiye', fadueé' nay kwirhhimitiyé'. Muunaáeé' iri weéq baraaeene adór boohhayaangw.

ISAYA 59:10

Atén koo/i an dabár leelehhitaán a adór heé taampa an dabár leelehhitaán adór heé ilaá koomaaká. Tin sadukuuts tlaatla/aango adór múk xweeraá hi'imiít. Dír múk /uuruú kooma atén an adór tu'u.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 17:27

Ala barnaxes kuungá' aníng iga iiárií qasi'iiká, nee deelór hhoohhoo' ar Sabaáto bar aga harmagahhi'iiká, nee huwa loohisooro aga meeri'iiká, nee kawa ar darta ar afér gixsár Yerusalemu bál deelór Sabaátoro, naagáy, aníng afér gixsár Yerusalemu a ásltí oohiís, nee maraá waawitá sleémeero kudá' baraá Yerusalemu giri /ák, nee heé asltadá' gaasaro ga aleesláw i kaahh.»

YEREMIA 18:15

Ala muk'eé' iga gunqareés, inooín mooyángw tsuú' ngwa munguaá hatlá' i da/aa/ané'. Inooín naa dukuutsiyé' baraá lohuuine, baraá lohdaá aange. Baraá lohdaá irakw kinar uhín kitángw lohdaá hhaytantá urene.

ESEKIELI 15:7

In ló'wa harmagaáhh ar xarasleema. Tam handá' asla kaa waaguwi, asltí aqo gin hhaamís. Qoomár bira harmagaahha hhe'eés ar xarasleema, an qoomár aníng iwa tsaahhiya' tawa AAKOÓ MUNGÚ.

ESEKIELI 20:47

Ádbaweek axweesante'eé' ngi oohiye', anuú AAKOÓ MUNGÚ. Anuú Aakoó MUNGÚ a kah, ‹Asla a oohiís diroge, inós xaa'aá naa/á' nee awa kaaharene giri /ák, in bihhaá baskú wa iimu/uún ay bihhaá /iya. Heé tsaangós gaasaro gu aleesláw i kaahh, umuú heewo aqo da/a/amó gun sláy.›

ESEKIELI 21:10

Kaa duúq as iwa tsu/ut, kaa /awaakeés as iwa war'eeliin adór mankari.

ESEKIELI 21:16

Aá paánga, bihhaá doó /iyayhe nee awa doó basayhe afkók amooqá' nee tiqae ti xu'us as gila.

ESEKIELI 21:19

«Heewí, lohdaá tsár gooimeek awa paángár waawutmoó Babuloni ir waarahh, lohduuká' tsaraawo i dír aykuú wák wa iimu/une'. Dír umuú iimu/úngw loohiro slaqsoó amór gixsár laqaqaám qaaseek.

ESEKIELI 21:22

Mahangwdá' aa dakós oo doó /iyáy huu', gár i laqaaqan a kángw Yerusalemu. Xooslár gixsa fee/a gari amohhe'ees, kángw tsu/uta nee tsimaahhír slaqwara guri oo', xooslár afkú gixsa fee/a kaa amohhe'eés, slumaá gixsa ngaa harweeriye' nee /aampu kina tleéhh.

ESEKIELI 21:28

«Heewí, aariím daanduú múk Amoniwo, nee daanduú axweesantaín tidár waaniqaay dír múk Israeliwo. Inooín ki beer, ‹Paánga! Paánga kaa amohhe'eés muu tsu/taaro, kaa duúq as ngiwa hhaamis, kaa qwiiri/iís i war'eeliín adór mankari.

ESEKIELI 21:7

Kuúng bur yaahamisiyá' bir kaahiya', ‹Ahaá waáy, mas tsuunqumís?› Kuúng ki beer, ‹An tsuunqumiís as kangwko hi'iít. Umuú heewo iri daqiyá tsatiit as kangwdá', dabaaín niri sikmiitiyá', umuú heewo iri /arán, gurunge'eeri'ín niri tsatimitiyá'. Kaangwí oo ló' ni tsuwa hardah, i pa/iiká tleehharutaro.› Anuú Aakoó MUNGÚ tí aga oó'.»

YOSHUA 2:11

Kaangwí nguwa sa axaasaán gur'eerén ma'aay ngina dalaa/iyé', dír atene migi iri fák as kuungá'. Asma atén aga tsaahhaán adór AAKOÓ MUNGÚ, Munguúhúng tar Mungú, gawaá dooriwo nee baraá yaamuwo.