ESEKIELI 16:41 - Biblía Axweesantá Hhohho' ar Mungú 2004

⁴¹ Maraywók kin daa/ ar asla, nee /ameenár yaariir sakwasleemarók gari aán. Tari tafkí/ fuqi eeharahaduuwo nee muu kuwa tlaxuun.

ESEKIELI 16:41 Iomraidhean Croise

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

YOBU 34:26

Múk tlákw gun dír geeraá múk wá muux.

ISAYA 2:18

Munguaá murslaaqat niri qwanaay hhe'eesiyá'.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

YEREMIA 39:8

Múk Kaldayo doó waawutmo nguri da/iyé' nee maraá muko, koo/ír Yerusalemu ngiri fee/iyé'.

YEREMIA 52:13

Doó AAKOÓ MUNGÚ guri daá/ ar asla, nee doó waawutmoowo nee mari sleémeero awa Yerusalemu umuúqo doó ure guna daá/ ar asla.

ESEKIELI 11:9

Aníng kuungá' nu duúx baraá gixsár wa alé, nee nuri qaás gawaá dabaá múk xoordaá hatlá', aníng kuungá' nuri sakwasleemuút.

ESEKIELI 16:33

Alhootariro hhawaata /ameenír tsaatuso'o gan tlaaxw ar peésa, ala kiíng mulqeerók sleémeero ana tlaxuún ar peésa, slamí ina slukukuún bihhe sleémeero as niwa dirógí fuqtá aya'.

ESEKIELI 23:10

Mukwí inós gana tlaba' duúx, gari /aankweetsií geexáy. Na/iiwós kina ohín, nee inósár kilá' kari gaás ar paánga. Sakwasleemár aa sleér tari intsaahhasa dír /ameenár hatlae.

ESEKIELI 23:27

Tsaatu'uumarók tidá' ta tlehhaahhit iimír baraá yaamaá Misrír wa alé a suqúw. Daanduú slaqsa'aá munguaá hatlá' i baloó insleeraaká malé alé, laqaá yaamaá Misri i malé insleeraaká.›

ESEKIELI 23:48

Adoorihe tsaatu'uumar'ín tidá' ngiri suqúw baraá yaamuukae, nee gaarí tari gurbua dír /ameena as matawa fuquús adór inooín wa ale.

ESEKIELI 37:23

Inooín tin male slasla/aresiaaká ar slaqsi'iidaá mungui, nee muruudá' aníng i buhhtamís, laqaá tlakweemaaín. Aníng i ba/amís as tawa malé dee/anutiiká. Inooín tari muk'eé' nee aníng tari MUNGUÚÍN.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

ESEKIELI 5:8

Gimsé', anuú Aakoó MUNGÚ a kah, Aníng sakwasleemar'eé' a boo/eés dirhunge, dír geeraá xoordaá hatlae.

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

DABE 13:11

Gawaá adoorihe, múk Israeli sleémeero kaangwí guri axaas, tari da'ayuut, nee tlakweemaá adór kuká' tleehharo tari baloó ki/iiká.

DABE 13:16

Haasaánguú baraá gixsadá' burumburaak dír tsee/aá /awaak awa gixsa, gixsadá' ka da/á' ar asla dinkwa nee haasaángudae, tawa adór ilahhooár ádkoóm ar ta da/i dír AAKOÓ MUNGÚ, Munguúhúng. Gixsarí tari taango ay alhhe'eesay wasle, ka male /abesiiká tleehharo.

DABE 22:21

inooín dasiidá' ka huwi ay dír afkú doó baabuúwós nee hhaawaataá baraá gixsadá' ngi tlaqutiye' ar tlaa/e ay dír i gwa', asma gár alsi'ím gaa tléhh baraá Israeliwo qoomár iwa doó baabuúwós i diri'. Adoorí an adoodá' tlakweema kir hingeesa' baraá tla/angwhunge.

DABE 22:24

inooín tsaraawo duuxaak baraá gixsaro nee ki tlaqutá' ar tlaa/e ay dír i qatliya'. Dasiirí in hariín kawa tlaa/ér tlaquuti as inós iwa tseiká, as kawa alee/isi, inós iqo baraá gixsárí dirí'. Hhawaata aqo kun gaas asma dasír inslaawmoowós i lehhiiti ga alsi'imúr áy. Adoorí an adoodá' tlakweema kir hingeesa' baraá tla/angwhunge.

1 Timoteo 5:20

Kudá' tlakweema gaa tleehh iigahhaateek dír geeraá muu sleémeero wa ale as awa hatlá' iwa da'ayuutiya'.