ESEKIELI 18:17 - Biblía Axweesantá Hhohho' ar Mungú 2004

¹⁷ tlakweema gi tlehhitiiká, hee burngwa kirkitís aldaafi ga iinuusiká, laqaá slaasláwár ur ga leelehhitiiká, hara'ayar'eé' nee kaahir'eene gina eeharahar, na/aywí i gwaaiiká as tlakweemaá baabuúwós. Inós in hoot.

ESEKIELI 18:17 Iomraidhean Croise

YOBU 29:16

Aníng ana baabuú narkutmo tleehhiít, nee hariímár heé ni xu'aaká ana alqaytsiít.

WARA'AMI 119:1

Múk amohhoó' a kudá' tlakweemaá tlehhahhita'aaká, kudaádá' dabér AAKOÓ MUNGÚ ngi eeharaahará'.

WARA'AMI 119:3

Inooín muruú tlákw ngu tlehhitiaaká, ala umuúqo daqto tan hoot ar adoodá' Mungú i slai.

AXWEESANOÓ SAGALOOA 14:31

Heé narkutmoó baramaanuús a Tleehharusmoowós gun /oosliislín, Ala heé gwaa sa hhooay a tleehharusmoowós gun ilamurumiit.

AXWEESANOÓ SAGALOOA 29:14

Waawutmo bar kwasleemadaá narkuute gin tlaaq ar adór ganaá' Waawuti'iimarós in kumaamít ay kureeraá kureér.

AXWEESANOÓ SAGALOOA 29:7

Heé hota ganaá' harimadaá narkuute gin haniis Ala heé tlaakw tsaahha ga konká ar muruuwí ngur xui.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

YEREMIA 22:16

Múk liitlakwén nee narkuuteero giri hariímar'ín i haniís, umuú gaaro iri ya/aán. Adoorí an adoodá' anuú AAKOÓ MUNGÚ ira xuú'.

ESEKIELI 18:13

hee burngwa gaárií haniís, aldaafi gan iinuus, nee slaasláwár yaariir ga leelehhiit, xáy, na/aywí iqo tsuwa hoóti? Aasla'áy i baloó hootiiká. Asma na/aywí muruú aníng ni ahhiit sleémeero guna tleéhh. Ar ló', inós i gwaa', a inós kilós in gwaa'.

ESEKIELI 18:18

Ala baabuúwós, as muu nguwa /aytín nee muruú hhiyaawós guna fisiisín, slám hhaeewós gaa hhooeemáy tleehhiiká, looeemaawo tlakweemaawós ngu gaasiyá'.

ESEKIELI 18:28

Asma inós gár ganaa' gana aldaákw, nee tlakweemaawós giri máy, kwí aqo in tsuwa hoot, i gwaiiká.

ESEKIELI 20:18

Na/ii'ín ina naanaáq baraá xaanxáy wa alé, ina báw, ‹Slooír baabi'iihúng ma eeharaara', tam hara'ayar'ín ma oohara', laqaá miti slasla/areesara' ar slaqsi'iidaá munguaá hatlá'.›

ESEKIELI 20:30

Gawaá adoorihe múk Israeli kubeeto, ‹Anuú Aakoó MUNGÚ nu yaahamiís, xáy, kuungá' slooír baabi'iihúng ana otí'iíke as tiwa meetagaamisa', nee muruú aníng i buhhtamís kuwa sluufmisa'.›

ESEKIELI 3:21

Ala heé geeraawo gan'amuú koóm bur naanáq as tlakweema mingiwa tleéhh, inós gay tleehhiiká, ar loe heewí i hoot asma hara'ayaarók gaa ya/án, nee kuúng slafiingók ugwa ba/amís.»

ESEKIELI 33:13

Ala aníng tam al'axweesani aga qaasi ar heé gan'amuú koóm iwa hooti, ala inós barnaxes gan'amuuwós kudá' guna ár adór ira bu'uút, tlakweema giri iimu/ún tlehhtuwo, tlehhmi'iiwós kudá' aa geerií tleéhh ki inslayká, aqo in gwaa' as tlakweemaawós.

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

TLAHHOÓ LAÁWI 18:26

Ala kuungá', nee hoomár ayaahúng hoot, gár tunduwa hariím a hara'ayar'eé' nee daber'eene in otá', muruuwí slasla/arén mu tlehhitara'.

TLAHHOÓ LAÁWI 18:30

«Gawaá adoorihe daber'eé' sleémeero oohaak, muruudá' slasla/arén ta waki mu aleealuusara', kudá' taa geeraahúng wa tleéhh nee mukdá' yaamu gaa geerahúng wa hoot, kuungá' miti slasla/areesara' ar tlehhmi'iidá'. Asma aníng an AAKOÓ MUNGÚ Munguúhúng.»

TLAHHOÓ LAÁWI 18:4

Kuungá' daber'eé' an eehadá' nee kaahir'eé' an otá'. Aníng an AAKOÓ MUNGÚ Munguúhúng.

MALAKI 3:7

Iimír baabi'iihunge ana warqeeré' bihhií alé, hara'ayar'eé' kari geexeeré', tam sleeme aga oti'iiká. Amor'eé' ii ki/aare' aníng kuungá' nu ii kií/. Ala kuungá' a kata', ‹Adór tar ki/aan a adoomá?›

Luka 19:8

Sakayo iri sihhiít guri báy, «Qaytsiít Aáko, tlaqtá daqaari'iimar'eé' a haniís dír narkuute, nee gár hee ar naa hara/uuntsiím bir deer, a ki/ís sagaáwa tsiyáhh wa ale.»

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.