ESEKIELI 18:5 - Biblía Axweesantá Hhohho' ar Mungú 2004

⁵ «Hee barnaxes i gan'amuú kón, inós bar muruú ganaá' gu tlehhiit nee oo qoóm,

ESEKIELI 18:5 Iomraidhean Croise

IIMU/UUNGW 18:19

Aníng inós una tsawaár, asma na/iiwós ngiwa hara'ayin, nee na/aá na/iiwós, loohír AAKOÓ MUNGÚ ngiwa oohiya', as gan'amu nguwa tleehhiya' nee sakwasleema, as AAKOÓ MUNGÚ al'axweesantós dír Abrahamuwo ngiwa boo/esi.»

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

YEREMIA 22:15

Xáy, kuúng kawa xu', tuna waawutmoó wa qaási as do' kuwa tlehh ar xaa'aá sahhta? Baabuúwók ina /ayín nee iri wahán, muruú ganaá' guri tlehhiít, iri hoót ar hotaá ganaa'á'. Umuú gaaro iri ya/aán dirose.

YEREMIA 7:5

«Ala barnaxes hotaahúng iga warqesé' nee tlehhmi'iihunge, nee kuungá' kiloohúng bar gan'amúr hotá'.

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

ESEKIELI 18:6

nee barnaxes i dinku'umisiiká ilahhooa hanmisuuwo dír munguaá hatlá' gawaá tlom'iiwo, slám slaqsi'iidaá mungui taa tleéhh nee múk Israeli gi haralintati'iiká, bar nee harér inslaawmoowós i alhi'iimitiaaká, laqaá naa alqaati'iiká deelór iwa baraá deeloorós i diri',

ESEKIELI 33:14

Slám heé tlaákw bura báw, ‹Kuúng looeemaawo a gwá',› nee inós tlakweema gay máy, muruú ganaá' nee oo qoóm guri iimu/ún tlehhtuuwo,

1 Yohana 2:29

Kuungá' a xuá' adór inós tar kudá' gan'amuú koóm. Gawaá adoorihe xuaak sleeme adór umuúqo heé hota ganaá' kura laqwaál nee inós.

1 Yohana 2:3

Hara'ayaarós bara oohaán, daqaní aga tsaahhaán adór kura xuaán.

1 Yohana 3:7

Laqwalór ninakw, hee munduwa al/aáy. Heé gan'amuú tlehhaahhiít, an heé ganaá' adoodá' Yesu ir ganaai.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.