ESEKIELI 16:36 - Biblía Axweesantá Hhohho' ar Mungú 2004

³⁶ «Anuú Aakoó MUNGÚ kiíng in babaw, Peésarók aga harnét, aga fuqús nee mulqeerók tlabaawók in waatlés as tawa fuqusa' nee mulqeerók, slaqsi'idaá munguaá hatlá' iga fiririín nee iga tseerér na/iiwók i hanmís.

ESEKIELI 16:36 Iomraidhean Croise

IIMU/UUNGW 3:7

Naxés inooín tsaraawo ilaaín kiri gwa/atís, tiri tsaahhiyé' adór inooín tar /aankwets. Loo/ór puunganí kari hiriít tlabaá wa alé.

YEREMIA 19:5

Kitángw ilahhooa oo mungú ta bay Ba'ali nguri tleehhiyé' as na/ii ngiwa da/aa/ana' adór ilahhooár da/a. Aníng adoorí aga hara'ayimiiká, laqaá iga kaangwí bawiiká, laqaá tam adoorí aga aldakwiiká.

YEREMIA 2:34

Baraá tlabaawoge tseerér múk daba' hhohhó' aga ár, inooín tam do'ók ngwa fee/i'iikahe.

WA/AA/I 1:9

Slasla/aruuwós ku geehhoó', ala inós qwanaywós gu hhaslitká, gawaá adoorihe, huuamaawós ki ló'wa slasla/aar, heé gaa gurkwa/as i kaahh, inós i kat, «Kuúng AAKOÓ MUNGÚ, slahh'amuueé' i qayteek, asma wakuuser'eé' iga bál!»

ESEKIELI 16:35

«Hám daxta kiíngasír tsaatuso'o, axweesante'eé' iiárií qaaseek, Anuú AAKOÓ MUNGÚ.

ESEKIELI 16:57

Xáy, adoorí aga tlehhkáhe qoomár tlakweemaawók kiwa geehhooatisiiká? Hám daxta, kiíng nee Sodoma aga qoondé'. Kiíng daxta a gár waaqa'atiit dír geeraá dasuú Edomu nee inslaawaywós sleémeero, nee dír Filisti nee inslaawaywós kudá' aáng kiíng iga aahhi.

ESEKIELI 20:31

Barnaxes kuungá' aga kumité' ilahhooa hanmisuwo, nee na/iihúng kiwa da/a/aanda' ar asla, tin meetagaamisá' tam ay laarí. Xáy, kuungá' aníng iqo gurbu'útí lehhá'a, kuungaákaá múk Israeli? Ala anuú Aakoó MUNGÚ adoodá' nir hotaatima, lo'o aga /aáy, aníng a ya/aamaaká iwa gurbu'útí lehha'.

ESEKIELI 22:15

Aníng kiíng i tlatlahhaás baraá xoordu sleémeero, nee iri kwakwaáhh baraá yaamaá xoordaá hatlá' i aleeró. Slasla/aruudá' baraawók i dirií' un qwaareés.

ESEKIELI 23:10

Mukwí inós gana tlaba' duúx, gari /aankweetsií geexáy. Na/iiwós kina ohín, nee inósár kilá' kari gaás ar paánga. Sakwasleemár aa sleér tari intsaahhasa dír /ameenár hatlae.

ESEKIELI 23:18

Inós iwa kumít fuqto nee /aankwetsuuwós laqaqaango, aníng ana máw adoodár kilá' aáng hho'oorós ngira máw.

ESEKIELI 23:29

As adoodá' kiíng iwa slaiaaká, mamaá gadiyér dabaawók ngin hayoohiyá', tlabaawók kiri hayoh iri /aankwetsisiyá', /aankwetsuú tsaatu'uumarók gár kur lu/ iri qwát. Kaangwí gár kusa sleér a as tsaatu'uumarók nee fuqtók.

ESEKIELI 23:37

Inooín nina fuqusiyé' nee naa tsu/uutiyé'. Tsaatu'uuma ngaa tleehhiyé' dír slaqsi'idaá munguaá hatlá', nee na/ii'ín kudá' naa aníng i laqwaaliyé' ngina ilahhooár wa hanisiyé' dír slaqsi'iidá'.

ESEKIELI 23:8

Inós ina kumít tsaatu'uuma tlehhtuuwo, tidá' aa iimu/uún iimír qoomár iwa baraá yaamaá Misri, qoomaadá' tawa dasír /amaatliito'o, nee hhawaate nina alqaatiyé', slaqooín ngiri tsaeemisiyé' dirós wa ale.

ESEKIELI 24:13

Kuútuudá' an slasla/aruú fuqtók, ala tam aníng kiíng iga iiari hheehhe'eesaro, kiíng ana kilók met baraá slasla/aruuwók, kiíng aqo sangw baloó hhoohhouuraaká malé alé ay dír buhhtaaeé' ngay boo/ees daanduuwoge.

ESEKIELI 36:18

Inooín ina i buúhh asma tseereedá' naa ku'uusiye' baraá yaamuwo nee munguiidá' hatlá' kudá' yaamuuín ngaa slasla/areesiye'.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

SEFANIA 3:1

Gixsár Yerusalemu, a tsaxwaawók. Asma a gixsár aa dee/aanut, mukós aa hhitirumiít tlakweemawo nee geeraharuuseerós muu gun /aytiín.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.