ESEKIELI 16:8 - Biblía Axweesantá Hhohho' ar Mungú 2004

⁸ «Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

ESEKIELI 16:8 Iomraidhean Croise

IIMU/UUNGW 22:16

iri oó', «AAKOÓ MUNGÚ i kaahi, ‹Án lo'o aga /aáy ar umuueé', as kuúng adoosíng kawa tléhh, ar garmaawók oo kilós kuwa /itiindiiká haniisár dir'eene,

TI'INAANGW 15:16

Dae nee hor/iro gaa eér, ar aleesleemuú dakoge inooín niri xaslmiitiyé' adór tlaa/ano. Aá AAKOÓ MUNGÚ, ay dír mukók i waaraahhi, ay dír mukók kudá' taa ba/amís i waaraahhi.

TI'INAANGW 32:13

Sagadiyuuseerók Abrahamu nee Isaka nee Yakobo inslaweegáy, kudaádá' kuúng lo'o kasa /ák ar umuuwók nee kiri beér, ‹Aníng xwaylarhúng a tlahhás adór tsatse/uú gawaá doori, nee yaamuuká' sleémeero aníng naa dirhúng i al'axweés, aníng i haniís dír xwaylarhúng i ale, inooín kiri aal ay alhhe'eesáy wasle.› »

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 43:4

Asma kuungá' a múk slahhaá' dir'eene, nee oo ni ilaiwawaa/, aníng kuungá' nu slaá'. Aníng múk hatlá' u máw as kuungá' nuwa slaw, xoordaá hatlá' in waa'aláh ar kuungá'.

YEREMIA 31:3

AAKOÓ MUNGÚ tina amór saáwá laqán i kaahi, Aníng kuúng una ló'wa slaá' ar sla'aarír alhhe'eesay wasl. Gawaá adoorihe aníng an kumamiít tiwa inkihhím diroge.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

ESEKIELI 16:6

«Aníng niwa bihhaawók ar waaraáhh, ina ár a kal/aandús baraá tseereerók wa alé, nee iri báw,

HOSEA 11:1

Israeli kuwa niiná una slaá', garmaaeé' kwí ngway ateét niwa Misrír wa ti'iiti.

HOSEA 2:15

Aníng qamuuwós awa sabiíbu ngay amoodá' wa haniís, nee xatstá Akori tidá' ta bay slahh'amaaye tari harahhifoorós. Inós aníng iri ya/aán ar adoodá' aáng ngira sa'axweés tawa /amaatliito'o, nee adór qoomaadá' niwa ti'ít Misrír wa ale.

HOSEA 2:7

Inós mulqeerós gay eeharahaduú eér, ala gi sleeraaká, gi leelehhít ala gi aandaaká, iri o', «Aníng a kií/ amór hhawaatuueé' kuduú bi/i, asma adoodá' dír hhawaatueene nira hoót a tsiní ta adoorí hám ni diriia.»

MALAKI 1:2

AAKOÓ MUNGÚ i kaahi, «Aníng kuungá' naa slaá'.» Ala kuungá' a kata', «Adór tira slá' a adoomá?» AAKOÓ MUNGÚ i kaahi, «Ahaá, Esau a hhiyoó Yakobowookáhe? Aníng Yakobo ugwa slaá',

Rumi 5:8

Ala Mungú inósuú kilá' sla'aarirós ngina laqán dirén i aleeró asma Kristo ina gwaá' as daandeemoorén qoomár atén tawa tlakuuse.

DABE 4:31

Asma AAKOÓ MUNGÚ, Munguúhúng, an Munguú gurtleemuú koóm. Inós kuungá' nu si'iiká, nu hhaamisiiká, laqaá alqadoorós ga gunqaresiiká, tidá' aa lo'ór wa /aáy dír bariiserhúng.

RUTI 3:9

Boasi iri oó', «Kiíng a heemá?» Inós iri ó', «Aníng a Ruti, sagadiyuso'oorók. Aníng uuntsuusáng ar inqwaarirók, asma kuúng an mar'afmooeé' kudá' tseéw, kudá' aníng i aál.»

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.