ESEKIELI 17:3 - Biblía Axweesantá Hhohho' ar Mungú 2004

³ Ki beeto, anuú Aakoó MUNGÚ a káh, ‹Gwareesirka wák yaangaariir i deer, slám hhaampe'eeriwós ki ló'wa uren, hhaampe'eeriwós i hayaá yaariir awa kal'aá dimbedimbé koná'. Gwareesirí ina /akút ay tloomár Lebanoni, iri iwít gawaá tsitsinír sahhti.

ESEKIELI 17:3 Iomraidhean Croise

YEREMIA 24:1

Nebukadnesa waawutmoó Babuloni, Yekonia garmoó Yehoyakimu waawutmoó Yuda guna Yerusalemúr wa loohatís ay yaamaá Babuloni, dinkwa nee geeraharuusér Yuda, nee mukdá' maray tlehhtuwo gi xua, nee kareerahe. Aluudae AAKOÓ MUNGÚ aníng ina iigu'uútuwí laqán. Aníng lakwaantoó tsár oo /aantsír aa hamat una ár kwa qaás dír geeraá Doó AAKOÓ MUNGÚ.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

YEREMIA 48:40

AAKOÓ MUNGÚ i kaahi, «Qaytsiít, Moabu ku gaanslár i haraatláy nee xooro adór gwareesír hhampi'iiwós ga gwet.

YEREMIA 49:16

Dae tlaqa nee daara/aangók kudá' ta tlehhit ugwa al/ayiyé', kuúdá' hotaatiím baraá mar'ór tla/uú wa alé nee gawaá sagér tlom'i. Tam do'ók ugwa adór gwareesír wa gáwtí tlehhi, aníng kuúng un gawaasíng wa /arara'aás. Anuú AAKOÓ MUNGÚ tí ngina oó'.

WA/AA/I 4:19

Múk taa eehar ku ló'wa insláhh ta gwersuuwo, atén tina guús ay gawaá tlom'i, tay gigidiné' baraá darmuú wa alé.

ESEKIELI 17:4

Halmír gáwtí dirii' ló'wa alé gay tú/, gari húp baraá yaamaá múk halaanu'uumár tlehhiít, gari qás baraá gixsar'ín ar wák i aleeró.

ESEKIELI 17:7

«Ala gwareesirka hatlá' yaangaariir i deer, hhaampe'eeriiwós ki uren nee ka hayo yaariir, xa'anooduú sabiíbu dee/áruuwós gway amór gwareesidá' xu'ús, haleemaawós niri amoodá' xuiyé' as ngiwa ma'áy eemis.

ESEKIELI 31:3

Kuúng a adór sahhtír yaamaá Lebanoni, tidár haleemi hhohho', nee loo/o yaariir nee tidá' tleer, tsitsini ina purúts gawaá doori.

DANIELI 2:38

Umuú dír muu i hooti nee makaá sla/ato, nee tsir/ooro ngaa dabaawók i qaás, inós kuúng una baalusmooín wa qaás. Kuúng nee waawuti'iimaroge an sagwduú sahaábu.

DANIELI 4:22

«Gimáy, xa'anoodá' an kuúng waawutámo, kudá' aa uraaray nee /uuruú koóm. Yangareemaawók naa hardihiyé' ay gawaá doori nee waawuti'iimarók aa iia tleeruúr ay alhhe'eesoó yaamu.

DANIELI 7:4

Makiito'ór geera a slaqmís nee diraangw, slám i hhaampa'aá koón adór kuqaá gwareesi. Qoomár ngiwa adoorí wa ga/aw, hhampi'iiwós kina tu/ún, inós kari gáwtí tleés iri sihhít ar ya'aá tsár adór heéwár aleeró. Kari fuqurángw heéwí haniís.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

HABAKUKI 1:8

«Farsuín ku isláhh ta dueemiwo, i xaraasliyá' ta tawerú qwariita, nee slaqwaruusér faras gwa i tsa/aan amór i dahhiya' ka saaw, ki islahh adór gwareesír aa gaanslár tleer amór gár /ayma.

Matayo 24:28

«Asma dír tuua i diri' an didá' gwares i burumburiiti.»

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.