ESEKIELI 20:41 - Biblía Axweesantá Hhohho' ar Mungú 2004

⁴¹ Ala barna duúx baraá yaamuudá' tay diyaá/ nuri dinkwaárií burumbuúr, ilahhooarhúng tidá' mooyaangw tsuú' a ilaaóh. Aníng hhohhoaarir'eé' ngiri geehhooatís tla/angwhúng wa alé dír geeraá xoorór hatlá'.

ESEKIELI 20:41 Iomraidhean Croise

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

2 SAMUELI 24:23

Waawutámo, aníng muruuwí sleémeero ngu haniís. A harahhiíf AAKOÓ MUNGÚ, Munguúwók, ilahhooarók ga ilaoh ar hhooeema.»

ISAYA 5:16

Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.

YEREMIA 23:3

Naagáy aníng bee/angw'eé' kudá' aa meet un burumbuúr baraá yaamu sleémeerowo, amoodá' ngway diyaá/, ngiri ki/ís baraá qawtanti'ín. Inooín niri laqwaaliyá', niri dooginá'.

YEREMIA 30:18

Anuú AAKOÓ MUNGÚ a kah, «Aníng diihhooár hotaá doó Yakobo a ki/ís. Nee hotaaín i gurtláw, nee gixsa ka tleehh gawaá taangoorós, doó waawutmo ku tleehh didá' aáng i dirii'i.

YEREMIA 30:3

Asma ga/aaweek, deelo i hardát ar muk'eé' oo Israeli nee oo Yuda nguwa diihhooár i ki/is. Aníng inooín in ki/ís baraá yaamuudá' naa taati'ii'ín i haniís, nee inooín ngiri aaliyá'. Anuú AAKOÓ MUNGÚ tí ngina oó'.»

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

ESEKIELI 11:17

«Gimáy, daxta baweek, Anuú Aakoó MUNGÚ a kah, Aníng kuungá' nu burumbuúr amoodá' ta hota'a. Nu burumbuúr amór yaamuudá' nay diyaa/i, nuri ki/ís baraá yaamaá múk Israeli.

ESEKIELI 20:28

Asma qoomár ngiwa huúw baraá yaamuudá' naa inooín i alqadiím ngiwa haniis, umuúqo tloomár tleere ngiwa ariyé', laqaá xa'anoó loo/ór naa/ koóm, inooín nguna ilahhooárií gaasiyé' as aníng iwa hayloórí leehhiya', amooqaáqae ta ilahhooár mooyángw tsuú' hanmiis nee ar tsipipi'iimisuuwo.

ESEKIELI 28:22

Aariím daanduuwose, ka beer, Aakoó MUNGÚ i kaahi, ‹Kiíng Sidoóni, ga/aaweek, aníng nee kiíng ti araán, nee xirfuueé' nguri laqaám baraawók wa alé, qoomár sakwasleemar'eé' bara boo/eés daanduuwoge. Nee hhohhoartaeé' ngiri laqaám. Daqaní aníng kuungá' i tsahhá' adór aníng tar AAKOÓ MUNGÚ.

ESEKIELI 28:25

«Anuú Aakoó MUNGÚ a kah, Án múk Israeli un burumbuúr nee nguri dinkwárí ki/ís baraá xoordu sleémeero amoodá' ni diyaya/atiyé'. Gawaá adoorihe múk xoordaá hatlá' gari tsaahh adór aníng tir hhoohhoó'. Múk Israeli tari hoot baraá yaamuudá' aníng naa sagadiyusmooeé' Yakobo ii haniís.

ESEKIELI 34:11

«Gawaá adoorihe anuú Aakoó MUNGÚ a kah, Anuú kilá' bee/angw'eé' un leeleéhh nee nguri amohhe'eés.

ESEKIELI 34:19

Xáy, bee/angw'eé' in qawór áya dír qawtantá taa tlupiimaamité', nee ma'aá taa tumbindé' ngin wahiía?

ESEKIELI 37:25

Inooín tari hoot baraá yaamaá baabi'ii'ín kudá' naa haniís dír Yakobo. Inooín nee na/ii'ine nee na/aá nangw'ine, tari baraaká' wa hoot ay alhhe'eesay wasle, Daudi sagadiyusmooeé' giri sawaawuti'ín daqisleeme.

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

ESEKIELI 38:23

Adoorí an adoodá' xoordu sleémeero hhohhoarir'eé' ngir ariya'. Aluuwo aníng iri tsaahhiya' adór tar AAKOÓ MUNGÚ.»

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

ESEKIELI 6:13

Qoomár tu'uuín birka hhaáf didá' mungui ngi firór aa'aya' gawaá tlom'iiwo, gawaá umuúqo gongoamoowo, nee dír gamuú xa'anoó loo/o naa/e oo ti'ita, didá' ilahhooár mooyángw tsuú' ngiwa hanmamisiya', daqaní inooín aníng iri tsaahhiyá' adór tar AAKOÓ MUNGÚ.

TLAHHOÓ LAÁWI 1:13

Ala xooslár gura' nee ya'a' giri hamaatl ar ma'aay. Kaahamusmo sleémeero giri ád aldaa/ gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 1:17

Inós tsir/idá' gan hhampi'i oh, ala ga tla/a feehhisiiká. Naagáy kaahamusmo gari daa/ gawaá kitángw ilahhooa gawaá migíruuduú baraá asltá gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.»

TLAHHOÓ LAÁWI 1:9

Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

AMOS 9:14

Aníng muk'eé' kudá' aáng taa loohatís ngun ki/ís baraá yaamuuín, inooín gixsaduín kudá' taa geexáy ngin tleehhiyá' ngiri hootiyá', sabiíbu ngu dahaasiyá' baraá qamuuín, nee difaáir'ín ngiri wahaná'. Inooín qamu ngin dahaasiyá' ngiri balángw wa /ayiyá'.

FAARO 20:13

Gaarí an ma'aá Meriba, didá' múk Israeli iwa qununuú/ dír AAKOÓ MUNGÚ, nee inós tiri dir'ín i laqán ar hhohhoaarirós baraá tla/angw'ine.

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as kangós kuwa tsiyaayaaxi umuúqo diiro, adór mooyángw tsuú' wa ale.

2 korinto 2:15

Asma atén a adór mooyángw tsuú' oo Kristo dír geeraá Munguhe, dír mukdá' ta ba/amiimisi, nee dír mukdá' qwaqwadiima.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

1 Petro 3:15

Ala Kristo na xirfayeemisaak baraá munerhunge tawa Aakoohúng. Umuúqo siiwaro kuungá' masók taa amohhe'esé' heé yaahamiís kuwa mu/aywatsa' ar adór hariim daanduú harahhifoodár baraahúngií diriia.