ESEKIELI 16:32 - Biblía Axweesantá Hhohho' ar Mungú 2004

³² Kiíng a harér tsaatuso'o, tidá' hhawaataá hatlá' dahamiis baraá do' kitángw hhawaatuuwós wa aleeró.

ESEKIELI 16:32 Iomraidhean Croise

AXWEESANOÓ SAGALOOA 7:19

Asma hhawaatuueé' do'o i kaahh, aa aa'aá káy ayaá saáw.

YEREMIA 2:25

Múk Israeli, kuungá' ya/ataahúng hi'iitanoro mindiwa tawo faakiyé', laqaá hheehharók miwa tawo kát! Ala kuúng a kat, «Harahhifo i káhh tam ar niiná, asma munguaá múk hatlá' ina ló'wa slaá', aníng inooín in eehár.»

YEREMIA 2:28

Ala munguiihúng kudá' taa tlehhé' as kuungá' i amoomá? A xáy gimsé', bundu aslayá' /iisaro nu alee/iisiyé' qoomár slahh'amuhunge. Kuúng Yúda, munguaá yaariir in koón adór gixsadaá ayaawók.

YEREMIA 3:1

Barnaxes hee hareerós gaa talaákárií haniís, inós guri geexeér, hhawaatuú hatlá' gari duúx, iqo kí/a dír heedaaduú geera? Yaamu kiqo ló'wa meetagaasiikáhe nee tlehhmuusíng? Kuungá' tsaatu'uumár yaariir aga tlehhé' nee mulqér yaariir, hám daxta niqo tsuwá amor'eénií ki/á'a?

YEREMIA 3:20

Ala daanduú tihe, kuungá' xoorór Israeli ana inkihhimu waslesé' dir'eene, adór harér inkihhimu wasl i tlehhaahhit dír hhawaatuuwose. Anuú AAKOÓ MUNGÚ tí ngina oó'

ESEKIELI 16:31

Dír iimu/úngw umuúqo loohiro nee /aantani ana tléhh, nee wa/aamér munguaá hatlá' kiwa ilahhooárí hanmis baraá umuúqo gixsaro. Ala sli'imarók nar tsaatuusér ta bu'uun ti slay'aaká, asma kiíng peésár muu a ohiindaaká.

ESEKIELI 16:33

Alhootariro hhawaata /ameenír tsaatuso'o gan tlaaxw ar peésa, ala kiíng mulqeerók sleémeero ana tlaxuún ar peésa, slamí ina slukukuún bihhe sleémeero as niwa dirógí fuqtá aya'.

ESEKIELI 16:8

«Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

ESEKIELI 23:37

Inooín nina fuqusiyé' nee naa tsu/uutiyé'. Tsaatu'uuma ngaa tleehhiyé' dír slaqsi'idaá munguaá hatlá', nee na/ii'ín kudá' naa aníng i laqwaaliyé' ngina ilahhooár wa hanisiyé' dír slaqsi'iidá'.

ESEKIELI 23:45

Ala har'ohuusér gan'amuú koom gin sakwasleemút, adór múk fuquuse nee oo tsu/utuuse kir sakwasleemamuuti, asma inooín a fuquuse nee a tsu/utuuse.

HOSEA 2:2

Aayorhúng harhheehhe'eesaak, asma inós a harer'eeneeká nee aníng sleeme a hhawaatuuwoseeká. Harhheehhe'eesaak tsaatu'uumarós ngi meer, aníng mawa ga/aw, nee iseemaawós mingiwa ilatleerí múkár tleemís.

HOSEA 3:1

AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.