ESEKIELI 17:13 - Biblía Axweesantá Hhohho' ar Mungú 2004

¹³ Naagáy, heé wák guri waawutmoó wa qaás, oo tlahhoó waawutmo, tina axweesani axaasiyé', guri lo'ór /aymiís. Múk pihh'uumár koóm yaamuudae guna hingeés, gway amór saáw i huúw,

ESEKIELI 17:13 Iomraidhean Croise

2 QOM'I 36:13

Sedekia kángw waawutmo Nebukadnesa axaasaro guri sií' tam Nebukadnesa Sedekia ngwa lo'ór /aymisi ar baraá umuú Mungú as tidá' Nebukadnesa i ooi mingiwa sií'. Inós da/eewawós giri gawdeés, tam guruuwós guri tlaa/árí dahaás as miwa kií/ amór AAKOÓ MUNGÚ, Munguú Israeli.

ISAYA 3:2

Migusmo gu hingees nee slaqwarusmoowo, har'ohusmo nee aarusmoowo, tlaa/usmo nee aakoowo,

YEREMIA 24:1

Nebukadnesa waawutmoó Babuloni, Yekonia garmoó Yehoyakimu waawutmoó Yuda guna Yerusalemúr wa loohatís ay yaamaá Babuloni, dinkwa nee geeraharuusér Yuda, nee mukdá' maray tlehhtuwo gi xua, nee kareerahe. Aluudae AAKOÓ MUNGÚ aníng ina iigu'uútuwí laqán. Aníng lakwaantoó tsár oo /aantsír aa hamat una ár kwa qaás dír geeraá Doó AAKOÓ MUNGÚ.

YEREMIA 29:2

Yeremia barwito'o ngiwa gooín a alaá waawutmo Yekonia, nee waawuto'o aayoorós kiwa ar tláy Yerusalemúr wa ale, dinkwa nee mukdaádá' taa karmuumúy, nee mukdá' urén oo Yuda nee oo Yerusalemu, nee mukdá' mura' tlehhituwo gu xuú' nee kareerá.

YEREMIA 37:1

Waawutmo Nebukadnesa oo Babuloni, Sedekia garmoó Yosia guri waawutmoó múk Yuda wa qaás kitángw Konia garmoó Yehoyakimu.

YEREMIA 5:2

Inooín tam lo'o ngi /ayia' iwa kaahiya', «Adoodá' AAKOÓ MUNGÚ ir hotaatin.» Tam adoorihe inooín a lo'o ngin /ayiyá' ar lama.

ESEKIELI 17:16

«Anuú Aakoó MUNGÚ a tsáp wa káh, adoodá' nirqo dawa, waawutmoowí i gwaa' baraá yaamaá Babuloni, baraá yaamaá waawutmoodá' inós gwaa qaas baraá waawuti'iima, kudá' lo'oodá' gaa waaqaa' nee al'axweesani ga sii'.

ESEKIELI 17:5

Aluuwo xa'anoó naa sangw ti'iit guri taataáhh baraá yaamaá múk Israeli wa aleeró, guri hátl dír xáw'uú koom, dír ma'aá yaariír koom.

ESEKIELI 21:28

«Heewí, aariím daanduú múk Amoniwo, nee daanduú axweesantaín tidár waaniqaay dír múk Israeliwo. Inooín ki beer, ‹Paánga! Paánga kaa amohhe'eés muu tsu/taaro, kaa duúq as ngiwa hhaamis, kaa qwiiri/iís i war'eeliín adór mankari.

HOSEA 10:4

Gaa a boqoondaá tawo kin axwees. Al'axweesantá lama kan oín. Gawaá adoorihe sakwasleema a adór xa'anoó tsu/uút, oo baraá hha'aá qaymo.

1 SAMUELI 11:1

Nahashi heé Amoni, iri waatláy amór Yabesh-gileadi, gixsadá' kari harweér nee mukose, muu sleémeero oo Yabeshi Nahashi guri báy, «Al'axweesani dirén i ooang, daqaní atén kuúng u sagadiyuusaán.»