ESEKIELI 16:7 - Biblía Axweesantá Hhohho' ar Mungú 2004

⁷ ‹Slaáf nee uráw adór sla/ito'ór baraá qaymór wa ale.› Kiíng tari ureér, tari tleeruúr adór dasi. /Aami iri tsaxát, iseemaawók nari kiki'iné' nee se'eengók niri uraaráy, ala kiíng a /aankwetsuú kilá'.

ESEKIELI 16:7 Iomraidhean Croise

IIMU/UUNGW 22:17

án daxta kuúng u ló'wa tsuúq, nee xwaylarók an ló'wa tlahhás, tari adór tsatse/uú doori nee adór hhasángw afaá tlawi. Nee xwaylarók wakuuser'ín gari bál, nee gari sawaawuti'iín.

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

WARA'AMI 147:20

Muruuwí gwa tleehhiiká dír xoorór hatlae, Xoordaá hatlá' kaahirós ngi xuiaaká. AAKOÓ MUNGÚ xirfayeemisaak!

WARA'AMI 148:14

/Uuruú mukós ngwa bariilooeés, xirif gwa mukós oo hhohhó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

TI'INAANGW 1:7

Ala xoorór Israeli iri ló'wa laqwál, iri doogiín, tari tlaáhh, inooín tari xoorór /uuruú koom, yaamuudá' ngiri hatsisiyé'.

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 3:22

Ala umuú /ameenír Ebrania inslaawto'oorós ar Misri, nee dahaayo'ór do'ós i diriia, gin firiín muqslár peesaaro nee sahaábuwo nee tlabaawo, kuungá' kiri dahsá' dír na/iihúng awa daaqaay nee awa dasuuwo. Kuungá' xooslaá múk Misri kari haasaáng wa ar tleerá'.»

DAA'AANGW 4:5

Iseemaawók a adór gwerehhuú tsár, adór saaragár daangi, kudá' qawá' baraá tla/ángw /ayór hhohho' wa ale.

DAA'AANGW 8:10

Aníng a adór koo/i nee iseemaaeé' a adór /aampu. Aníng dír ilaawose a adór heé wayda ngwa huuw.

DAA'AANGW 8:8

Hho'oorén tooka niina i deer, inós /aami gaa tsaxadiká. Ala hamí gár daanduuwose ta tleehhaan a xuanaaká bál barka iimu/ún sa'axweesanto.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 62:3

Kiíng tari adór slamángw hhohhoaari, gawaá dabaá AAKOÓ MUNGUHE. Tari adór slamángw waawuti'iima gawaá dabaá Munguúwoge.

ESEKIELI 16:16

Tlabaawók bahh'alé ina parootús ar kiteeridaá ilahhooa, tari didá' wa fuqús. Kángw adór kwí ugwa baloó axaasaniiká, nee sleeme inqo sangw baloó ti'iitiiká.

ESEKIELI 16:22

Baraá mura' sleémeero dinkwa nee sli'imaarók tidae, aga insleeriiká deelór na/uumaarók tidá' tawa kal/aandus baraá tseereerók wa aleeró, qoomár tawa /aankwets nee tiwa gaa wásl.»

ESEKIELI 16:6

«Aníng niwa bihhaawók ar waaraáhh, ina ár a kal/aandús baraá tseereerók wa alé, nee iri báw,

HOSEA 2:3

Bir axamiská aníng a tlaba' hingeés, gwe'eedo gay tsee/áy tsát, ngiri ki/ís adoodár bál kingiwa laqwaál, inós ngiri adór xaanxaay tleéhh iri mét ar pakáy, ngiri gaás ar waxe.

Tlehhema'aá ya/Abuuse 7:17

«Naagáy al'axweesantadá' Mungú aa haniís dír Abrahamu iwa naká/ boo/eesaro, mukdá' iri doogigín, nee iri ló'wa tlaáhh baraá yaamaá Misriro.

DABE 1:10

AAKOÓ MUNGÚ, Munguúhúng, kuungá' naa tlahhás, hám laarí tundu ló'wa yaariír adór tsatse/uú gawaá doori.

DABE 1:11

AAKOÓ MUNGÚ, Munguú baabi'iihúng kuungá' nu ló'wa tlahhasi ay sagáwa kumér yaariir, adoorí hám tay diria' ba/a, nee nu tsuuqi adoodá' aáng ngira al'axweés.

DABE 4:8

Laqaá xoorór ur tam ar wák i káhh ar kaahi nee hara'ayár ganaa' ar adór tí ga koom, tí aníng naa dirhúngí intsaahhatís laarí.