ESEKIELI 15:2 - Biblía Axweesantá Hhohho' ar Mungú 2004

² «Heewí, xáy xa'anoó sabiíbu kun ak hhoóe ta xaa'aá baraá sla/ato?

ESEKIELI 15:2 Iomraidhean Croise

DAA'AANGW 2:13

/Aantsí mamuuwós gaa laqwál, nee sabiíbu i /ayumiis, slantá qoo tsuaiim in tlatleér. Qwaláng sla'aaruso'or'eé', tidá' aníng i sla'atimiis, qwaláng a quutlaán.

DAA'AANGW 2:15

Intsaweesíng uhimare', Intsaweesíng ninakw uhimaré', tidá' sabiíbuurén gu hhititiim, asma sabiíbuurén i /ayumiis.»

DAA'AANGW 6:11

Aga dáh dír asalmoó xaa'aá ta babay miloósi as niwa harma/ór baraá qaymór artá aw. As ngiwa ar axáy xaa'aá sabiíbu naa /ayusií'i, nee axáy xaa'aá komamaánga naa /ayusií'i.

DAA'AANGW 7:12

Matlaatleero a tseewa tlawaán baraá qamaá sabiíbu, i artá awaán axáy naa harmá/i? Nee axáy sabiíbu aa /ayuúsi? Nee sleeme axáy komamaánga /ayo duxuungo gaa iimu/úndi? Amoodaádá' an dír aníng sla'aarir'eé' ngiwa laqaam.

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

ESEKIELI 15:1

Axweesantá AAKOÓ MUNGÚ ana axaás, i kat,

ESEKIELI 15:3

Xáy, xa'anoowós gár tleehharo iwa ya/an i deéro? Xáy muu kiki'i gaqo tleéhhi ar xa'anoó sabiíbu, nee gaa kari gawaadá' i tareree'?

ESEKIELI 19:12

Ala sabiíbuudá' kuna tuú/ ar buhhta, nee kuri kwaáhh yaamií alé, fur'ár da/aá daahh guri kahás, mamuuwós giri paahhamís. Haleemaawós kudá' /uuruú koomá' niri kahiyé', asla giri /ák.

HOSEA 10:1

Xoorór Israeli a adór sabiíbu hhó'. Sabiíbuú mamaá hho' gi laqwaliím. Adoodá' mamuuwós nira tlahhiyé', an adoodá' inooín kiteeraá ilahhooa ngira tlehhiitiyé'. Adoodá' yaamuuín nira dihhe'eesiyé', an adór uheemaá kiteeraá ilahhooa ngira parootusiyé'.

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

SEKARIA 11:2

Kuungaá xaa'aá sunobaári tsuunqumisé' asma sahhta aa hú' asma xaaiidá' xirfayen naa hhiturutiyé', kuungaá xaa'aá ta/eewér Bashani, tsuunqumisé', asma gartá /uuruú koom aa hhaán,