ESEKIELI 18:16 - Biblía Axweesantá Hhohho' ar Mungú 2004

¹⁶ hee gu /aytinká, iinár hee ga konká, daqaari'iimár heé hatlá' ga hayoohinká, ala múk qwariít gu /aymiis, nee múk tlabaá koomaaká gu tsiitmiis,

ESEKIELI 18:16 Iomraidhean Croise

YOBU 22:6

Hhiyaawók una tawo arhaáni ót, inós gaarók ar i kon iqo káhh, tlawuuwós kudá' wák i kon una arhaánír wa ót, inós gár i tsiiti i káhh.

YOBU 22:7

Múk aa slaaqamiit una /ít ma'aywo. Heé aa qwariit kuri fa/ár /ít.

YOBU 31:16

Xáy, aníng narkuute muruú i sla'a aga /íti? Laqaá /ameenír kwaalo'o aga ila' hhantemamísi.

YOBU 31:19

Barnaxes aníng hee ugwa ár oo /ankwets i gaamisi, laqaá narkutmoó tsitoó koomaaká,

YOBU 31:20

barnaxes ugwa tsiitisiiká ar tlabaá taa tleéhh ar se'éngw bee/aangw, nee inós aníng iri sluufisiiká ar tsáp,

WARA'AMI 41:1

Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

AXWEESANOÓ SAGALOOA 22:9

Heé gurhhoó' ku tsuuq. Asma inós nee narkutmo muruú /aymar'ín a emto.

AXWEESANOÓ SAGALOOA 25:21

Wakusmoowók bir qwariit, /aymiseek, bira waxiít, wahaseek i wahi.

AXWEESANOÓ SAGALOOA 31:20

Narkuute gan /iimís muruuwose Nee múk sla'amuút sleeme.

ESEKIELI 18:12

narkuute ga hara/untsiitsín nee múk litlakwene, i fisiisín, iinár hee ga buiiká, slaqsi'iidaá munguaá hatlá' gi haratlintatii', nee muruú buhhtamís gu tlehhiit,

ESEKIELI 18:15

ilahhooadár ta hanmaamisi gawaá tlom'ií wa ale ga /a/ayiiká, laqaá slaqsi'iidaá munguaá hatlá' awa múk Israeli gi haratlintatii'iiká, nee aa fuqusiiká nee harér inslaamoowós,

ESEKIELI 18:7

barnaxes hee gu /aytinká, nee gár hee birnga kiriík ga ki/imis, bar muruú muu gu malguusiiká, ala muruú /aymaaro múk qwariít gun qaqáy nee kudá' tlabaá kooma'aaká gi tsiitmiis,

Matayo 25:35

Asma qoomár án niwa qwariit, kuungá' ina /aymisé'. Qoomár án niwa waxiit, ina wahasé'. Qoomár án tawa dahaaymo, ina dahi'isé'.

Matayo 25:36

Qoomár án tawa /aankwets, ina tsiitisé'. Qoomár niwa tiiq, ina neetleesi eeré'. Nee qoomár tiwa tseék, ina artá eeré'.›

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Luka 14:13

Ala qoomár muruú /ayma bura tléhh, narkuute na ateeteek, nee taqooraay, nee múk tiqtír sol'omit, nee taampu.