ESEKIELI 19:11 - Biblía Axweesantá Hhohho' ar Mungú 2004

¹¹ Haleemoowós i ló'wa /uuruú koná' adór hhartá waawuti'iima. Xa'anoowí oo sabiíbu ina ló'wa uráy ta xaa'aá hatlae. Yaangareemaaká' muu gina ló'wa xirfayeemiís nee haleemiiwós kudá' yaariire.

ESEKIELI 19:11 Iomraidhean Croise

IIMU/UUNGW 49:10

Yúda, hhartá waawuti'iima i baloó qutlaaká diroge, nee xwaylarók deelo sleémeero in waawuti'iín, ay dír heé waawuti'iima loó' nay hardihi, kudá' xoordu ni ilaiwawa/iya'.

1 WAAWITÁ 5:1

Aluuwo Hiramu waawutmoó Tiro sagadiyuseerós gari ya/aáw amór Solomon, asma gana axaás adór kura iimbalaáx tawa waawutmo kitángw baabuúwose. Asma Hiramu Daudi guna slaá' deelo sleémeero.

ESRA 4:20

Slám waawituú aleesleemuú koóm baraá Yerusalemu ngina hootiyé', inooín yaamaá gayuú /uwa yaaér Eufratero ngina sawaawuti'iné', nee ohme sleémeero ngina ohiné'.

ESRA 5:11

«Inooín gár atén taa bayé' a tí, ‹Atén a sagadiyuusér Munguú doori nee yaamu, aten do'duú aáng oo kureeraá yaariir, kudá' taa tleéhh nee waawutmoó ur oo Israeli, atén hamí un /abeemisaán.

WARA'AMI 110:2

AAKOÓ MUNGÚ hhartók ar aleesleemuú waawuti'iima ngi haniis Siyonír wa ale, iri ooi, «Waawuti'iím baraá wakuuseeroge!»

WARA'AMI 80:15

Nee hatlituudá' taa hátl ar dakók oo doó /iyáy, nee yaeemidá' kuúng taa tsawát kawa amohhe'eemis as iwa gawduur.

WARA'AMI 80:17

Mukók kudá' taa tsawát de'eemeek, xoororók tidá' taa amohhe'eemís as kuúng, /uurií haniseek.

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ESEKIELI 19:12

Ala sabiíbuudá' kuna tuú/ ar buhhta, nee kuri kwaáhh yaamií alé, fur'ár da/aá daahh guri kahás, mamuuwós giri paahhamís. Haleemaawós kudá' /uuruú koomá' niri kahiyé', asla giri /ák.

ESEKIELI 19:14

Asla ina ti'ít baraá tla/ángw xa'anoodá' wa alé, haleemi nee mamuuwo giri /ák, haleemiiwós i baloó iiay'aaká, laqaá i adór hhartá waawuti'iima tleehhitiaaká.» Gaarí a tsuunqumis, nee i tsuunqusmo tleehhit.

ESEKIELI 21:10

Kaa duúq as iwa tsu/ut, kaa /awaakeés as iwa war'eeliin adór mankari.

ESEKIELI 21:13

Gaarí a iiartá ur ló'wa alé. Anuú AAKOÓ MUNGÚ tí ngina oó'.›

ESEKIELI 31:3

Kuúng a adór sahhtír yaamaá Lebanoni, tidár haleemi hhohho', nee loo/o yaariir nee tidá' tleer, tsitsini ina purúts gawaá doori.

DANIELI 4:11

Xa'anoodá' ina kumiít urarango, iri tlaáhh ló'wa ale. Tsitseeniwós niri hardihiyé' gawaá doori. Iri geehhooúy umuú diiro gawaá daanduú yaamuwo.

TLAHHOÓ LAÁWI 23:40

Bál deelór geera mamaá xaaihúng awa tsuuá' ki lehhá', nee haleemaá xaa'aá loo/o yaariir nee haleemaá ti'imaamitá' baraá afaá yaaér wa ale, kuungá' deelór ur kari tlehhá' deelo faanqw geeraá AAKOÓ MUNGÚ, Munguúhúng wa ale.

FAARO 24:17

Kudá' hardáh u ga/áw, ala a hamiheeká, una ár ala ku tseeweeká. Baraá xwaylár Yakobowo tsatsee/i ni ti'ít, waawutmo ni tla/ángw múk Israelír wa ti'iit, ar hhartós tidár waawuti'iimaro múk Moabu gun baal, xwaylár Seti sleémeero gari qororo'oos.