ESEKIELI 20:4 - Biblía Axweesantá Hhohho' ar Mungú 2004

⁴ «Heewí, kuúng taa amohhe'ési mukwí kuwa sakwasleemut? Gimáy sakwasleemuuteek. Bariiseerí ka inslawtís daanduú tidá' aa tlehhi.

ESEKIELI 20:4 Iomraidhean Croise

ISAYA 5:3

Gawaá adoorihe, sla'aarusmooeé' i kaahi, «Kuungaá yaamuloouusér Yerusalemu nee múk Yuda, kwasleemar'eé' tí tsataare' tla/ángw aníng nee qaymor'eé' ar sabiíbuuwo.

YEREMIA 11:14

Gawaá adoorihe, kuúng Yeremía, mukwí mu aleefiriirimaar, nee mi alee/aa/amimaar, mi aleefiriimaar, asma aníng i iiárií qaasaaká, tam i ateetia qoomár slahh'amuuine.»

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 7:16

Ala kuúng Yeremia, mukwí mu aleefirimaar, sleeme án mi i /aa/amimaar as inooín, nee mi aleefiririmaar, nee án mi harhheehhe'eemisaar as inooín, asma aníng kuúng u iiárií qaasaaká.

ESEKIELI 14:14

tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

ESEKIELI 14:20

tam geeraawo barnaxes Noa, nee Danieli, nee Yobu in baraá yaamuukae, adór anuú Aakoó MUNGÚ nirqo hotaatina, ar ló', tam na/oó wák oo garma laqaá oo dasi oo ta ba/amiisi i kaahh. Aqo har inooín slafingw'ín kilós ngun /iisiyá', asma gan'amuuín kudá' ta kon.

ESEKIELI 22:2

«Heewí, taa amohhe'ési sakwasleemaro, gixsarí múk tsu/a/iim kawa sakwasleemut? Gimáy, muruuwós kudá' sleémeero aníng i buhhtamís ooeek.

ESEKIELI 23:36

AAKOÓ MUNGÚ ina báy, «Heewí, kuúng tu amohhoóe Ohola nee Oholiba sakwasleemaro? Gimáy, tlehhmi'ii'ín kudá' ta waki alki/iteek.

ESEKIELI 23:45

Ala har'ohuusér gan'amuú koom gin sakwasleemút, adór múk fuquuse nee oo tsu/utuuse kir sakwasleemamuuti, asma inooín a fuquuse nee a tsu/utuuse.

1 Korinto 6:2

Kuungá' a xua'akáhe muu sleémeero kuwa sakwasleemuuti nee múk Mungú. Ala kuungá' barnaxes muu sleémeero u sakwasleemutá', a hariindá'aáke kwasleemár ninakw ar adór tisíng kawa tlaqa'?