ESEKIELI 16:45 - Biblía Axweesantá Hhohho' ar Mungú 2004

⁴⁵ Ar tsuwaá ló', kiíng a dasír aayór hhawaatuwós gwaa si' nee na/iiwose, kiíng a adór hhaeewók kudaá hatlá' awa hhawaateín nee na/ii ngaa si'iye'. Aayoorók ar xoorór Hiti nee baabuuwók a heé xoorór Amori.

ESEKIELI 16:45 Iomraidhean Croise

ISAYA 1:4

Tsaxwaahúng kuugaásíng xoorór iringuuse. Kuungá' a múk taa al'ilooúy nee tlakweema, xwaylár tlakweemaá tlehhaahhiit, na/aá al/aymárár hotaatimá'. Kuungá' AAKOÓ MUNGÚ ugwa geexeeré', kudá' Hhoohhoó' oo Israeli ugwa waaqaé', taa falo kwahhé', tari alií ki/é'.

ESEKIELI 16:15

«Ala hhohhoaarirók tisíng ana harahhíf, as tiwa hhoohhoó' tsaatu'uumár eér, nee sli'ima kari tléhh nee umuúqo heé waaraahha.

ESEKIELI 16:3

Gám baweek, Anuú Aakoó MUNGÚ gixsár Yerusalemu a babaw, Iimu/uungo kiíng dír ti laqwaál a baraá yaamaá Kana'ani. Baabuúwók a heé xoorór Amori, nee aayoorók a dasír xoorór Hiti.

ESEKIELI 16:8

«Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

ESEKIELI 23:2

«Heewí, dasuuko tsár taa laqwaál nee aayór wák i deer.

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

FAARO 21:5

Naagáy qununu/aay ngway iimu/uné' daanduú Mungú nee Mosewo, tawa kaahi, «Ahaá waáy gár tisa duxé' baraá yaamaá Misrír wa ale, nee gár tas qatlaan baraá xaanxaywí ale? Baraakae muruú /ayma i kaahh, tam ma'aay i kahhiyá', nee atén muruú /aymaarí tlií/ taa xinaaór ar faák.»

DABE 12:31

Kuungá' AAKOÓ MUNGÚ, Munguúhúng mu adoorír firirimaara', asma umuú gár AAKOÓ MUNGÚ aa aahhi inooín ngina dír munguii'íní tlehhiitiyé'. Tam inooín daaqay'ín nee dasuuine ngina da/a/ané' baraá asla as tawa ilahhooár da/a/aangw dír munguii'ine.

DABE 5:9

«Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Munguú da/tá koóm. Kudá' li/oó tlakweemaá xwayliité' tidá' aníng i ahhiit gu dír na/ii'ín i buú' tam ay nángw sagaáwa tám laqaá ay tsiyáhh.