ESEKIELI 20:32 - Biblía Axweesantá Hhohho' ar Mungú 2004

³² Kuungaáká' kaahá', ‹Atén a adór xoordaá hatlá' tleehhitaán, nee tlahh'aá yaamaá hatlá', as xaai nee tlaa/e kiwa sluufmisaan.› Tisíng ta baraá munerhúng i kata' i baloó ya/aandaaká.»

ESEKIELI 20:32 Iomraidhean Croise

WARA'AMI 139:2

Bar iwiwiít nee bar sihhimiít, kuúng aníng i xú'. Iinslaway'eé' ugwa tsáhh amór saáw wa ale.

WARA'AMI 33:10

AAKOÓ MUNGÚ axweesanoó múk xoordu taa qoomeemeés guna hhitín, muruudá' ta aldakuút guri warqeés.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

ISAYA 37:19

Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

YEREMIA 44:17

Ala atén umuú gaaro ar ta lo'ór wa /ayaán aqo an tleehhaán, mooyángw tsuú' kuwa da/aa/amaan dír waawuto'ór doori, nee ilahhooár tsiririxiisa an dirós i haniisaán, adoodá' ta tlehhahhitaan atén nee baabi'iirén, nee waawitaárén, nee geeraharuuseerén, baraá gixsadá' Yudawo nee baraá lohdaá Yerusalemuwo. Asma qoomár adoorí kawa tlehhahhitaan muruú /aymár yaariír una slawaán, diihhooár yaariir ana slawaán, nee gár tlaakw ar taa araán i káhh.

YEREMIA 44:29

AAKOÓ MUNGÚ i kaahi, «Layár ta aanda' a tí, aníng kuungá' nun iimu/uúm muxtaaro diirír kilá' wa ale, as kahhó' kuungá' kawa tsahha' adór axweesante'eé' tar ló' daaduhunge as tlakweemaahúng.»

WA/AA/I 3:37

Heé gaa ga oó' iri tleehharút a heemá bar Aako gaa ooiiká?

ESEKIELI 11:5

Naagáy qeeruú AAKOÓ MUNGÚ iri i hardáh iri báy, «Muu kubeeto, AAKOÓ MUNGÚ i kaahi, ‹Eeít, kuungaá múk Israeli gár ta aldakuta' a tí. Muruú baraá munerhunge ta kata' u xuú'.

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

DANIELI 5:4

Difaái ngina xufiyé' amooqae i munguaá hatlá' xirfayemisiyá', kudá' taa tleéhh ar sahaábu nee peésa nee ar muqslár sirda/aten, nee muqsla nee xaai nee tlaa/e.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

DABE 28:36

«AAKOÓ MUNGÚ kuúng, dinkwa nee waawutmoowók kudá' kuúng taa tsawdi, nun huuw ay baraá xoorór kuúng ta baloó xu'uká, laqaá baabi'iiwók sleeme. Nee amodaádae kuúng munguaá hatlá' awa xaai nee awa tlaa/e kiri sagadiyús.

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

DABE 29:17

Kuungá' slaqsi'ii'ín kudá' ló'wa buhhtamisá' iga aandé' awa munguaá taa tleéhh ar xaai nee tlaa/e, nee peésa nee sahaábu.

DABE 4:28

Amoodaádae munguaá taa xaaír tleéhh nee tlaa/e kiri sagadiyusá', kudá' handá' awa gadiyér dabaá muu, inooínaadá' xumisa'aaká, laqaá axamisa'aaká, laqaá i /ayna'aaká, laqaá i tsaa'amina'aaká.

Geehhoeemaá 9:20

Nee múk aa meet, oo taa tsu/iiká ar muxtaarí, gadiyeédár dabaaín kaa hhu'u'unká, neetlaame kaa mayká sluufmisuuwo, nee munguaá muqslaaqatuuwo, kudá' taa tleéhh ar sahaábu nee ar peésa nee ar muqsla nee ar tlaa/e nee xaai. Munguiiká' i xumisiiaaká nee i axamisiiaaká, slám i hi'iimitiiaaká.

1 SAMUELI 8:5

Kuri báy, «Qaytsiít, kuúng aga diín, nee daaqaywók loohirók gaa eehariiká, gimáy, waawutmoorén slawang oo ti sawaawuti'iím ar adór xoorduuqaá hatlá' sleémeero.»