ESEKIELI 20:42 - Biblía Axweesantá Hhohho' ar Mungú 2004

⁴² Kuungá' aníng daqaní i tsahhá' adór tar AAKOÓ MUNGÚ, qoomár burna huúw ay baraá yaamaá múk Israeli, yaamaá naa qaroó lo'ór wa /aáy ngiwa haniis dír baabi'iihúng.

ESEKIELI 20:42 Iomraidhean Croise

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

ESEKIELI 20:15

Tam adoorihe aníng lo'o ana huúw baraá xaanxáy wa ale niwa káh, ‹I dahiaaká baraá yaamuudá' naa inooín i haniís, yaamaá dane nee ilwa, yaamaá ló'wa hhoohhoo' ta yaamu sleémeerowo.›

ESEKIELI 20:38

Múk aa dee/anumiit nee kudá' aníng i sadakumiís u hingeés baraá tla/angwhunge, i hingeés baraá yaamuudá' i hootia, tari adór múk aa goow, ala i dahiaaká baraá yaamaá múk Israeliwo. Diirí an didá' kawa tsahha' adór aníng tar AAKOÓ MUNGÚ.

ESEKIELI 20:44

Kari tsahhá' adór aníng tar AAKOÓ MUNGÚ, qoomár burna adór harimaaká i tleéhh, adór alqoomaaká nee tlehhmi'iihúng kudá' tlakw, ala adór ilaiwa/amér umuueé'. Anuú Aakoó MUNGÚ tí aga oó'.»

ESEKIELI 20:6

Baldá' lo'o ngiwa /aáy ina báw, ‹Aníng kuungá' nu duúx yaamaá Misrír wa alé nee nuri geerahaár ay baraá yaamaá naa kuungá' i tsawaár, yaamaá ilwa nee dane, yaamaá ak hhoohhoo' ta yaamaá hatlá' sleémeero.›

ESEKIELI 24:24

Anuú Esekieli an slaqsaay dirhunge, umuú gár naa tleehhi kuungá' an tlehhá'. Qoomár muruuwí sleémeero bira boó/, daqaní kuungá' a tsahhá' adór inós tar Aakoó MUNGÚ.»

ESEKIELI 26:13

Tsimaahhír daa'aangw a hhaamiís. Afór gidandoorayhúng a male axasa'aaká.

ESEKIELI 34:13

Aníng i duúx baraá tla/ángw xoordaá hatlá' wa ale kudá' sawen, nee ngiri huuw baraá yaamuuín kudaá kilá' i ale. Nguri de'eém gawaá tlom'aá Israelír wa ale, bihhér duxe, nee baraá yaamu sleémeero kudá' muu i hooti.

ESEKIELI 37:21

Kibeeto, Anuú Aakoó MUNGÚ a kah, Aníng múk Israeli ngu ki/ís baraá xoordudá' nay tlay'i, in burumbuúr bihhe sleémeerowo, ngiri ki/ís baraá yaamuuín i alé.

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

ESEKIELI 38:23

Adoorí an adoodá' xoordu sleémeero hhohhoarir'eé' ngir ariya'. Aluuwo aníng iri tsaahhiya' adór tar AAKOÓ MUNGÚ.»

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.