ESEKIELI 16:33 - Biblía Axweesantá Hhohho' ar Mungú 2004

³³ Alhootariro hhawaata /ameenír tsaatuso'o gan tlaaxw ar peésa, ala kiíng mulqeerók sleémeero ana tlaxuún ar peésa, slamí ina slukukuún bihhe sleémeero as niwa dirógí fuqtá aya'.

ESEKIELI 16:33 Iomraidhean Croise

ISAYA 30:3

Gawaá adoorihe, xuumasír Farao kuungá' nu mureekés, nee amohhooár taa sleeré' baraá xuumár Misrír wa alé, kuungá' nu niqár eér.

ISAYA 57:9

Kuungá' mooyángw tsuú' oo yaariír una sleeré', di/aay una hubé' dír munguúdá' ta bay Moloki. Kuungá' ya/abuuserhúng ana ya/abité' amór saaw, sleeme ana ya/abité' ay baraá gi'i.

YEREMIA 2:24

adór daqoó aa nariis oo baraá darma, kudá' fur'ár tsaa'amiín as iwa /akuutár slai. Heé ilatleerirós ila/aro ga aleesláw? Oo gu slaá' bir deer gu leelehhitiiká, asma iqo tawo deer.

ESEKIELI 16:32

Kiíng a harér tsaatuso'o, tidá' hhawaataá hatlá' dahamiis baraá do' kitángw hhawaatuuwós wa aleeró.

ESEKIELI 16:34

Baraá tsaatu'uumarók tisinge kiíng a adór /ameenár hatlaeeká. Heé kiíng iga firin i kaahh as tawa fuqsa', ala kiíng inooín ina peésaárí hanmís kitángw kiíng tiwa peésár i haniisi.»

ESEKIELI 16:41

Maraywók kin daa/ ar asla, nee /ameenár yaariir sakwasleemarók gari aán. Tari tafkí/ fuqi eeharahaduuwo nee muu kuwa tlaxuun.

HOSEA 2:12

Aníng qamuuwós awa sabiíbu nee awa /aantsihe, in hhitiím kudá' inós iwa kat, ‹Qamuuká' an bu'utueé', kudá' mulqer'eé' naa hanís.› Aníng in gara tleéhh, makaá sla/a ngiri /ayiyá'.

Yoeli 3:3

Inooín muk'eé' nguna tsawdoórí tleehhiyé'. Maamár garma kana haniís tawa bu'utuú tsaatuso'o. Maamár dasi ngina haniisiyé' as difaái ngiwa slaya'.»

MIKA 1:7

Slaqsi'iiwós kudá' mungui sleémeero kin naasúy, nee umuúqo gaarose kari daa/ ar asla. Nee slaqsi'iiwós kudá' ngiri hhaamiís. Asma muruudá' sleémeero taa burumbuurín as bu'utuú tsaatuso'o, Kunar tláy tawa bu'utuú tsaatuuse sleeme.»

Luka 15:30

Ala garmaawók kwí niwa hardáh, oo muruuwók gwa faak dinkwa nee /ameenár tsaatuuse, ugwa awuudá' wahhaár i gás.›