ESEKIELI 20:23 - Biblía Axweesantá Hhohho' ar Mungú 2004

²³ Tam adoorihe lo'o ana huúw baraadaá xaanxáy wa alé niwa kah, alók geeraawo ina huúw ay yaamaá saaw, tawa hotaá ay tla/ángw xoordaá inooín ni xuiaaká.

ESEKIELI 20:23 Iomraidhean Croise

WARA'AMI 106:27

Na/ii'ín awa ta laqwaali, in tsiyayaáx baraá yaamaá múk xoordaá hatlá', ngiri diyaá/ baraá yaamu sleémeero.

WARA'AMI 44:11

Atén tina meér tawa adór bee/ángw ta tsu/utár ay. Tiri diyayaá/ baraá xoordaá hatlá'.

YEREMIA 15:4

Aníng inooín in gár dae tlaaq tleéhh dír waawuti'iima sleémeero ar daanduú yaamuwo, asma tlakweemaadá' Manase garmoó Hesekia aa tleéhh baraá Yerusalemuro, qoomár tawa waawutmoó Yuda.

ESEKIELI 11:16

«Ala mukwí baraá looháy dirií' ku beer, Anuú Aakoó MUNGÚ a kah, Tam naa huwi baraá tla/ángw xoordaá hatlá', nee tam naa diyaa/i baraá yaamaá hatlá', tam adoorihe qoomaarír kilae aníng a dinkwa nee inooín, amoodá' i diri'iia'.

ESEKIELI 20:15

Tam adoorihe aníng lo'o ana huúw baraá xaanxáy wa ale niwa káh, ‹I dahiaaká baraá yaamuudá' naa inooín i haniís, yaamaá dane nee ilwa, yaamaá ló'wa hhoohhoo' ta yaamu sleémeerowo.›

ESEKIELI 22:15

Aníng kiíng i tlatlahhaás baraá xoordu sleémeero, nee iri kwakwaáhh baraá yaamaá xoordaá hatlá' i aleeró. Slasla/aruudá' baraawók i dirií' un qwaareés.

ESEKIELI 44:12

Asma inooín múk Israeli nguwa geerahariyé' firór munguaá hatlae, nee muu nguri tlakweemár ayé', aníng dakw'eé' ugwa gáwtí tleés as ngiwa muux. Anuú Aakoó MUNGÚ tí aga oó'. Inooín muxtar'ín ngi slayá'.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

DABE 32:40

Aníng dakwe'eé' un gawaá doori tleés nee lo'o ngiri /aáy ar umuueé'.

DABE 4:27

AAKOÓ MUNGÚ kuungá' nun diyaa/ baraá tla/ángw xoordaá hatlá', nee múk niiná dirhunge iri meet amoodá' AAKOÓ MUNGÚ nay guusi.