ESEKIELI 20:13 - Biblía Axweesantá Hhohho' ar Mungú 2004

¹³ Ala múk Israeli ina dee/anuút baraá xaanxáy wa ale, kaahir'eé' eeharto ngina si'iyé' nee daber'eene, tidá' handá' hee geeraawo birnga eehár, in hoot. Deelór Sabaáto ngaa meetagaasiyé'. Aníng niri oó', In i buúhh ngiri hhaamiís baraá xaanxaay.

ESEKIELI 20:13 Iomraidhean Croise

2 SAMUELI 12:9

Aníng a AAKOÓ MUNGÚ, asma milá axweesante'eé' masa waaqá', tlakweemaá adór kuká' kari dír ilaaeé' wa tléhh? Uria heé xoorór Hiti kuri gás ar paánga, harerós kari tók tléhh, inós kuri hanís baraá dabaá múk Amoni as kuwa gaasi.

2 QOM'I 30:7

Kuungá' ma adór baabi'iihúng nee hhaeehúng tleehhitaara', kudá' naa inkihhimu wasleesiye' dír geeraá AAKOÓ MUNGUHE, Munguú baabi'ii'ín, kudá' inooín gaa slaahh ar xaraasleema adoodá' kara aandé'.

NEHEMIA 13:17

Geeraharuusér múk Yuda ana iigahhaát, ana oó', «Tlakweemaaká' ta tlehhtá' a milá awa deelór Sabaáto kawa meetagaamisa'?

TI'INAANGW 32:10

Hám daxa aníng mawáng, aníng mukwí u i daa/atúw buhhtaawo nguri hhaamiís. Ala aníng kuúng u xoorór ur tleéhh.»

TI'INAANGW 32:8

Naa qwaariyé' ar gaanslaay, loohidá' aníng ngay hara'ayiím ngaa mayé'. Inooín taa damár taa kwahhuút i tleehhiyé', ngay sluufmisiyé', nee ilahhooár muruú ta tsu/i ngiri hanmiisiyé', tawa kaahi, ‹Aá Israeli, gaarí an munguiirén, kudá' atén taa baraá yaamaá Misrír wa duuxiye'.› »

AXWEESANOÓ SAGALOOA 1:25

Ala kuungá' gurbu'ungw'eé' una waaqaé' nee naanaqangw'eé' ugwa gaárí xui'iiká.

AXWEESANOÓ SAGALOOA 13:13

Umuúqo heé axweesantá waaqaqaá' ti kilós hhitín. Ala umuúqo heé hara'aya ga ilaiwawaá/ qeemu gu sláy.

ISAYA 56:6

Nee mukduú dahaaye naa haragwaa' dír AAKOÓ MUNGÚ, nguwa sagadiyuusiya', nee umuú AAKOÓ MUNGÚ nguwa slaiya' kudá' sleémeero deelór Sabaáto ngaa oohiye' nee ngi meetagamisa'aaká, nee alqador'eé' nga oohiye'.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

YEREMIA 7:24

Ala inooín aníng iga ilaiwa/i'iiká laqaá axweesante'eé' nga iiárií qaasi'iiká. Inooín nina hootiyé' ar adoodá' sager'ine i slaiya', nee muner'ín tidá' gawden ngina eehariyé', inooín nina alií ki/iyé' kitángw tawa geerií kumiiti hhooeema tlehhtuwo.

ESEKIELI 20:11

Ina kaahir'eéní i haniís ngiri intsaahhatís daber'eene, tidá' handá' hee birnga eehár in hoot.

ESEKIELI 20:14

Ala aníng tina kilooeé' ilaa/, as ilaiwa/amér umuueé' makawa waaqaá' nee xoorduudá' ngaa ariye', qoomár inooín ngiwa duúx baraá yaamaá Misrír wa aleeró.

ESEKIELI 20:16

Adoorí ana tleéhh asma inooín daber'eé' ngina si'íyé', nee naa hooti'iiká ar baraá kaahir'eé', Sabaátor'eé' ngina meetagaasiyé', asma inooín slaqsi'iidaá munguaá hatlá' ngina gurií ba/iyé'.

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

ESEKIELI 20:24

Asma inooín daber'eé' ngaa eehar'iiká, nee kaahir'eé' ngina si'iyé', nee Sabaátor'eé' ngiri meetagaasiyé', nee slaqsi'iidaá munguaá hatlá' kudaá baabi'ii'ín naa harahhifiyé', inooín ngina harahhifiyé'.

ESEKIELI 20:36

Adoodá' baabi'iihúng ngira sakwasleemuút baraá yaamaá Misrír wa aleeró, an adoodá' aníng kuungá' nur sakwasleemuut.› Anuú Aakoó MUNGÚ tí aga oó'.

ESEKIELI 20:8

Ala ina aahhiyé', slám iga iiaárií qaasi'iiká. Tam heé wák i kaahh oo muruudá' aníng ni ahhiit, kudá' inooín i slaiya', gwaa may tlehhtuuwo, sleeme inooín slaqsi'iidaá munguaá yaamaá Misri ngaa may'iiká. Naagáy niri oó', ‹In i buúhh dír ir baraá yaamaá Misrír i kahhiya'.›

ESEKIELI 22:8

Kiíng xooslar'eé' tidá' hhohho' aga waaqá', nee deelor'eé' ar Sabaáto aga meetagás.

ESEKIELI 23:38

Slám a tí kiloseeká, dooeé' nguna waaqaaiyé' nee deelor'eé' tidár Sabaáto ngina meetagaasiyé'.

TLAHHOÓ LAÁWI 18:5

Gawaá adoorihe daber'eé' na oohaak nee kaahir'eene as tawa hota'. Aníng an AAKOÓ MUNGÚ.

TLAHHOÓ LAÁWI 26:15

laqaá kaahir'eé' bara waaqaé' nee hara'ayar'eé' kay ahhé' nee daber'eé' kay meeré' sleémeero, nee alqador'eé' kay sié',

TLAHHOÓ LAÁWI 26:43

Qoomár inooín yaamuuín birnga geexayé', yaamu Sabaátor'ín ngin saqwalaa/iyá', qoomár bar yaamuuín naa darma tleehhitiyé', qoomaadae bar inooín tlakweemaaín ngaa hhu'uu'uné', kudá' hara'ayar'eé' ngiwa waaqaiyé', nee ngiwa aahhiyé',

AMOS 2:4

AAKOÓ MUNGÚ i kaahi, «Aníng múk Yuda muxtaaro u mawaaká, as tlakweema ngiwa tlehhaahhitiyé'. Asma inooín dabér AAKOÓ MUNGÚ eeharto ngina si'iyé', tam kaahirós sleeme ngaa oohii'iiká. Ala lamtaín tidá' i tlaqaaqatiya' gay dahás baraá qwanaay tidá' aáng taati'ii'ín naa eehariyé'.

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

FAARO 14:29

Kuungá' a qatlá' nee tu'uuhúng kiri kwakwaahh baraá xaanxaywí, asma ana qununu/é' daanduueene. Dír kuungae oo har kureeriiwós mibeeri tsár nga aye' nee gaa ba/i,

FAARO 16:45

«Dír dinku'uumasinge ti paratle', hamír kilá' i adaá hhaamiís!» Ala Mose nee Aroni tana gur'ér ar qaát.

FAARO 26:25

Gaarí an gur'ér tlahhoó Isakari. Hhawaate kilooín kiwa faár a kume mibeeri lahhoó' nee tsiyáhh nee tsiire tám.

Rumi 10:5

Asma Mose ina gooín daanduú gan'amuudá' ta slaslay ar hara'aya kawa eeharahari, iri oó', «Heé adoodá' hara'aya i kat ga tlehhiít, inós i hoot ar adoodá'.»

DABE 31:27

Aníng a xuú' adór kuungá' tar múk sage gawdén nee oo aa dee/anuut. Hamí qoomár aníng niwa slaaf kuungá' AAKOÓ MUNGÚ ugwa ahhé', xáy, daqaní ma meerá' qoomár aníng bara gwaá'!

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

DABE 9:8

Tam amoodár tloomár Horebuwo, kuungá' AAKOÓ MUNGÚ una buhhtisé', inós iri ló'wa buúhh tsaxwaá nuwa hhaamisi.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

1 SAMUELI 8:8

Tlehhmi'ii'ín sleémeero iimír ngiwa baraá yaamaá Misrír wa duúx tam ay laarí aqo aníng in siaainá', nee munguaá hatlá' ngin sagadiyumaamisiyá', adoorí an adoodá' tindi kuúngí tlehhiiti hamí.