ESEKIELI 18:4 - Biblía Axweesantá Hhohho' ar Mungú 2004

⁴ Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

ESEKIELI 18:4 Iomraidhean Croise

2 WAAWITÁ 14:6

Ala na/aá mukdá' baabuúwós gwa gaas gaa tsu/iiká, ar adoodá' kara gooín baraá kitaábuú dabér Mosewo, AAKOÓ MUNGÚ iwa kaahi, «Xwaylité ka tsu/iiká asma tlakweemaá na/ii'ín, laqaá na/ii ki tsu/iiká as tlakweemaá xwaylitér'ín, ala umuú hee kun gaas as tlakweemaawós kilós.»

YOBU 21:20

Ahaá, inooínaá kilá' qwanay'ín ngur ariyá' ilaínaá kilae, Inooínaá kilá' buhhtaá Munguú /uuruú koóm ngir tsaqiyá'.

YOBU 8:4

Barnaxes na/iiwók Mungú nguna sadakuusiyé', inós bu'utuú dakuúsar'ín gun buu'.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

ISAYA 57:16

Aníng a kumitaaká muk'eé' lu'umisuuwo sleeme nu i buhhaaká daqisleém, asma geeraawo qeereemaaká' naa tleéhh, kuká' naa slafíngwí haniís i dír geeraaeéní nusqumiitiyá'.

YEREMIA 31:30

Ala umuú heewo in gwaa' as tlakweemaawós kilós, umuúqo heé mamaá sabiíbuú /eétl gaa /aay, sihhinaawós tur/i gin ót.› »

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

ESEKIELI 18:3

«Ala anuú Aakoó MUNGÚ a kah, ‹Axweesantá bo/ tí ka malé ar axweesiiká baraá yaamaá Israeliwo.

ESEKIELI 18:5

«Hee barnaxes i gan'amuú kón, inós bar muruú ganaá' gu tlehhiit nee oo qoóm,

ESEKIELI 3:18

Aníng barnaxes heé tlaákw ugwa báw, ‹Ar loe kuúng a gwá',› aluuwo bar kuúng ugwa naanaqiká, laqaá ugwa beeriká, ‹Tlakweema maweek,› as slafiingós nguwa ba/amis, naagáy heewí tlaákw iri gwaá' baraá tlakweemawós, tseereerós ngi gawaawók i iinuús.

ESEKIELI 33:8

Aníng heé tlaákw bura báw, ‹Aá heé tlaákw, looeemaawo kuúng a gwá',› ala kuúng heedaádá' tlaákw u gurbu'uundaaká as tlakweemaawós ngiwa may, ar ló' heewí tlakweemaawós ngu gaasiyá', ala aníng hhiintluú heewí u iinuús gawaá dabaawók.

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 27:16

«Aá AAKOÓ MUNGÚ, kuúng an iimu/úngw slafíngw umuúqo gár slafa. Aníng kuúng u firiím, hee qaaseek oo dinku'uumarók tí ga sagesihhmiít.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.

Galatia 3:22

Gooi ngaa geehhooés alki/ituuwo adór tlakweema nira baaliné' dír muu sleémeerowo. Adoorí kana geehhooeés as kahhó' mukdá' Yesu Kristo gwa haratlintii', aalidá' taa al'axweés kawa slay.

DABE 24:16

Xwaylité makawa tsuú/ as daanduú tlakweemaá na/ii'ín, laqaá na/ii mikiwa tsuú/ as daanduú tlakweemaá xwaylitér'ín. Umuú hee aqo kun gaas as dakuúsarós kilós.

Ebrania 12:9

Baabi'iirén awa slaqwa atén tina muxiyé', nee atén inooín ngiri ilaiwawa/aán. Gawaá adoorihe a tsiníheéke Baabuúduú muneerén bura ak ilaiwawa/aán, as tawa slafaan.