ESEKIELI 19:7 - Biblía Axweesantá Hhohho' ar Mungú 2004

⁷ Inós slumaá muu gina aldáh nee gixsaduuín giri hhitín. Yaamu nay da'ayutiyé' dinkwa nee yaamuloouuseero as afór /orotloorós.

ESEKIELI 19:7 Iomraidhean Croise

2 WAAWITÁ 23:33

Inós kuri óh nee Farao-neko, kuri tseék baraá gixsár Ribla ar yaamaá Hamati as miwa baraá Yerusalemúr wa waawuti'ín. Farao-neko Koódi gari ohín ar kilór kume tám nee tsiire tsiyáhh ar peésa nee kilór mibeeri tám nee tsiyáhh ar sahaábu.

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

AXWEESANOÓ SAGALOOA 28:3

Heé narkutmo bir narkutmoó baramaanuus, A adór tluwoó xoororomi oo ta gár wá hamareesiiká.

YEREMIA 22:17

Ala kuúng ilaawók nee muunaáwoge in tlam/aán baraá slaasláwár hariimaaká. Múk dakuús wásl una tsú/, muu kuri baramaanús nee kuri /aytiín ar gurtleemu wasle.

ESEKIELI 12:19

Múk yaamuuká' baweek, Anuú Aakoó MUNGÚ a kah daanduú yaamuloouusér Yerusalemu, tidá' baraá yaamaá múk Israelír hoota, kaangwí baweek, Muruú /aymar'ín ku /aay ar dae, nee ma'aay kin wahán ar amoqwaqwadiingw, asma yaamuuín nin tawo meetiyá', asma umuú heewo a /aytusmo.

ESEKIELI 19:6

Qoomár iwa uráy nee direeraá hatlá' tay alhi'iitanór áy, inós slakat gway intsaáhh. Tari dirángw múk /aáy.

ESEKIELI 19:8

Xoordu nguna i daqayé' baraá yaamu sleémeero, tsaaxweelay nguri qaasiyé', inós kuri óh ar baa'a.

ESEKIELI 22:25

Geeraharuuserhúng in /orótl adór dirángw makiito'ór aa óh ga /aáy. Muu ngun tsu/iyá' daqaari'iimár muu ngin hayoohiná' nee muruudá' tlaxo gawdene'. Faarór /ameenár kwaeeli ngin dogiitiyá'.

ESEKIELI 30:12

Aníng yaaér Nili nee duxeerose a kahaás, nee yaamaá Misri in weeriís dír múk tlákwií ale, yaamu sleémeero awa Misri i hhitiím ar dabaá múk dahaaye. Anuú AAKOÓ MUNGÚ tí ngina oó'.

ESEKIELI 34:4

Kudá' liitlakwén uga /uurií qaasiiká, nee oo tiíq ugwa maasáy hanisi'iiká, kudá' aa qeqtin ugwa tlaawindi'iiká, kudá' tawo hi'iimiít iga haraki/isiiká, nee kudá' aa qwaqwadin ugwa leelehhtuú eeri'iiká. Ala kuungá' una de'eendé' ar /uuru nee ar xarasleema.

ESEKIELI 45:8

Gaarí an dír aalír geeraharusmoó Israeli. Gawaá adoorihe geeraharusmo muk'eé' gu /aytárí tleehhiiká, ala masók inós muu aqo gu máy kuwa yaamií qasiisi adoodá' xoorór Israeli kawa hariím.»

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

MIKA 1:2

Kuungá' múk xoordu sleémeero, iia qaasaak, kuungá' baraá yaamu sleeme iia qaasaak nee umuúqo gár baraá yaamií diriia. Aakoó MUNGÚ nusa kwasleemuut iimír amór Do'ós kudá' hhoohhoó' wa ale.