ESEKIELI 20:34 - Biblía Axweesantá Hhohho' ar Mungú 2004

³⁴ Aníng kuungá' nun duúx baraá xoordaá hatlá' wa aleeró, nee nuri burumbuúr baraá yaamuudá' nuy diyaa/i, ar dakw'eé' oo ló'wa /uuruú koóm, ar xarasleema nee buhhtaeé'.

ESEKIELI 20:34 Iomraidhean Croise

WARA'AMI 107:3

Mukdá' aa burumbuúr baraá yaamu sleémeero wa ale, da/aáw nee /uwawo, /iya nee basko.

ISAYA 31:3

Múk Misri a muu, inooín a Munguheeká, nee farsuuín a makaay, slám a qeeruwoká. Qoomár AAKOÓ MUNGÚ dakós burngwa tleés xooroodá' ale/isoó hanmamiis kan gee/aasl nee tidá' ta alee/iimisi in hú', xoorduuká tsaraawo niri hhaná'.

YEREMIA 31:8

Qaytsité', muk'eé' ngu yaamaá bihhaá /iikú wa ki/ís. Aníng inooín in burumbuúr baraá hhapeemo sleémeerowo, múk taampu nee oo taqooraay ta dinkwa nee inooín. /Ameenár tsiihaawe nee ar xwaylár sla'a. Boo/oó yaariír oo muu ni diirií kii/.

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

YEREMIA 42:18

«Anuú AAKOÓ MUNGÚ Aleesleemusmo, Munguú Israeli a kah, ‹Adoodá' buhhtaaeé' nee adoodá' nira qa/iít dír yaamuloouusér Yerusalemu an adoodá' nir buuhh dír kuungá', barnaxes aga tleeré' baraá yaamaá Misri. Kuungá' tari adór gár taa ló'wa aáhh, nee ar dae tlaaq, nee ar ta lu'umisi nee ar ta niqisi. Kuungá' yaamuuká' i baloó malé aanda'aaká.› »

YEREMIA 44:6

Gawaá adoorihe aníng ana xaraásl nee niri daa/atúw buhhtaawo gawaá gixsadaá Yuda nee baraá lohdaá Yerusalemu, niri xaanxay tleehhitiyé', nee niri deewaiyé' adoodá' laarí i dirii'iya'.

WA/AA/I 2:4

Ga/aleerós gari tseék adór wakusmo, dakós oo doó /iyáy guri amohhe'eés adór wakusmo, mukdá' sleémeero atén tar daara/aamaar guna tsuú/, buhhtaawós kudá' xaraaslá' adór asla gina ku'uús baraá heemadaá múk Siyoni.

ESEKIELI 11:17

«Gimáy, daxta baweek, Anuú Aakoó MUNGÚ a kah, Aníng kuungá' nu burumbuúr amoodá' ta hota'a. Nu burumbuúr amór yaamuudá' nay diyaa/i, nuri ki/ís baraá yaamaá múk Israeli.

ESEKIELI 20:38

Múk aa dee/anumiit nee kudá' aníng i sadakumiís u hingeés baraá tla/angwhunge, i hingeés baraá yaamuudá' i hootia, tari adór múk aa goow, ala i dahiaaká baraá yaamaá múk Israeliwo. Diirí an didá' kawa tsahha' adór aníng tar AAKOÓ MUNGÚ.

ESEKIELI 34:16

«Bee/angwdá' aa qwaar un leelehhtuú áw, nee kudaádá' tawo hi'iimiít un amór dó' i ki/ís. Kudaádá' aa qeqtin un tlaawiím, nee kudá' litlakwén aníng in /uurií qaás. Ala bee/ángw slaqo hhó' nee kudá' /uuruú koóm un hhaamiís. Aníng bee/aangw un de'eém adoodá' kus hariím.

ESEKIELI 6:14

Aníng dakw'eé' u tleés gawaaíní aleeró, nee yaamuuín i hhitiím ngiri taangu tleéhh, iimír amór xaanxoó bihhaá basa ay gixsár Ribla bihhaá /iiko, yaamuuín i taangu tleéhh as dír hota mingiwa slayé'. Inooín sleémeero ngiri tsaahhiyá' adór aníng tar AAKOÓ MUNGÚ.»