ESEKIELI 19:1 - Biblía Axweesantá Hhohho' ar Mungú 2004

¹ AAKOÓ MUNGÚ aníng ina báy, «Tsuunqumiís as daanduú geeraharuusér Israeli.

ESEKIELI 19:1 Iomraidhean Croise

2 WAAWITÁ 23:34

Farao-neko, Eliakimu garmoó waawutmo Yosia guri waawutmoó wa qaás kitángw baabuúwós Yosia, guri umuú /abén i tsaát kway báy Yehoyakimu. Ala Yehoahasi guri ar tláy ay yaamaá saawá' awa Misri, iri amoodá' i gwaá'.

2 WAAWITÁ 24:12

Waawutmo Yehoyakini oo Yuda dabaawós giri haniís dír waawutmoó Babuloni, inós dinkwa nee aayoorose, nee sagadiyuuseerose, nee mukdá' oo urén baraá waawuti'iimarós, nee mukdá' urén oo doó waawutmo. Inós Yohayakini nguwa tseék baraá Babuloni, kureeriiwós a dakaát baraá waawuti'iimaro.

2 WAAWITÁ 24:6

Yehoyakimu iri gwaá', nee garmaawós Yehoyakini iri kitaangós wa waawuti'ín.

2 QOM'I 35:25

Aarusmo Yeremia daa'ángw tsuunqumis gway daá' as daanduú waawutmo Yosia. Daauusér hhawaate nee /ameenaaro sleeme Yosia kuna satsuunqumiís ar daa'aangw ay laarí. Adoorí iri dawa tleehhít baraá Israeliro. Daa'angwí dír kway gooín a baraá kitaábuú tsuunqumis.

2 QOM'I 36:10

Alaá kurkú wák iwa waaraáhh waawutmo Nebukadnesa mukós guna ya/aáw Yehoyakini kuwa huwi baraá yaamaá Babuloni dinkwa nee xosluudá' tlaxo uren ar Doó AAKOÓ MUNGÚ. Sedekia hhiyoó Yehoyakini guri waawutmoó Yuda nee oo Yerusalemúr wa qaás.

2 QOM'I 36:3

Aluuwo Yehoahasi kuri hingeés nee waawutmoó Misri baraá Yerusalemu, múk yaamaá Yuda ohme gari bu'ún dír waawutmoó Misri. Ohmér ta haniís a kílo kume tám nee tsiire tsiyáhh ar peésa, nee kílo mibeeri tám nee tsiyáhh ar sahaábu.

2 QOM'I 36:6

Waawutmo Nebukadnesa oo Babuloni guri i haratláy, guri tseék ar piíngu, guri huúw Babuloni.

YEREMIA 22:28

Xáy, heewí ta bay Konia a adór hutloó aa gwaái kudá' ta waaqaaqai nee kuri kwaáhh tsee/ií alé? Ahaá waáy, inós nee na/iiwose gár kisa amór saáw i kwaáhh, baraá yaamaá i xuiiaaká?»

YEREMIA 22:30

AAKOÓ MUNGÚ i kaahi, «Heewí kaangwí ti gooiin tawa adór heé na/aá koomaaká, a heé gaa tleehharo ga aleeslawaaká baraá hotaawose. Asma baraá xwaylarose hee i kaahh oo kitángw waawuti'iimár Daudi gu i iwiít, nee oo xoorór Yuda ga sawaawuti'iím.»

YEREMIA 24:1

Nebukadnesa waawutmoó Babuloni, Yekonia garmoó Yehoyakimu waawutmoó Yuda guna Yerusalemúr wa loohatís ay yaamaá Babuloni, dinkwa nee geeraharuusér Yuda, nee mukdá' maray tlehhtuwo gi xua, nee kareerahe. Aluudae AAKOÓ MUNGÚ aníng ina iigu'uútuwí laqán. Aníng lakwaantoó tsár oo /aantsír aa hamat una ár kwa qaás dír geeraá Doó AAKOÓ MUNGÚ.

YEREMIA 24:8

«Anuú AAKOÓ MUNGÚ a kah, ‹Adoodá' /aantsír aa hhiturut /ayma ngir ya/aandaaká, an adoodá' ni tleehh dír waawutmo Sedekia oo Yuda, nee geeraharuusedár hatlá' dinkwa nee mukdá' sleémeero aa meet baraá yaamaá Yerusalemu, tam nee kudá' taa loohatisi baraá yaamaá Misri.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

WA/AA/I 5:12

Inooín geeraharuuseerén kana dabaaínár tareereín, tam bariiseerén ngaa ilaiwawa/ii'iiká.

ESEKIELI 19:14

Asla ina ti'ít baraá tla/ángw xa'anoodá' wa alé, haleemi nee mamuuwo giri /ák, haleemiiwós i baloó iiay'aaká, laqaá i adór hhartá waawuti'iima tleehhitiaaká.» Gaarí a tsuunqumis, nee i tsuunqusmo tleehhit.

ESEKIELI 19:2

Xáy, aayoorók a dirángw adoomá baraá tla/ángw direeraá hatlae. Ina hót baraá tla/eeraá direeraá batláy wa ale, na/iiwós giri /aymís.

ESEKIELI 2:10

Naagáy kitaábuudá' gway geeraaeé' wa gweér, inós kwa gooín gura' nee daanduuwo, /ayma'aá tsuunqusmo, nee /aa/e nee lu'umis.

ESEKIELI 26:17

Inooín tiri satsuunqumiis ar afór ur, tari ooi, ‹Kiíng gixsár iia tleer taa hhaamiís, taa amór tlawtá wa kwaáhh! Kiíng nee yaamuloouuseerók /uuru una laqaandé' daanduú tlawto, tidá' taa da'ayumiít nee múk yaamaá kaahaar sleémeero.

ESEKIELI 27:2

«Hám daxta, heewí, tsuunqumiís daanduú gixsár Tirowo,

ESEKIELI 27:32

Daa'ángw tsuunqumis kun daa' as kiíng, ‹Heé taa adór gixsár Tirór waá hhaamiís baraá tla/ángw tlawi a heemá?

ESEKIELI 28:12

«Heewí, tsuunqumiís daanduú waawutmoó múk Tirowo. Ku beer, Aakoó MUNGÚ i kaahi, Kuúng aáng a slaqsoó ganaá', sagalooaro a háts, nee tu ló'wa hhoohhoó'.

ESEKIELI 32:16

Gaarí an tsuunqumisuudá' oo /ameenár xoordaá hatlá' iri tsuunqumiis daanduú yaamaá Misriro nee mukós sleémeero. Anuú Aakoó MUNGÚ tí aga oó'.»

ESEKIELI 32:18

«Heewí, tsuunqumiís as mukwí yaariír oo yaamaá Misri. Mukwí huweek amór xoordaá aleesleemuú koomá', ta al/ee/etin nee kudaá baraá giaá kawá'.

ESEKIELI 32:2

«Heewí, tsuunqumiís as waawutmo Farao oo yaamaá Misri, ku beer, ‹Kuúng Farao, tiwa xu' a diraangw baraá tla/ángw xoorduuwo. Ala kuúng a adór dayshamoó úr oo baraá tlawi. An /uurúr ti'imít baraá yauwo, ma'aá baraá yau in /eeragaamís ar ya'aawók, nee yau in xwarangwxwariín.›

AMOS 5:1

Tsuunqumisuueé' daanduuhunge iiárií qaasaak, kuungaá múk Israeli.