ESEKIELI 15:7 - Biblía Axweesantá Hhohho' ar Mungú 2004

⁷ In ló'wa harmagaáhh ar xarasleema. Tam handá' asla kaa waaguwi, asltí aqo gin hhaamís. Qoomár bira harmagaahha hhe'eés ar xarasleema, an qoomár aníng iwa tsaahhiya' tawa AAKOÓ MUNGÚ.

ESEKIELI 15:7 Iomraidhean Croise

1 WAAWITÁ 19:17

Naagáy heedaádaá /uy paángár Hasaeliwo, ar Yehu gu dakuská, nee kudaádaá /uy paángár Yehuwo Elisha gu gaas.

WARA'AMI 34:16

Ala AAKOÓ MUNGÚ kudá' tlakweemaá tlehhiitá' gi sii', inooín kiri gunqaarees baraá yaamuwo.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

ISAYA 24:18

Heé aa daér wa goow, in /eet baraá bohoongw, nee kudá' ni baraá bohóngw wa ti'imiít kun oh nee tsaaxweeli. Asma foxa'aá doori kaa gweér nee iihhafiirír yaamu i diingiín.

YEREMIA 21:10

Aníng aga ístí tsaát gixsarí ngiwa amotlakweérí huuw, ala a hhooeemáy tleehhaaká, anuú AAKOÓ MUNGÚ an kah. Gixsarí an haniís baraá dabaá waawutmoó Babuloni, inós gari hhaamiis ar asla.»

ESEKIELI 11:10

Kuungá' tundu tsuu/ ar paánga, aníng kuungá' nu sakwasleemuút dír digimuú múk Israelír wa alé. Qoomaarí an qoomár kuungá' kawa tsahha' adór aníng tar AAKOÓ MUNGÚ.

ESEKIELI 14:8

Aníng nee inós ti araán. Aníng inós un laya tleéhh nee slaqsaay, aníng un hingeés baraá tla/ángw xooror'eene. Diirí an didá' kawa tsaahhi adór aníng tár AAKOÓ MUNGÚ.

ESEKIELI 15:6

«Anuú Aakoó MUNGÚ a kah, ‹Adoodá' xa'anoó sabiíbu ngura duúx baraá tla/ángw xaa'aá sla/ato, nguri hhaamiís ar asla, adoorí an adoodáa' yaamuloouusér Yerusalemu ngir duux.

ESEKIELI 19:12

Ala sabiíbuudá' kuna tuú/ ar buhhta, nee kuri kwaáhh yaamií alé, fur'ár da/aá daahh guri kahás, mamuuwós giri paahhamís. Haleemaawós kudá' /uuruú koomá' niri kahiyé', asla giri /ák.

ESEKIELI 20:38

Múk aa dee/anumiit nee kudá' aníng i sadakumiís u hingeés baraá tla/angwhunge, i hingeés baraá yaamuudá' i hootia, tari adór múk aa goow, ala i dahiaaká baraá yaamaá múk Israeliwo. Diirí an didá' kawa tsahha' adór aníng tar AAKOÓ MUNGÚ.

ESEKIELI 20:42

Kuungá' aníng daqaní i tsahhá' adór tar AAKOÓ MUNGÚ, qoomár burna huúw ay baraá yaamaá múk Israeli, yaamaá naa qaroó lo'ór wa /aáy ngiwa haniis dír baabi'iihúng.

ESEKIELI 20:44

Kari tsahhá' adór aníng tar AAKOÓ MUNGÚ, qoomár burna adór harimaaká i tleéhh, adór alqoomaaká nee tlehhmi'iihúng kudá' tlakw, ala adór ilaiwa/amér umuueé'. Anuú Aakoó MUNGÚ tí aga oó'.»

ESEKIELI 33:29

Qoomár yaamuuká' bira xaanxay tleéhh, asma muruudá' sleémeero aníng iga buhhtamis, kudá' naa tleehhiyé', daqaní ngi tsaahhiyá' adór aníng tar AAKOÓ MUNGÚ.»

ESEKIELI 5:8

Gimsé', anuú Aakoó MUNGÚ a kah, Aníng sakwasleemar'eé' a boo/eés dirhunge, dír geeraá xoordaá hatlae.

ESEKIELI 6:7

Kudá' ta tsu/i ta huhu'ún baraá tla/angwhúng, kuungá' kari tsahhá' adór aníng tar AAKOÓ MUNGÚ.

ESEKIELI 7:4

Nu baloó mawaaká, laqaá gurueé' i tlayká, aqo nun sakwasleemuút, har qoomoó tlehhmi'iihúng, barnaxes muruudá' aníng ni ahhiit i baraá tla/angwhúng kón. Daqaní kuungá' a tsahhá' adór aníng tar AAKOÓ MUNGÚ.›

TLAHHOÓ LAÁWI 17:10

«Hee tam gaalá oo xoorór Israeli, laqaá hoomoó ayaaín wa hoót, oo tseere gaa /ayi, heedaádá' aníng u alkoóm nee nguri baynitís dír mukose.

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

AMOS 5:19

Deeloorí dirhunge a adór heé aa dirángw wa goow tiri doogiyé' nee duúbu. Laqaá adór heé aa dah baraá do', dakós gway qaás gawaá baqa, kuri kiihh nee dayshamo.