ESEKIELI 16:3 - Biblía Axweesantá Hhohho' ar Mungú 2004

³ Gám baweek, Anuú Aakoó MUNGÚ gixsár Yerusalemu a babaw, Iimu/uungo kiíng dír ti laqwaál a baraá yaamaá Kana'ani. Baabuúwók a heé xoorór Amori, nee aayoorók a dasír xoorór Hiti.

ESEKIELI 16:3 Iomraidhean Croise

IIMU/UUNGW 11:25

Nahori alaá Tera nguwa laqwaál, kureeri ngaa hoót a tsiiru nee mibaá nee gwaleél, na/aá hatlá' awa daaqaay nee dasu giri laqwaál.

IIMU/UUNGW 11:29

Abramu nee Nahori tari duuxuuxún. Harér Abramu umuuwós a Sarai, nee ar Nahori umuuwós a Milka, dasír Harani. Harani an baabuú Iska sleeme.

IIMU/UUNGW 15:16

Xwaylarók nin diirí kí/ qoomár qartá tsiyahhe. Asma tlakweemaá múk Amoni sakwasleemar'ín aa xeeriiká.»

1 WAAWITÁ 21:26

Inós gár ta waki gana tleéhh, munguaá múk Amori ngiwa sluufmiís, mukdá' aáng AAKOÓ MUNGÚ aa guús geeraá múk Israeli wa ale.

2 WAAWITÁ 21:11

«Asma waawutmo Manase muruú buhhtamís guna tleéhh tam xoorór múk Amori ba/a, tidá' baraadá' i dirii', nee inós múk Yuda guri baraá tlakweemií dahaás ar murslaaqatuudá' aa tleéhh,

ESRA 9:1

Muruuwí sleémeero iwa tlehharuút, múk urén aníng iri i tseewúy, ta kaahi, «Múk Israeli nee kaahamuuse nee múk tlahhoó Laáwi taa paraatli'iiká dír múk yaamuukae, kudá' muruudá' ta waki ngu tlehhaahhitá'. Múk Kana'ani nee oo Hiti, nee oo Perisi, nee oo Yebusi nee oo Amoni, nee oo Moabu nee oo Misri, nee oo Amori.

NEHEMIA 9:7

Kuúng an AAKOÓ MUNGÚ, Munguúdá' Abramu gwaa tsawaar, nguri baraá yaamaá Urír Kaldayór wa dúx, kuri umií tsát tay Abrahamu.

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 43:27

Baabuúhúng kudá' úr tlakweema gina tleéhh, kudá' múk haraki/imisá' aníng ina tlakweemáy tleehhiyé'.

ESEKIELI 16:2

«Heewí, gixsár Yerusalemu muruudá' aníng buhhtamís ti geehhooes.

ESEKIELI 16:4

Baalaadá' tiwa laqwaál kaansirók kaa tsatiiká, laqaá sleeme tsikeerók kaa hamatliiká ar ma'aay, nee taa duqiiká ar diwi, laqaá taa tlabaá i dahaasiiká.

ESEKIELI 16:45

Ar tsuwaá ló', kiíng a dasír aayór hhawaatuwós gwaa si' nee na/iiwose, kiíng a adór hhaeewók kudaá hatlá' awa hhawaateín nee na/ii ngaa si'iye'. Aayoorók ar xoorór Hiti nee baabuuwók a heé xoorór Amori.

ESEKIELI 21:30

Hám daxta paánga baraá qawaywósií ki/isaak! Aníng nun sakwasleemuút didár kilá' tunduwa tleéhh, baraá yaamuudá' tunduwa laqwalín.

Matayo 11:24

Ala aníng kuungá' nun baw, bál deelór sakwasleemaro yaamaá Sodoma a tsiní sakwasleemar'ín ngiwa ilí oohiya', ta kuungae.»

Matayo 3:7

Múk yaariír oo Farisayo nee oo Sadukayo kuna i daqáy, as ngiwa baatimiisi. Ala Yohane ngiwa ár giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Luka 3:7

Múk yaariír iri hardáh dír Yohane, as kuwa baatimiisi, giri báy, «Kuungá' xwaylár dáyshe, heé kuungá' naa gurbuu' sakwasleemár hi'iit kawa ilagogoba'?

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Efeso 2:3

Tam atén sleémeero aáng aqo an adoodá'. Ana hootaán ar ilatleerír slaqoorén kawa eeharaharaan, nee sla'aarirós kawa tleehhaan. Gawaá adoorihe atén qoomaadae gár tiwa hariím, a sakwasleemár Mungú an slawaán, adoodár múk hatlá' sleeme.

DABE 20:17

Muu sleémeero hhaamisaak, múk Hiti, nee oo Amori, nee oo Kana'ani, nee oo Perisi, nee oo Hifi nee oo Yebusi, adoodá' AAKOÓ MUNGÚ, Munguúhúng ngira oó'.

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

YOSHUA 13:4

bihhaá basko. Yaamaá múk Kana'ani sleémeero faakare' iimír Meara tidá' múk Sidoni, ay Afeki ta hardatá' ay digmuú xoorór Amori.

YOSHUA 24:14

«Gimsé', AAKOÓ MUNGÚ ilaiwawa/aak nee sagadiyusaak ar muunuú /awaák nee ar inkihhimu. Munguiidá' baabi'iihúng naa sagadiyusiyé' gayuú yaaér Eufrátér wa ale, nee baraá yaamaá Misriro, amoosíngí kwahhaak, daqaní AAKOÓ MUNGÚ ku sagadiyusá'.

1 Yohana 3:10

Gawaá adoorihe na/aá Mungú ki geehhoo', tam na/aá Neetlaangw sleeme. Asma heé tlakweemaá tlehhaahhiít kwa laqwaaliiká nee Mungú, tam kudá' hhiyaawós ahhiít sleeme.