ESEKIELI 16:47 - Biblía Axweesantá Hhohho' ar Mungú 2004

⁴⁷ Kiíng naa dír lohduuín ngaa harki/ká eeharahaduwo, laqaá naa qoomoó slasla/aruín harki/ká. Har afiqoomár niinawe kiíng ana ló'wa hhiturút ta ak inooine baraá tlehhmi'iiwók sleémeero.

ESEKIELI 16:47 Iomraidhean Croise

1 WAAWITÁ 16:31

Slám tam tlehhma'aá Yeroboamu garmoó Nebati gaa eehari, Ahabu Yesebeli gari duúx, dasír Etba'ali, waawutmoó Sidoni. Ahabu Ba'ali guri sagadiyuús, nee gway sluufmiís.

2 WAAWITÁ 21:16

Inós múk Yuda guna dahaás baraá tlakweemaawós, inooín tlakweema ngiri tleehhiyé' geeraá AAKOÓ MUNGUHE. Sleeme Manase múk yaariír oo dakuús wásl guna tsuú/, tseerér yaariir ina ku'út badu sleémeero ar Yerusalemu.

2 WAAWITÁ 21:9

Ala inooín tí nga iiárií qaasi'iiká, Manase inooín giri dahaás baraá tlakweemaá yaariir tam kudaá xoorduudá' AAKOÓ MUNGÚ aa hhaamiís geeraá Israeli wa aleeró ba/a.

YEREMIA 3:7

Aníng ngi xuu' tí sleémeero tleehharo birnga hhe'eesiyé' ni amor'eé' ki/iyá'. Ala naa baloó amor'eénií ki/i'iiká. Nee hhaeeín awa Yuda sleémeero ngaa ariyé'.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

ESEKIELI 16:48

«Ar looeemá kilae, tí an káh ar tsáp, anuú Aakoó MUNGÚ, hho'oorók Sodoma nee dasuuwose tlakweemaá adór kók kwisíng nee awa dasuwók nga tlehhi'iiká.

ESEKIELI 16:51

«Ala Samaria tam tlaqtá tlakweemaá adór kók gaa tlehhká. Kiíng muruú yaariír oo buhhtamís ugwa tléhh ta inooine. Barnaxes tlakweemaawós in alqoomeemesa nee awa hhaeewók, tlakweemaaín a gaarooká ta koge.

ESEKIELI 16:52

Kiíng murér tlakweemaawók an kilók gagát. Tlakweemaawók ki ak ló'wa tlaakw ta awa hhaeewók awa dasuuwo, sleeme an lak ooaan kwaáo hhaeewók awa dasu tlakweemaá ta kon i kahhiyá', nee laqaá tam dakuúsar'ín, bar an kiíng ar qoomeesaán. Gimáy daxta, muruút nee waaqa'amawók ooheek, asma adoorihe gár i laqaqaan a hhaeewók kwisíng in tlakweemaá kon'aaká.»

ESEKIELI 8:17

Mungú iri báy, «Heewí, kuúng kaangwí ugwa aándi? Tam adoorihe, múk Yuda adoorí iwa mune duxuna' kawa ga/ay a gár niina. Yaamu gaa hatsisiyé' /aytaro, adoorihe tari buúhh aníng mune duxuungo. Áx ga/aaweek adór haleemaá xaai ngira qaasiyé' gawaá dunger'ín.

1 Korinto 5:1

Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.