ESEKIELI 16:11 - Biblía Axweesantá Hhohho' ar Mungú 2004

¹¹ Iri parootuús ar tlaa/aá tlaxo ur, nee qutúr nguri dahaás baraá dabaawók, nee himta nguri dahaás baraá istók.

ESEKIELI 16:11 Iomraidhean Croise

IIMU/UUNGW 24:22

Angamía qoomár wahaango iwa hhe'és, heedaádá' peétér taa tleéhh ar sahaábu gana taataáhh, iiloeemaawós a har afi qoomoó tlaqtá shekeéli. Peéterí gari dahaás gawaá duungaá Rebeka. Nee munga'aá tsár awa taa tleéhh ar sahaábu giri dahaás gawaá dabaawós, iiloeemaaín a har afi qoomoó shekeéli mibaangw.

IIMU/UUNGW 24:47

Án ngiri yaahaás, «Xáy, kiíng a dasír heemá?» Iri beér, «Aníng a dasír Betueli, garmoó Nahori nee Milka.» An qoomár peéte ngiwa gawaá duungií qaás, nee mungi'i gawaá daba'.

IIMU/UUNGW 24:53

Peésa gari duúx, nee sahaábu nee tlaba', giri Rebeká i haniís. Muruú tlaxór gawa sleeme guri haniís dír hhiyoó Rebeka nee aayírós.

IIMU/UUNGW 35:4

Inooín munguiidá' ta haratlintaati'i ngiri Yakobo i haniisiyé'. Nee saaqaanduú baraá iaaín i diriia, Yakobo giri tiíp dír gamuú ti'ita, iisaapoó gixsár Shekemu.

IIMU/UUNGW 41:42

Farao mungaywós kudá' gooirós koóm, guri duúx, guri dákw Yosefu i dahaás, kuri tlabaá taa tleéhh ar kitaánír hhohhó' i dahaás, nee himtuú sahaábu guri gawaá istá Yosefúí dahaás.

ESTA 2:17

Waawutmo Esta gari slaá' ta /ameenár hatlá' sleémeero, inós gari gurií baá/ ta /amatliitér hatlá' sleémeerowo, naagáy gari saga slamángw waawuti'iimárí dahaás, gari waawuto'ór wa qaás kitángw Fashtír wa ale.

YOBU 42:11

Aluuwo Yobu hhaeewós awa daaqaay nee awa dasuuwo, nguri i daqayé' nee mulqeerose. Mukdá' aáng Yobu gu xuú' tari amór do'ós i daqáy, tari al/ayín, nguri gurkwa/amisiyé' as slahh'amudá' yaariír aa sláy oo AAKOÓ MUNGÚ aa dirós i huúw. Umuú heewo muqslidár peésa gana haniís nee mungoó wák oo sahaábuwo.

TI'INAANGW 32:2

Aroni giri báy, «Saaqaánduú sahaábu kuduú gawaá iaá tlaawayhúng nee awa daaqayhúng nee awa dasuuhúng dír'eéní huwaare'.»

TI'INAANGW 35:22

Hhawaate nee /ameenaaro kudá' sleémeero muner'ín taa tliwií/ niri hardihiyé', kipi'i ngiri huwiyé' nee muqslár ta bay hasama, nee mungiaá ta dugeenír qamin, nee himtaawe, nee xooslaá taa tleéhh ar sahaábu. Umuúqo heewo xooslaá taa tleéhh ar sahaábu giri haniís dír AAKOÓ MUNGÚ.

AXWEESANOÓ SAGALOOA 1:9

Asma muruuwí i adór slamángw sagók tleehhiit, nee adór himtuú gawaá istók.

AXWEESANOÓ SAGALOOA 25:12

Axweesanoó gurbu'uungw oo heé sagaloó' dír heé gu axamiisa, a adór sixmoó sahaábu oo taa parootuús.

AXWEESANOÓ SAGALOOA 4:9

Inós qeemuú tawo ngun hanís tawa adór warqamoó saga. Un tawo qeér ar slamángw hhohhoaari.»

DAA'AANGW 1:10

Tlaaqarmaawók ki hhohho' as parooti, Nee istók ka hhoohhoo' as himtuú taa tleéhh ar tla/aá tlaxo gawden.

DAA'AANGW 4:9

Kiíng muunaáeé' ugwa qwal/ás, hho'or'eé', sla'aaruso'or'eé' ar ni duxuut. Qaytsitarók ar wák muunaáeé' gwaa qwal/atís, nee ar himtuuwók oo gawaá isa.

ISAYA 28:5

Baalaadae AAKOÓ MUNGÚ Aleesleemusmo in slamángw xirif tleehhiit, iri adór slamángw hhoohhoó' tleehhiit dír mukós kudá' aa meeti.

ISAYA 3:19

piiraa/ó nee mitingiri nee slam'eeri,

ISAYA 3:21

nee peétero, nee piiraa/oó gawaá duungeero,

WA/AA/I 5:16

Muruudá' aáng tira diidi'iimisaán aa faák, tsaxwaarén asma tlakweema iga tleehhaán.

ESEKIELI 16:17

Tlaa/eedá' hhohho' awa sahaábu nee awa peésa kudá' naa dirók i haniís, ina ar tleér kiri slaqsa'aá hhawaate tléhh as tawa fuqusa' nee inooín.

ESEKIELI 23:40

«Tam ya/abuuse kana ya/abiít amór muk'ín kudá' sawén, nee hhawaate niri hardihiyé'. Kuungá' tari hamtliindé' as inooín, hhamhhamaá ilaahúng kiri slikiinde ar wahaaso tiri parootusé' ar tlaa/aá tlaxo gawden.

ESEKIELI 23:42

Naagáy tsimaahhír múk hhaslitaaká adór múk aa oonimiit kari axaas i baraá xaanxoó dáhh. /Ameenadá' kari mungiaá hhohhó' i dahaás nee slam'aá hhohho' gawaá sager'ine.

DANIELI 5:16

Ala aníng aga axaás adór kuúng kaangwí gwa/aatisaro kur aleesleér nee slahh'amuuwós nguri ó'. Ala barnaxés gooirí soómaro aga aleesleér nee gár i kat ngiri ó', kuúng tu tlabaá sirda/atén i dahaas nee himtuú sahaábu kunguri dahaas baraá istók. Nee baraá waawuti'iimarihe kuúng tun heé tám wá qaas.»

DANIELI 5:29

Aluuwo waawutmo Belshasa iri oó', «Danieli tlabaá sirda/aten ti dahase', nee istós himtuú sahaábu ti dahase'.» Kari oó' dír muu adór Danieli tar heé tám baraá waawuti'iimaro.

DANIELI 5:7

Waawutmo Belshasa iri tseé' ar afór ur as qwaslaare kawa huwi nee da/aluuse nee qwaslaarér tsatse/uwo. Qoomár niwa hardihiyé', waawutmo giri báy, «Heé gooirí soómaro ga aleesláw nee gár i kat ngiri oó', ku tlabaá hhohhó' í dahaas awa sirda/aten, nee kun isa himtuú sahaábií dahaas, nee kun heé tám wa qaas baraá waawuti'iimaro.»

HOSEA 2:13

Aníng a muúx as deeloodá' ur ar munguaá ta bay Ba'ali i aaeer, nee ilahhooadár mooyángw koom deeloodae i da/a/ángw aaeer dír munguiidá'. Tina parootumaamís ar peéterós nee ar muruudá' tlaxo gawdén, iri tleér amór mulqeerós, aníng iri gunqaarés. Anuú AAKOÓ MUNGÚ tí ngina oó'.

TLAHHOÓ LAÁWI 8:9

Mose Aroni guri kofiyá i dahaás, amór geeraawo gaa slamangwdá' taa parootuús oo sahaábu i qaás, adoodá' AAKOÓ MUNGÚ ngira hara'ayín.

FAARO 31:50

Hám daxta umuúqo heewo direne muruuwí nguna huúw tawa ilahhooár AAKOÓ MUNGÚ. Xooslaá sahaábu, nee himtaawe nee bangeélaywo, nee munga'aá baraá ditsa' ta layárár qamina, nee saaqaán nee kwasluuwo, adoodá' umuú heewo ngira sláy. Muruuwí ngun haniisaán as atén tiwa haraki/isárií tleehhi dír geeraá AAKOÓ MUNGUHE.»

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 4:10

Qoomár inooín barta adoorí tlehhiit, umuúqo daqto bariiseedá' mibeeri tsár nee tsiyáhh in tumbarara'amít dír geeraá kudá' gawaá kitángw aleesleemuú i dirií'. Inooín kudá' slaáf ay alhhe'eesay wasle kun sluufmiis. Nee inooín slam'eeri'ín kin kwakwaahh dír geeraá kitangwduú aleesleemu, ta kaahi,

Geehhoeemaá 4:4

Kitangwduú aleesleemu kiteeraá mibeeri tsár nee tsiyáhh awa hatlá' awa aleesleemu nguna harweeriyé'. Nee gawaá kiteeridá' mibeeri tsár nee tsiyahhe bariisér mibeeri tsár nee tsiyáhh gawaadá' wa iwiiwít. Inooín tlabaá /awak ngaa dahamiisiyé', nee gawaá sager'ine gár naa dahaasiyé' a slam'eeraá sahaábu.

HAR'OHUUSE 8:24

Giri malé báy, «Aníng kuungá' nu firiím gár wake, na'asé', umuúqo heewo saaqaánduú sahaábu kudá' taa sleeré' haasaáng wa ale haniisare'.» As múk Midiani tawa oo tlahhoó Ishmaeli parooti a gar'ín.