ESEKIELI 18:26 - Biblía Axweesantá Hhohho' ar Mungú 2004

²⁶ Heé ganaá', bar gan'amuuwós guri máy, tlakweema giri tleéhh, aqo in gwaa' as tlakweemaadá' inós aa tleéhh.

ESEKIELI 18:26 Iomraidhean Croise

AXWEESANOÓ SAGALOOA 2:13

nee dír múk lohaá ganaa'á' gaa sii', as iwa hootiya' baraá giwtír wa ale,

ESEKIELI 18:18

Ala baabuúwós, as muu nguwa /aytín nee muruú hhiyaawós guna fisiisín, slám hhaeewós gaa hhooeemáy tleehhiiká, looeemaawo tlakweemaawós ngu gaasiyá'.

ESEKIELI 18:24

«Ala heé ganaá' barnaxes gan'amuuwós gwaa máy, tlehhmi'iidá' aníng i buhhtimiisá', kudá' heé tlaákw i tlehhaahhiti, giri tleéhh, xáy, heewí iqo tsuwa sláfi? Aasla'áy, tlehhmi'iidá' sleémeero awa hho' aa tlehhahhiít geeraawo ki baloó inslayká, inós aqo in gwaa' as dee/anuuwós nee tlakweemaadá' aa tleéhh.

ESEKIELI 18:25

«Ala kuungá' a kata', ‹Gár Aakoó Mungú i tlehhiiti i qoondaaká.› Kuungaá múk Israeli, iia qaasaak daxta. Xáy, gár aníng ni tleehhiít iqo tsuwa qoondaakáhe? Gár kuungá' ta tlehhita' an tidá' qoomaaká.

ESEKIELI 18:27

Ala heé tlaákw bar tlakweemaawós gaa máy tlehhtuuwo, muruú ganaá' nee oo qoóm gway tleéhh, heewí slafiingós gu tuu/.

ESEKIELI 3:20

«Slám malé alé heé gan'amuú koóm, bar gan'amuwós gwa máy nee tlakweema gay tleéhh, aníng nguri dukutsamoó i qaás, heewí iri gwaá', asma kuúng kuwa naanaqiká heewí i gwaa' as tlakweemaawós, tam tlehhmi'iiwós kudá' hho' ki inslayká. Ala tseereerós a iinuús gawaawók i alé.

ESEKIELI 33:13

Ala aníng tam al'axweesani aga qaasi ar heé gan'amuú koóm iwa hooti, ala inós barnaxes gan'amuuwós kudá' guna ár adór ira bu'uút, tlakweema giri iimu/ún tlehhtuwo, tlehhmi'iiwós kudá' aa geerií tleéhh ki inslayká, aqo in gwaa' as tlakweemaawós.

ESEKIELI 33:18

Qoomár heé ganaá' barnaxes gan'amu tlehhtuwo gwaa máy, nee tlakweema giri tlehhiít, heewí aqo in gwaa' as tlakweemaadá'.

TLAHHOÓ LAÁWI 6:7

Kaahamusmoó Mungú haraki/isa gari tleehh as daanduú heedá' aa dakuus dír geeraá AAKOÓ MUNGUHE, heewí kuri gurtláy baraá muruudá' iwa dakuusi.»

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

1 Yohana 5:17

Umuúqo gár ganaa'aaká a tlakweema, ala tlakweemaá gwa'arár kooma'aaká i dayá'.