ESEKIELI 21:10 - Biblía Axweesantá Hhohho' ar Mungú 2004

¹⁰ Kaa duúq as iwa tsu/ut, kaa /awaakeés as iwa war'eeliin adór mankari.

ESEKIELI 21:10 Iomraidhean Croise

2 SAMUELI 7:14

Aníng tari baabuúwós, inós tari garmaaeé'. Tlaákw birnga tleéhh, un iigahhaát, adoodár muu i /imamisi na/ii'ín kiwa naanaqaqati ar hhara.

ESTA 3:15

Mukdá' iri gaanslár tláy as hara'ayár waawutmo, hara'aydá' kari ilahaniís baraá gixsár ur ar Susa. Waawutmo nee Hamani tana iwiít, ta difaáír wahán, ala gixsár ur ar Susa aa amooqwát.

DAHARUSMO 3:4

Qoomár /aa/e nee qoomár qaseengw. Qoomár tsuunqumis nee qoomár neeto.

YEREMIA 23:20

AAKOÓ MUNGÚ buhhtaawo i baloó alií ki/iiká, ay dír tidá' aa slaá' tleehharo baraá muunaáwose ngay boo/eesi. Deelór ni hi'iita tí kuungá' a tsaahha hhe'eesá'.

YEREMIA 46:4

Farasuhúng amohhe'eesaak nee itsa/amak! Umuú hee i dirós i sihhiiti nee kofiyadaá muqsla dahaasaak. Lawluuhúng duuqaak. Tlabaahúng kudaá muqsla dahaasaak!

ESEKIELI 20:47

Ádbaweek axweesante'eé' ngi oohiye', anuú AAKOÓ MUNGÚ. Anuú Aakoó MUNGÚ a kah, ‹Asla a oohiís diroge, inós xaa'aá naa/á' nee awa kaaharene giri /ák, in bihhaá baskú wa iimu/uún ay bihhaá /iya. Heé tsaangós gaasaro gu aleesláw i kaahh, umuú heewo aqo da/a/amó gun sláy.›

ESEKIELI 21:11

Kaa duúq nee kaa /awaakeés as kawa qaasi gawaá dabaá tsu/utusmo.

ESEKIELI 21:4

Aníng inooín i tsuú/ iimír bihhaá baskú wa ale ay bihhaá /iiko, muu sleémeero oo tlákw nee oo hhoe nguri ló'wa hhaamisa ar paángar'eé' tidá' naa baraá qawáy wa duúx.›

NAHUMU 1:10

Inooín tam adór laqayaá taa nagwahhii'i, tam ni hirqamitiia nari ma'aay tleehhiiyá' as xuftár difaáir'ín, ala kin qororo'oos, adór hhaanslaá kaaharén wa alé.

NAHUMU 3:3

Slaqwaruusér faras gwa i tsa/aan nun i haraatláy, paangaduuín nee lawluuín i mitsiihhiyá', múk taa tsuú/ a tlaftá yaariir, ufér tu'u i alhhe'eesoó koondaaká, muu ya'aaín giri tuunqala/án gawaá tu'uudá'.

HABAKUKI 3:11

Tsee/amá nee slahhaangw niri sihhiitiyé' wa/aamer'ín tidá' i hootiya', qoomár qwiiraa/ór maheeriiwók ngiwa ariyé' iwa weelaahát, nee qoomár mitsaahhór lawaalarók ngiwa ariyé'.

Geehhoeemaá 2:27

Nee inós múk xoordu guri sawaawuti'ii'ín ar hhartá muqsli, nee guri parhhamiis adór qaambeesamá wa ale. Asma tam aníng waawuti'iimarí ana sláw dír Baabuúeé' wa ale.