ESEKIELI 16:42 - Biblía Axweesantá Hhohho' ar Mungú 2004

⁴² Daqaní muner'eé' aga daanduuwók i faák, da/tadá' daanduuwoge ni koom aga faák, niri xasliít niri malé buhhaaká daanduuwoge.

ESEKIELI 16:42 Iomraidhean Croise

2 SAMUELI 21:14

Aluuwo Daudi nee mukós fadaá Saulo nee garmaawós Yonatan kina foól baraá yaamaá Benyamini, amór Sela, baraá /aantár Kishi baabuú Saulo. Umuuqo gár waawutmo aa ooi kana tleéhh. Alaá kaangwihe, Mungú firór kángw yaamuuín gari iiári qaás.

2 SAMUELI 24:25

Daudi AAKOÓ MUNGÚ guri kitángw ilahhooárií tleéhh didár afeenidár balaangw muxta. Ilahhooár da/a gari haniís, nee ilahhooár wayduwo. Naagáy AAKOÓ MUNGÚ firoorí gari ya/án as yaamu, nee oohaseeyidár tiqtír pu/i ar múk Israeli gwa ot, gari har'óh.

ISAYA 1:24

Gawaá adoorihe, Aako i kaahi, AAKOÓ MUNGÚ Aleesleemusmo, kudá' wák /Uuruú koóm oo Israeli, «Aníng wakuuser'eé' an i xaraásl, nee wakuuser'eé' ngay li/áy buú'!

ESEKIELI 21:17

Aníng tsa/i i slaáhh, sakwasleemar'eé' a bu'utiís. Anuú AAKOÓ MUNGÚ tí aga oó'.»

ESEKIELI 39:29

Aníng qoomár qeeruueé' bura ku'uús gawaá múk Israeli, gitsee/aeé' i malé lu/aaká dír múk Israeliwo. Anuú Aakoó MUNGÚ tí aga oó'.»

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 5:13

«Adoorí an adoodá' buhhtaeé' nir faakiya'. Aníng muner'eé' daqaní i tsauúr nee muunaáeé' iri qwalaa/. Diirihe kuungá' kari tsahhá' adór anuú AAKOÓ MUNGÚ, nura sakwasleemuút, asma aga buúhh ló'wa ale as kuungá' tawa inkihhimu waslesé'.

SEKARIA 6:8

Naxés aníng iri ateét, iri báy, «Ga/aaweek, farsuudá' aa yaamaá bihhaá /iikú xuu', buhhtaá Aakoó Mungú ngaa tsaeesiyé' amór yaamaá /iikó.»