ESEKIELI 16:57 - Biblía Axweesantá Hhohho' ar Mungú 2004

⁵⁷ Xáy, adoorí aga tlehhkáhe qoomár tlakweemaawók kiwa geehhooatisiiká? Hám daxta, kiíng nee Sodoma aga qoondé'. Kiíng daxta a gár waaqa'atiit dír geeraá dasuú Edomu nee inslaawaywós sleémeero, nee dír Filisti nee inslaawaywós kudá' aáng kiíng iga aahhi.

ESEKIELI 16:57 Iomraidhean Croise

WARA'AMI 50:21

Adoorí an adoodá' taa tléhh, aníng nay xasliít. Kuúng kawa xu' aníng aqo adór kuúng. Ala aníng kuúng u iigahhaát, muruuwí sleémeero ngu geehhoeés dír geeraawógí alé.»

ISAYA 14:28

Kurkudá' waawutmo Ahasi iwa gwaá', aníng iigu'utuuwí una sláw,

ISAYA 7:1

De'emaá waawutmo Ahasi garmoó Yotam, garmoó Usia, tawa waawutmoó Yuda, qoomaadae slaqwara nina /awuúr. Resini waawutmoó Aramu nee Peka garmoó Remalia, waawutmoó Israeli, gixsár Yerusalemu kana i haratláy, ala ngaa hayohi'iiká.

YEREMIA 33:24

«Xáy kuúng aga axaskáhe mukwí iwa kaahi, ‹AAKOÓ MUNGÚ marayká' tsár aa tsawaár gaa sií'.› Inooín muk'eé' nguna waaqaaiyé', dir'ine tari xoororooká.

WA/AA/I 4:22

Kuungaá múk Siyoni, muxtár tlakweemaahúng aa fák, kuungá' daxta tundu baraá looháy mayká. Ala kuungaá Edómu, tundun muux as tlakweemaahúng, tlakweemaahúng gin geehhooees.

ESEKIELI 16:27

«Naagáy dakw'eé' nguri tleés daanduuwók i alé as iwa sakwasleemuut. Afa nasli ngiri haniís iri máw dír wakuuserók tidár da/uuse, múk Filisti kudá' aa muruut tawo ale daanduú tlehhmi'iiwók awa ló'wa slasla/arene.

ESEKIELI 16:56

Ar daara/aangoge hho'oorók Sodoma ana waaqá'.

ESEKIELI 21:24

Gawaá adoorihe, anuú Aakoó MUNGÚ a kah, «Muu sleémeero tlakweemahúng ngi ariyá', kari tsaáhh adór kuungá' tar tlakweemaá koondá', umuúqo heewo gari xuu' adór tara dakusé'. Umuúqo tlehhmuú kuungá' ta tlehhta', gár i laqaaqan aqo tlakweemaá kuungá' taa tlehhé'. Kuungá' tunda sakwasleemuút, aníng nun qaás gawaá dabaá wakuuserhúng.

ESEKIELI 22:4

Kiíng a dakuúsár koón, asma tseerdaá muu iga ku'ús. Taa kilók meetagás ar slaqsi'iidaá munguaá hatlá' kudá' taa kilók tlehhít. Deeloorók ar sakwasleema aga kilók tseewés, eeít, deeloorók kaa faár. Gaarí an gár isa haniís tiwa niqimisi nee xoordaá hatlá', nee yaamu sleémeero iwa waaqaqaiya'.

ESEKIELI 23:32

«Anuú Aakoó MUNGÚ a kah, ‹Naxooro a wát baraá xooslmooduú hho'oorók kudá' tleér yaangariír, muu iri waaqasén iri waaqaa', slám xooslmoowók i haats.

ESEKIELI 27:16

Múk Edomu halaanu'uuma kana tleéhh nee kiíng asma muruú ta weermis ku ló'wa úr. Inooín xooslarók ngina tlaxuné' ar tlaa/aá ta bay akiíki, warqamaá sirda/aten, warqamaá taa qaalín ar kitaánír hhohho' nee tlaa/aá ta bay marijaáni nee awa yakuúti.

ESEKIELI 5:14

Slám malé alé kiíng gixsár Yerusalemu i adór panmo tleéhh, nee tari gár ta waaqaqai nee xoordu, kudá' iga harweeriye', nee dír ilaá mukdá' waraahha ar bihhiiwók.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

HOSEA 2:10

Aníng an /aankwetsiís dír ilaá mulqeerós wa ale, tam heé wák oo ga baraá dabaaeéná wa tuú/ i kaahh.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

SEFANIA 3:19

«Ga/aawaak, qoomaadae kudá' sleémeero nu baramaanuusá' aníng in muúx. Ala kudá' soopimá' in ba/amís, nee awa taa kwaáhh in burumbuur. Murer'ín an warqeés tawa xirif nee in iia tleereés baraá yaamu sleémeero.

FAARO 23:7

Bala'amu aarirós tí gari oó', iwa kaahi, «Balaki ina leéhh ay yaamaá Aramu, waawutmoó Moabu ina leéhh iimír tlom'aá da/aáw, iwa kaahi, ‹Qwaláng múk Yakobo lu'usek as daanduueé', qwaláng múk Israeli tli/isek!›

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.