ESEKIELI 2:6 - Biblía Axweesantá Hhohho' ar Mungú 2004

⁶ «Ala kuúng, heé, inooín mi da'ayumitaar, laqaá axweesanti'ín. Tam fuquráy nee laqayá' ugwa harweeri'i, laqaá tam xiiraawe ugwa harweeri'i, axweesanti'ín ma da'ayutaar nee mutuwa naáxw nee gitsee/er'ín, asma inooín an múk aa dee/anuut.

ESEKIELI 2:6 Iomraidhean Croise

2 WAAWITÁ 1:15

Naagáy malaykamoó AAKOÓ MUNGÚ Eliya guri báy, «Inós mu da'ayumiitaar, al'aweeré' nee inós.» Eliya iri sihhiít tari al'aweér ay dír waawutmo

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

ISAYA 51:7

Aníng iiárií qaasaré' kuungaá hotaá ganaa'á' ngi xuá', mukdá' baraá muner'ine daber'eé' ngi koomá' /ooslislíngw muu mu da'ayumitaara' nee mutunduwa amoqwaareés nee kaantíngw muu.

ISAYA 9:18

Tlakweema na oohiyé' adór asltá fuquroó /aay nee laqayaawo, adór asltá baraá gara, quuír ilo' in gáwtí tsa/a/aán.

YEREMIA 1:17

Hám daxta kuúng Yeremía, ti amohhe'es siinotaywók tseegeek. Tláw tí u babaw ooeek, inooín mi da'ayumitaar, as kahhó' aníng kuúng muwa de'eérí tleés dír geeraaine.

YEREMIA 1:8

Kuúng inooín mi da'ayumitaar, aníng a dinkwa nee kuúng as uwa ba/amis. Anuú AAKOÓ MUNGÚ tí ngina oó'.»

YEREMIA 18:18

Naagáy muu iri oó', «Qwalaasé', Yeremia u garkaárí tleehhaán, asma atén kaahamuusér Mungú ar ti intsaahhatimis a dakuusanaaká, nee múk sageloén oo ti gurbuú', nee aaruusér axweesantá Mungú alki/iita. Qwalaasé', u sakwasleemutaán ar axweesantós ar kilá', axweesantós tidá' i kaahi mawa iiárií qaasaán.»

YEREMIA 6:28

Inooín sleémeero naa dee/anutiyé', ki sage gawden. Inooín an múk tawo hi'imiít as muu kuwa kaantin. Ki gawden adór muqslír sirdaa/aat nee muqsli. Inooín sleémeero a múk a hhitruut.

ESEKIELI 24:3

Muk'eé' kwí aa dee/anuut slaqsaywí tay laqaan, nee ki beer, Aníng Aakoó MUNGÚ a kah, ‹Hutlaay qaaseek gawaá akweeso, ku ma'áy qasá'.

ESEKIELI 28:24

«Xoorduudaá inslaawoó múk Israeli i sangw kumiitiaaká múk Israeli nguwa slahh'eemisiya' ar adór laqaya nee fuquráy. Daqaní kari tsaahh adór aníng tar Aakoó MUNGÚ.

MIKA 3:8

Ala aníng a haáts /uuru nee aleesleemuwo, a haáts Qeeruú AAKOÓ MUNGUHE, a haáts sakwasleemár ganaa'a nee pihhaywo, as múk Yakobo nguwa dakuúsarínií oo', nee múk Israeli nguwa tlakweemaínií oo'.

MIKA 7:4

Tam kudá' hhoó' baraá tla/angw'ine a adór fuquráy, nee heé ganaá' baraá tla/angw'ine a adór yawtá laqeelo. Qooma naa hardát ar Mungú mukwí nguwa muxi, adoodá' xuumuuser'ín ngira geerií gurbuú', asma xuumuuser'ín a aaruuse. Mukwí qoomaarihe dae gway eér, nay amoqwaariyá'.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Luka 10:19

Ga/aawaagáy, aleesleemu nguna haniís oo dayshe nee xiiraawe kiwa adarata', nee /uuruú kuduú wakusmo kuwa arba/a, tam gár kuungá' nu aw i káhh.

Luka 11:12

Laqaá bar qanhhi gaa firín, gár i haniisi a xiirángo?

Luka 12:4

«Kuungá' mulqer'eé', án kuungá' nu baw, kudá' slaqo ngi tsu/á' mi da'ayumitaara', ala gár aluuwo tleehhamooro i aleeslaya' i káhh.

Tlehhema'aá ya/Abuuse 4:13

Mukdaádá' urén oo doó kwasleema pihh'uumár Petro nee Yohane kawa ár, nee kawa tsaáhh tawa múk aa soomuusiiká, tari waa/oó/. Kari tsaáhh adór mukwí nee Yesu tar dinkwa.

Tlehhema'aá ya/Abuuse 4:19

Ala Petro nee Yohane tari oó', «A hariimáro dír geeraá Munguhe, kuungá' nuwa iiárií qaasaan ta Munguhe, kangwsíng kuungá' kiloohúng tsataak.

Tlehhema'aá ya/Abuuse 4:29

Ala Aáko, ham daxta de'e tlaquuín ga/aaweek, nee sagadiyuuseerók aleesleemu ti hanis as axweesantók kawa axweesi ar pihh'uuma sleémeero.

Efeso 6:19

Aníng sleeme aleefiriirimaaré', as axweesanoó ni oo' nguwa slaw nee aleesleemu, as kahhó' lu/aaroó Ya/abtór hho' nguwa alki/iit ar pihh'uuma.

Filipi 1:28

Wakuuserhúng ma da'ayuumitaara' baraá umuúqo gaaro. Kuungá' bar pihh'uumár koondá', gaarí a laya dir'ine ar inooín iwa qwaariya'. Ala dirhunge a laya adór kuungá' tar ba/aandá'. Nee layaarí amór i dahh a amór Mungú inósuú kilá'.

2 Timoteo 1:7

Asma Mungú qeeruú dae ngwa atén i haniisiiká. Gár naa haniís a Qeeruú tawa /uurúr kumiitaan, nee oo sla'aari nee oo qoomoó koóm.

Ebrania 11:27

Mose ina yaamaá Misrír wa tláy ar haratlintaao, tam xaraasleemaá waawutmo gaa da'ayuutiiká. Asma ina kumiít ar pihh'uuma adór heé Munguúdá' geetlaákw gu ga/áw.

1 Petro 3:14

Ala kuungá' bartundun slahh'eemiis as gan'amu kuwa tlehhiité', kuungá' daqaní a múk amohhoó'. Kuungá' mutunduwa tawó dae tlaáq, laqaá ma tawó amoqwaqwadiimara'.

Geehhoeemaá 9:10

Nee hhayser'ín i laqeelaá koón adór tidár xiiraawe. Nee /uureemooín awa muu ngur slahh'eemisiya' slahheeraá kooane i gawaá hhayser'ín.