ESEKIELI 16:13 - Biblía Axweesantá Hhohho' ar Mungú 2004

¹³ Naagáy tari ló'wa hhoohhoouúr as parootír sahaábu nee peésa. Tlabaawók tari awa neewór kitaánír hhohho' nee hariíri, slám kaa mardaádír i tleéhh. Muruú /aymarók gár kur qamiin a puuruú hhohhó', danú una /ák, nee muruú /aymarók un di/tí qamiín. Tari parootuso'o ló'wa ale adór waawuto'o.

ESEKIELI 16:13 Iomraidhean Croise

IIMU/UUNGW 17:6

Aníng kuúng un xwaylár yaariír i haniís, slám u xooro tleéhh, nee waawitá nin baraawók wa ti'iit.»

2 SAMUELI 8:15

Gawaá adoorihe Daudi iri waawuti'ín daanduú múk Israeli sleémeero, gari ara hhe'eés adór mukós sleémeero kur gan'amií tlehhiiti adoodá' kus hariím.

1 WAAWITÁ 4:21

Solomon xoordu sleémeero gina sawaawuti'ín, iimír yaaér Eufrate wa tleemu ay yaamaá Filisti ay digmuú yaamaá Misri. Inooín nguna koódírí hanmiisiyé', nguri sagadiyuusiyé' baraá slafiingós sleémeero.

ESRA 4:20

Slám waawituú aleesleemuú koóm baraá Yerusalemu ngina hootiyé', inooín yaamaá gayuú /uwa yaaér Eufratero ngina sawaawuti'iné', nee ohme sleémeero ngina ohiné'.

ESRA 5:11

«Inooín gár atén taa bayé' a tí, ‹Atén a sagadiyuusér Munguú doori nee yaamu, aten do'duú aáng oo kureeraá yaariir, kudá' taa tleéhh nee waawutmoó ur oo Israeli, atén hamí un /abeemisaán.

YOBU 29:6

deeloodá' ya'aaeé' ngiwa hamtlaatliit ar ilwa, nee duxér di/i niwa amór dooeéní wa/amiin baraá tla/ú wa ale.

WARA'AMI 147:14

Inós wayda gu sagesihhimiit baraá digmuú ayaawoge. Nun aaxamiis muruú /aymár hhoe.

WARA'AMI 48:2

Siyoni a tloomár Mungú ar sla'atimis adór ira sihhiti, a gixsár waawutmoó úr ar qwal/uú huwahuuw baraá yaamu sleémeero.

WARA'AMI 50:2

Iimír baraá Siyoniro, gixsadá' ló'wa hhoohhoo', gwa/aateemaá Mungú i qwiirii/iyá' adór tsee/amá.

WARA'AMI 81:16

Kár ee, aníng geeraawo kuúng ugwa /aymiís ar angaánoó hhó'. Nee geeraawo un /aymiís ar danuú baraá pa/mír tlaa/a.

ISAYA 64:11

Doorén kudá' hhoohhoó' nee oo taa parootuús, didá' baabi'iirén kuúng uwa xirfayemisiyé' kaa daá/ ar asla. Wa/ameerén tidá' sleémeero sla'atimiis kaa taangu tleéhh.

YEREMIA 13:20

Múk Yerusalému, qaytsiité'. Ga/aawaak, wakuuserhúng hanoos i /iikú dáhh. Daqtidá' tinda kuúng i haniís i amá? Daqtidá' hhohho' i amá?

WA/AA/I 2:15

Muu sleémeero oo baraá loohiro waraáhh tsa/i gin muux as kuúng, tan niqimis nee sage ngin diingimisiyá' as múk Yerusalemu tawa kaahi, «Gixsarí a tidá' aáng tawa kaáhiíke, hhohhoaarto aa harwaaráhh tidá' yaamu sleémeero naa saqwalaala/iyé'?»

ESEKIELI 16:10

Iri tsiitiís ar tlawuú taa qaalín nee ya/ataá xurfaaro, iri tsiitiís ar warqamoó taa tleéhh ar neewór kitaánír hhohho' nee inqwaarír qwiirii/ ar hariíri.

ESEKIELI 16:17

Tlaa/eedá' hhohho' awa sahaábu nee awa peésa kudá' naa dirók i haniís, ina ar tleér kiri slaqsa'aá hhawaate tléhh as tawa fuqusa' nee inooín.

ESEKIELI 16:19

Muruú /aymar'eé' kudá' naa haniís una hanmís dír slaqsi'iidá' as tawa mooyángw tsuú', asma aníng kiíng ina /aymiís ar puuruú hhohhó' nee di/i nee danú. Anuú Aakoó MUNGÚ tí aga oó'.

ESEKIELI 23:40

«Tam ya/abuuse kana ya/abiít amór muk'ín kudá' sawén, nee hhawaate niri hardihiyé'. Kuungá' tari hamtliindé' as inooín, hhamhhamaá ilaahúng kiri slikiinde ar wahaaso tiri parootusé' ar tlaa/aá tlaxo gawden.

ESEKIELI 27:16

Múk Edomu halaanu'uuma kana tleéhh nee kiíng asma muruú ta weermis ku ló'wa úr. Inooín xooslarók ngina tlaxuné' ar tlaa/aá ta bay akiíki, warqamaá sirda/aten, warqamaá taa qaalín ar kitaánír hhohho' nee tlaa/aá ta bay marijaáni nee awa yakuúti.

HOSEA 2:5

Asma aayor'ín tsaatu'uuma gaa tléhh, tidá' inooín gaa tsit, muruú alsi'ím guna tléhh, asma ina ó', «Aníng nee mulqer'eé' an alhi'iimitaán, kudá' i muruú /aymár i slaslaawá' nee ma'aay, nee tsitaay nee di/i nee xuftaro.»

DABE 8:8

Yaamuuká' a yaamaá angaánoó shayirír koomá', nee xaa'aá sabiíbuwo, nee /aantsihe, nee xaa'aá ta babay komamaángaro, nee seituúniro nee danuhe.

1 SAMUELI 10:1

Naagáy Samueli chupiito'ór di/i gari óh, gari tsiririxiís gawaá ságw Saulo, guri ma'aás, iri oó', «AAKOÓ MUNGÚ ugwa iimbalaáx ar di/i, as tawa geeraharusmoó mukós oo Israeli, nee kuwa ba/amis baraá dabaá wakuuser'ín wa ale. Layár kuúng kar tsahh adór AAKOÓ MUNGÚ ura di/tár iimbalaáx tawa geeraharusmo daanduú aalirose a tí,

1 SAMUELI 12:12

Tam Nahashi waawutmoó múk Amoni kuwa aandé' niwa haratláy, kuungá' aníng iri beeré', ‹Atén waawutmoó ti sawaawuti'iím un sla'aán.› Kuungá' AAKOÓ MUNGÚ, Munguúhúng kuri sié'.