ESEKIELI 20:47 - Biblía Axweesantá Hhohho' ar Mungú 2004

⁴⁷ Ádbaweek axweesante'eé' ngi oohiye', anuú AAKOÓ MUNGÚ. Anuú Aakoó MUNGÚ a kah, ‹Asla a oohiís diroge, inós xaa'aá naa/á' nee awa kaaharene giri /ák, in bihhaá baskú wa iimu/uún ay bihhaá /iya. Heé tsaangós gaasaro gu aleesláw i kaahh, umuú heewo aqo da/a/amó gun sláy.›

ESEKIELI 20:47 Iomraidhean Croise

ISAYA 13:8

Inooín niri amoqwaariyá', niri dae feehhamiitiyá' nari /araaraná', slahh'amuú yaariír gi sláy adór kuquú /ameenír asltá xwayla gaa al'ot. Umuú heewo iri puungahhamkár qaytsiit amór kuqá', gitsee/er'ín iri sloo/amít kwaáo asla gina tsaara'ás.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 66:24

Aluuwo inooín tari tláy tuaá mukdá' aníng iga aahh ngiri xuxu'úngw ayá', asma naanagadá' tu'uudá' /aay i baloó qatlká, tam asltidá' gi /aay i baloó gwa'ká, inooín tari gár ta aahhi nee muu sleémeero.»

YEREMIA 17:27

Ala barnaxes kuungá' aníng iga iiárií qasi'iiká, nee deelór hhoohhoo' ar Sabaáto bar aga harmagahhi'iiká, nee huwa loohisooro aga meeri'iiká, nee kawa ar darta ar afér gixsár Yerusalemu bál deelór Sabaátoro, naagáy, aníng afér gixsár Yerusalemu a ásltí oohiís, nee maraá waawitá sleémeero kudá' baraá Yerusalemu giri /ák, nee heé asltadá' gaasaro ga aleesláw i kaahh.»

YEREMIA 21:12

Kuungá' múk doó Daudi, anuú AAKOÓ MUNGÚ an kah, ‹Gan'amu matlaatleero tseewa tleehhaak. Heé taa daqaari'iima hayóh /iisaak dabaá múk /aytuuseero. Laqaá bar adooriheeká, buhhtaaeé' i adór asltá wa oohiyá', nee heé gaasaro ga aleesláw i kaahh, asma tlehhmi'iihúng kudá' tlakw.›

YEREMIA 21:14

Ala aníng kuungá' nun muúx ar har qoomoó tlehhmi'iihúng kudá' taa tlehhé'. Anuú AAKOÓ MUNGÚ an kah, Asla a oohiís baraá darmuuhúng, asltí umuú gaaro ar baraá yaamuudae dáw gari /ák.»

ESEKIELI 16:35

«Hám daxta kiíngasír tsaatuso'o, axweesante'eé' iiárií qaaseek, Anuú AAKOÓ MUNGÚ.

ESEKIELI 17:24

Daqaní xaai baraá yaamu sleémeerowo ngiri tsaahhiyá' adór anuú AAKOÓ MUNGÚ xaa'aá tlet ngir gáwtá wa daraáhh, xaa'aá ququmat ngiri tledemiís. Aníng xaa'aá naa/á' in kahaás, nee awa kaaharen in naa/amií ki/ís ngay ureemiís. Anuú AAKOÓ MUNGÚ tí ngina oó' nee an tleéhh.»

ESEKIELI 19:14

Asla ina ti'ít baraá tla/ángw xa'anoodá' wa alé, haleemi nee mamuuwo giri /ák, haleemiiwós i baloó iiay'aaká, laqaá i adór hhartá waawuti'iima tleehhitiaaká.» Gaarí a tsuunqumis, nee i tsuunqusmo tleehhit.

ESEKIELI 21:10

Kaa duúq as iwa tsu/ut, kaa /awaakeés as iwa war'eeliin adór mankari.

ESEKIELI 21:32

Kuungá' tari migír baraá aslto, tseererhúng iri ku'út baraá yaamu. Kuungá' heé nu baloó insláw i kaahh.› Anuú Aakoó MUNGÚ tí aga oó'.»

ESEKIELI 24:5

Fu'unaá hhohho' awa bee/ír slaqwa hhoo' tleehheek, gufteeri qaaseek baraá asla, fu'unaay nee fadu dinkwárí humiimeek, sleémeero humro hhe'eeseek.›

Luka 23:31

Asma bar muruuwí kuna tleéhh dír xa'anoó naá/ i alé, xáy, dír xa'anoó kaahaare gár ta may?»

DABE 32:22

Asltá buhhtaaeé' kaa oohiís, asla iri /ayiín ay baraá gi'i. Daanduú yaamu nee umuú gaaro guri /ák ihhafirír tlom'i ga /ák.