ESEKIELI 20:1 - Biblía Axweesantá Hhohho' ar Mungú 2004

¹ Slahhángw kooán bal tawa mibaangw, kurkú faanqw oo xoorór Israeli kawa loohatís, bariise bahh'alé ar Israeli ina amór Esekieli keér, as nguwa yaahas daanduú gár AAKOÓ MUNGÚ i slai, nee inooín niri iwiitiyé' dír geeraaeé'.

ESEKIELI 20:1 Iomraidhean Croise

2 WAAWITÁ 3:13

Elisha waawutmoó Israeli guri yaahaás, «Aníng nee kuúng dinku'uumár ta koomaan i deéro? Tláw amór aaruusedár baabuúwók nee aayoorók.» Waawutmoó Israeli iri oó', «Aasla'áy AAKOÓ MUNGÚ an heé ateéká' tám awa waawitá taa ateet, as tiwa qaasi baraá dabaá waawutmoó Moabu.»

2 WAAWITÁ 6:32

Naagáy waawutmo hee guri ya/aáw oo Elisha ateeta. Qoomaadár kilae Elisha i dó' i dirii' nee bariiserka aa do'ós keer. Dír heedaádá' ta ya/aáw ira hardihiiká Elisha bariiseedá' gana báy, «A ga/eerá'a, tsu/utusmo kungwa ya/aáw as istaeé' ngiwa tsati, qoomár birnda hardáh afkú do' ku tsegá', mindiwa baloó dáh baraá do'. Slám aakoowós i aluuwós wa hi'iit.»

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

ISAYA 58:2

Tam adoorihe umuú deelooro in i hardarahiyá' iwa firirina' nee loohir'eé' xu'utiro ngiwa slaiya', baré kwaáo' inooín an xoorór hota ganaa' nee ar dabér Munguúín gaa si'ká. Inooín aníng in slaiyá' kwasleema ngiwa adór ganaá' ar tsaat, nee kwaáo' Mungú nguwa i tseewuya' ngi slaiyá'.

YEREMIA 21:2

«Na'ás, ti aleefiriin dír AAKOÓ MUNGUHE, asma Nebukadnesa waawutmoó Babuloni slaqwara gaa iimu/ún daanduurene. Doóqa AAKOÓ MUNGÚ tlehhmuú waa/oo/amo gu tleehh, adoodá' ngur tlehhaahhiti, nee daqaní Nebukadnesa doóqa atén ti máy, iri tláy.»

YEREMIA 37:17

waawutmo Sedekia guri ateét, guri do'ós i dah'ís. Qoomár iwa do'ós i dirii'i, guri yaahaás ar naaqo, «Gám axweesantá ta koon ar amór AAKOÓ MUNGÚ daahh i deéro? Yeremia guri báy, «Eeít i deer.» Yeremia iri oó', «Kuúng tu qaas baraá dabaá waawutmoó Babuloni.»

ESEKIELI 1:2

Bál slahhaangw tawa kooán, (gaarí a kurkú kooán alaá Yehoyakini kuwa huúw yaamaá Babuloni),

ESEKIELI 20:2

Aníng axweesantá AAKOÓ MUNGÚ ana axaás, i kat,

ESEKIELI 24:1

Bál slahhángw mibaangw tawa mibaangw oo kurkú gwaleél iimír atén tiwa loohatís, axweesantá AAKOÓ MUNGÚ ana axaás, i kat,

ESEKIELI 26:1

Bál geera ar slahhaangw oo kurkú mibaá nee wak, axweesantá AAKOÓ MUNGÚ ana axaás, i kat,

ESEKIELI 29:1

Slahhángw mibaangw tawa mibaá nee tsár, kurkú mibaangw iimír atén tiwa loohatís, axweesantá AAKOÓ MUNGÚ ana axaás, i kat,

ESEKIELI 29:17

Slahhángw geera bál tawa wak kurkú mibeeri tsár nee faanqw, iimír atén tiwa loohatís, axweesantá AAKOÓ MUNGÚ ana axaás, i kat,

ESEKIELI 30:20

Slahhángw geera bál tawa faanqw, kurkú mibaá nee wák, iimír atén tiwa loohatís, axweesantá AAKOÓ MUNGÚ ana axaás, i kat.

ESEKIELI 31:1

Slahhángw tám bál tawa wak, kurkú mibaá nee wak, iimír atén tiwa loohatís, axweesantá AAKOÓ MUNGÚ ana axaás, i kat,

ESEKIELI 32:1

Slahhángw mibaá nee tsár tawa wak, kurkú mibaá nee tsár iimír atén tiwa loohatís, axweesantá AAKOÓ MUNGÚ ana axaás, i kat,

ESEKIELI 40:1

Bál slahhángw geera tawa mibaangw, kurkú mibeeri tsár nee kooán iimír tiwa loohatís, /uuruú AAKOÓ MUNGÚ una ár. Qoomaarí an kurkú mibaá nee tsiyáhh iimír gixsár Yerusalemu kawa hayóh.

ESEKIELI 8:1

Bál slahhángw lahhoó' tawa kooán kurkú lahhoó', aníng a dír dooeé' i dirií' dinkwa nee bariisér múk Yuda. Aníng /uuruú Aakoó MUNGÚ iri hatsiís ar gaanslaay.

ESEKIELI 8:11

Nee dír geeraá slaqsi'iikae bariise mibeeri faanqw ar múk Israeli, taa didií sihhiít dinkwa nee Ya'asaniya garmoó Shafani. Umuú heewo dakose i hhaansoó kón, nee quuír muruudú mooyángw tsuú' iri tsa/aán gáwtí alé.

Matayo 22:16

Eeharuuser'ín dinkwa nee múk Herodewo, kiri ya/aáw amór Yesu tari oó', «Intsaahhatusámo, atén a xuaán adór kuúng tar heé ló', nee loohír Mungú adoodá' ir gana' tinar intsaahhatimís, tam kángw uroó hee u yaahamiská, asma hhohhoartá muu a ga/eeraaká.

Luka 10:39

Inós i hho'ór koón, umuuwós a Maria. Maria ina iwít dír Aako, as axweesantós ngiwa axamis.

Luka 2:46

Alaá deelo tame kuri baraá Doó Mungú wa sláy, aa tla/ángw intsaahhatuusér i iwiít, gi iiárií qamín nee gin yaahamiis.

Luka 8:35

Aluuwo muu iri tláy as kangwdá' aa tleehharuut kuwa artá ay. Tawa hardáh dír Yesu, heedaáduú neetlaame kawa hingeés kuri didií áy, i dír geeraá Yésú wa iwiiwiit, i tlabaawós kón nee fuquraangose. Tari da'ayuút.

Tlehhema'aá ya/Abuuse 22:3

«Aníng a heé Yahudi. Tina laqwaál Tarsór wa ale, gixsár yaamaá Kilikia. Ala ana baraá gixsarír Yerusalemúr wa uráw, baraá dabaá Gamalieli, án ina intsaahhatimís daanduú hara'ayár baabi'iirene. Tari heé ilakaahaár daanduú Munguhe adoorí kuungá' sleémeero ti diria' laarí.