ESEKIELI 16:60 - Biblía Axweesantá Hhohho' ar Mungú 2004

⁶⁰ Ala aníng al'axweesantadá' nee kiíng naa qaasaán qoomár kiíng tawa /amaatliito'o a insláw. Aníng nee kiíng al'axweesantá alhhe'eesáy wasl a tleehhaán.

ESEKIELI 16:60 Iomraidhean Croise

IIMU/UUNGW 9:15

aníng alqador'eé' an insláw, tidá' naa haniís dír kuungá' nee umuúqo gár slafa. Ala tluwoó da/tén i baloó tluwiiká as umuúqo gár slaaf ngiwa hhitin.

2 SAMUELI 23:5

Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

WARA'AMI 105:8

Inós alqadoorós ga baloó gunqaresiiká ay kureeraá kureér, hara'ayaarós tidá' aa oó' gan boo/eemaamiis umuúqo qarto.

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 61:8

«Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

ESEKIELI 16:8

«Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

ESEKIELI 34:25

Aníng nee inooín alqadór wayda ngiri qaasaán. Aníng makaá xaraaslá' in faák baraá yaamuwo as bee/angw'eé' iwa baraá darmú xatsoó wa hooti ar amohhooa, nee iwa gui baraá sla/atá wa ale.

HOSEA 2:15

Aníng qamuuwós awa sabiíbu ngay amoodá' wa haniís, nee xatstá Akori tidá' ta bay slahh'amaaye tari harahhifoorós. Inós aníng iri ya/aán ar adoodá' aáng ngira sa'axweés tawa /amaatliito'o, nee adór qoomaadá' niwa ti'ít Misrír wa ale.

TLAHHOÓ LAÁWI 26:42

aníng daqaní alqador'eé' an insláw, tidá' naa tleéhh nee Abrahamu, nee Isaka, nee Yakobo, nee yaamuudá' ngi al'axweés ngiri insláw.

TLAHHOÓ LAÁWI 26:45

Aasla'áy, as inooine alqador'eé' an insláw, tidá' naa tleéhh nee baabi'ii'ín, kudá' naa baraá yaamaá Misrír wa duúx, as án niwa Munguúín tleehhiit, adoorí xoordu ngina ariyé'. Aníng an AAKOÓ MUNGÚ.»

Luka 1:72

Baabi'iirén gina gurtleemuú wa ár, alqadoorós tidá' hhoohhoo' gari insláy,

Ebrania 12:24

Kuungá' ana hardaté' dír Yesu. Inós an harki/isusmoó alqadoodá' /aben. Tam tseereerós tidá' hhoohhooeemiis i ak axwés ta tseereedár Abeliwo.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.