ESEKIELI 20:24 - Biblía Axweesantá Hhohho' ar Mungú 2004

²⁴ Asma inooín daber'eé' ngaa eehar'iiká, nee kaahir'eé' ngina si'iyé', nee Sabaátor'eé' ngiri meetagaasiyé', nee slaqsi'iidaá munguaá hatlá' kudaá baabi'ii'ín naa harahhifiyé', inooín ngina harahhifiyé'.

ESEKIELI 20:24 Iomraidhean Croise

YEREMIA 2:7

Aníng kuungá' nuri huúw baraá yaamaá hhooa, as mamaá yaamuudá' kiwa /aga' nee tawa hota' ar diihhooa. Ala tawa hardaté' yaamuudá' ina hhitiindé', nee aalir'eé' kari slasla/aresé'.

ESEKIELI 18:12

narkuute ga hara/untsiitsín nee múk litlakwene, i fisiisín, iinár hee ga buiiká, slaqsi'iidaá munguaá hatlá' gi haratlintatii', nee muruú buhhtamís gu tlehhiit,

ESEKIELI 18:15

ilahhooadár ta hanmaamisi gawaá tlom'ií wa ale ga /a/ayiiká, laqaá slaqsi'iidaá munguaá hatlá' awa múk Israeli gi haratlintatii'iiká, nee aa fuqusiiká nee harér inslaamoowós,

ESEKIELI 18:6

nee barnaxes i dinku'umisiiká ilahhooa hanmisuuwo dír munguaá hatlá' gawaá tlom'iiwo, slám slaqsi'iidaá mungui taa tleéhh nee múk Israeli gi haralintati'iiká, bar nee harér inslaawmoowós i alhi'iimitiaaká, laqaá naa alqaati'iiká deelór iwa baraá deeloorós i diri',

ESEKIELI 20:13

Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

ESEKIELI 20:16

Adoorí ana tleéhh asma inooín daber'eé' ngina si'íyé', nee naa hooti'iiká ar baraá kaahir'eé', Sabaátor'eé' ngina meetagaasiyé', asma inooín slaqsi'iidaá munguaá hatlá' ngina gurií ba/iyé'.

ESEKIELI 23:38

Slám a tí kiloseeká, dooeé' nguna waaqaaiyé' nee deelor'eé' tidár Sabaáto ngina meetagaasiyé'.

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

AMOS 2:4

AAKOÓ MUNGÚ i kaahi, «Aníng múk Yuda muxtaaro u mawaaká, as tlakweema ngiwa tlehhaahhitiyé'. Asma inooín dabér AAKOÓ MUNGÚ eeharto ngina si'iyé', tam kaahirós sleeme ngaa oohii'iiká. Ala lamtaín tidá' i tlaqaaqatiya' gay dahás baraá qwanaay tidá' aáng taati'ii'ín naa eehariyé'.

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.