ESEKIELI 20:3 - Biblía Axweesantá Hhohho' ar Mungú 2004

³ «Garmoó heewí, bariiseesír Israeli ka beer, anuú Aakoó MUNGÚ a kah, ‹Xáy, kuungá' naa hardatí'i as aníng iwa yaahasa'? Tí ar ló', adoodá' anuú Aakoó MUNGÚ nir hotaatima, aníng yaahasarhúng a baloó ya/amaaká.›

ESEKIELI 20:3 Iomraidhean Croise

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

ISAYA 1:12

Qoomár bar kuungá' i sluufmisuú eerá' Heé kuungá' naa ádbay muruusíng nguwa huba'? Amorqá' saaw i sihhiitaak dír dooeene.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 58:2

Tam adoorihe umuú deelooro in i hardarahiyá' iwa firirina' nee loohir'eé' xu'utiro ngiwa slaiya', baré kwaáo' inooín an xoorór hota ganaa' nee ar dabér Munguúín gaa si'ká. Inooín aníng in slaiyá' kwasleema ngiwa adór ganaá' ar tsaat, nee kwaáo' Mungú nguwa i tseewuya' ngi slaiyá'.

ESEKIELI 14:1

Looarka wake bariisér múk Israeli ina haraxeér as iwa hara'ayár slaiya'.

ESEKIELI 20:2

Aníng axweesantá AAKOÓ MUNGÚ ana axaás, i kat,

ESEKIELI 20:31

Barnaxes kuungá' aga kumité' ilahhooa hanmisuwo, nee na/iihúng kiwa da/a/aanda' ar asla, tin meetagaamisá' tam ay laarí. Xáy, kuungá' aníng iqo gurbu'útí lehhá'a, kuungaákaá múk Israeli? Ala anuú Aakoó MUNGÚ adoodá' nir hotaatima, lo'o aga /aáy, aníng a ya/aamaaká iwa gurbu'útí lehha'.

ESEKIELI 33:30

«Heewí, mukók i daanduuwók axwees, ta tlintaá maray'ín i iwiit ta kilooín axwees, ta kaahi, ‹Gusé', axweesantá AAKOÓ MUNGÚ a iiaárií qaasár awaán.›

AMOS 8:12

Muu iri toonganuus tlawtaqá wa tleemu ay taqá', tari /iikú wa tláy ay da/aáw, tari ti'ii'ín amorqá' nee taqae as axweesantá AAKOÓ MUNGÚ kawa leelehhiiti ala ngi slay'aaká.

MIKA 3:7

Mukdá' iigu'utuú ara'ár, tay amooqwaar, kuri mureekeemiis, nee mukdá' aaririím tay amooqwaar sleeme, kuri niinaweemiis. Sleémeero afer'ín kari tuuntuuk, asma Mungú i ilawatsiiká.

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Luka 3:7

Múk yaariír iri hardáh dír Yohane, as kuwa baatimiisi, giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Yohana 4:24

Mungú a qeeru, nee mukdá' inós gu sluufmiís, gár kuwa hariím a kun sluufmiis ar baraá qeeru nee looeema.»

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.