ESEKIELI 16:61 - Biblía Axweesantá Hhohho' ar Mungú 2004

⁶¹ Daqaní kiíng tlehhmi'iiwók i insleér tari murút qoomár hhaeewók awa dasu birnga dabaawók i qaás, hho'oorók ar ur nee ar niinawe, adór dasuuwók wa aleeró, ala adoorí a tleehhaaká as al'axweesantá nee kiíng na qaasaán.

ESEKIELI 16:61 Iomraidhean Croise

ESTA 9:27

Múk Yahudi deeloorí tsár gari qaás tawa dawa dir'ine nee dír na/ii'ine, nee dír mukdá' sleémeero aa dir'ín i haragwaa', matawa baloó slaaqaát deeloorí tsár inslaslaango qoomaarós bira xeér, umuúqo kurko, ar adoodá' Mordekai ngira gooín.

WARA'AMI 119:59

Slafingw'eé' ugwa aldaákw, ni warqáw as axweesantók ngiwa eehar.

ISAYA 60:4

Axáy bihhe sleémeero xuxueek, inooín sleémeero naa burumburitiyé' ni amoorók kayá'. Daaqaywók oo sawén ni hardihiyá', nee dasuuwók kungu gagaar ar bihhe.

ESEKIELI 16:63

Aníng kiíng i gurtláw gawaá tidá' sleémeero taa tlehhi. Kiíng tidá' sleémeero taa tléhh bar aga insleér, tari waa/ó/, afkók kuri mutsuutsú' as mure, tay qitlká axweesántí ki/imawo. Anuú Aakoó MUNGÚ tí aga oó'.»

ESEKIELI 20:43

Didaádá' an dír tlakweemahúng nee tlehhmi'iihúng kudá' tlakw kiwa insleera', adór kuungá' nura slasla/areesiyé'. Kuungá' mune nuri fák as tlakweemahúng kudá' taa tlehhé'.

ESEKIELI 36:22

«Gawaá adoorihe múk Israeli kubeer, Aakoó MUNGÚ i kaahi, Tí ni tleehhár wa slaa' a tleehhaaká as kuungá', ala an tlehhiít as ilaiwa/amér umuueé' kudá' hhoohhoó', kudá' kuungá' taa slasla/areesé' baraá tla/ángw xoorduudá' ti diya/até'.

ESEKIELI 43:10

«Heewí, hám daxta, múk Israeli kángw Doó Mungú ti beer, nee adoodá' kura tleéhh ngi intsaatsahhiye'. Ki mureekeesi nee tlakweemaaín.

ESEKIELI 44:13

Inooín i male i tseewuy'aaká as iwa sagadiyusiya' adór kaahamuuse, laqaá xooslar'eé' tidá' hhohho' ngi malé kwatimitiaaká, laqaá tidá' ak ló'wa hhohho'. Ala inooín ki mureekees nee tlehhmi'ii'ín kudá' slasla/aren naa tlehhiitiyé'.

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Rumi 11:11

Gawaá adoorihe aníng an yaahaás, xáy inooín tana dukuútsi as tawa huui? Aasla'áy, a adoosingeeká. Ala múk Israeli iwa huú', ba/ama niri hardát dír múk xoordaá hatlá'. Adoorí ina tleehharút as kahhó' múk Israeli gur'e nguwa ohiin.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Ebrania 7:12

Asma kahamuusi'iima bira warqeér, hara'aya sleeme gár kawa hariím aqo in warqeér.

Ebrania 8:13

Diirihe Mungú kángw alqadór /aben gwa axweés. Gawaá adoorihe gár i laqaqaan a alqadoodár geera ina diín. Ala gaa barnaxes aa qaruúr, nee aa diín, gadaádá' qwanaywo aa naká/.