ESEKIELI 14:7 - Biblía Axweesantá Hhohho' ar Mungú 2004

⁷ «Umuú qoomaaro, hee tam gaalá dír múk Israeliwo, laqaá dahaaymo oo yaamaá Israelír wa hoót, birta paraátl dir'eene, nee barnaxes slaqsa'aá munguaá hatlá' giri haratlintií' ar ilakaahara, nee tlakweemaaká' tari dukuutsmo dír án nee inose, aluuwo iri daqáy dír aarusmo as ngiwa xu'utír wa slai gár aníng ni kah, naagáy aníng AAKOÓ MUNGÚ, inós un mu/aywaáts.

ESEKIELI 14:7 Iomraidhean Croise

TI'INAANGW 12:48

Barnaxes hoomoó baraá tla/angwhúng hoót deelór Pasaáka gaa waatlakweés ngiwa inslaslay, hhawaataá do'ós sleémeero ki al/utli ala ale. Daqaní deelór ur ar Pasaáka ngi tleehhi, asma inós aqo adór yaamuloousmo. Ala heé taa al/utliiká munguwa kwatiít /aymaaro.

TI'INAANGW 20:10

Ala bál faanqw a deelór Sabaáto ar AAKOÓ MUNGÚ Munguúwók. Baalaadae kuúng ma gadiyusaar, laqaá tam garmaawók laqaá dasiirók, laqaá lawaalmoowók, laqaá lawaalo'oorók, laqaá makiito'ór ta de'een, laqaá tam hoomoó dír do'ók.

ISAYA 63:17

Aá AAKOÓ MUNGÚ, ahaá waáy atén misti paslmís baraá lohduuwoge, muneerén masa gawdeemís kuúng uri ilaiwawa/anaaká. Ki/áng as daanduú sagadiyuuseerók. As tlahh'iidaá aaliirók.

YEREMIA 37:17

waawutmo Sedekia guri ateét, guri do'ós i dah'ís. Qoomár iwa do'ós i dirii'i, guri yaahaás ar naaqo, «Gám axweesantá ta koon ar amór AAKOÓ MUNGÚ daahh i deéro? Yeremia guri báy, «Eeít i deer.» Yeremia iri oó', «Kuúng tu qaas baraá dabaá waawutmoó Babuloni.»

ESEKIELI 3:20

«Slám malé alé heé gan'amuú koóm, bar gan'amuwós gwa máy nee tlakweema gay tleéhh, aníng nguri dukutsamoó i qaás, heewí iri gwaá', asma kuúng kuwa naanaqiká heewí i gwaa' as tlakweemaawós, tam tlehhmi'iiwós kudá' hho' ki inslayká. Ala tseereerós a iinuús gawaawók i alé.

HOSEA 4:14

Dasuuhúng u slahh'eemisaaká as iwa fuquusi, tam /ameenár ta duxuút iwa tsee/aá wa hi'iimit. Asma hhawaateeín tana bihhií suruúk nee /ameenár fuquuse, ilahhooár muruú ta tsu/i ngin hanmiisiyá' baraá doó tsaatu'uumár wa ale dinkwa nee /ameenadár tsaatuuse. Mukwí tsaahhár koomaaká ku hhaamiis.

HOSEA 4:5

Kuúng dukuutsmo u tuu' qoomár tlaatla/aango, aarusmo dukuutsmo gu tuu' dinkwa nee kuúng qoomár xweeraawo, aníng aayorhúng a gaás.

HOSEA 9:10

Aníng múk Israeli nguwa sláw, a adór sabiíbuú darma. Taati'iihúng ngiwa ár ki afhhamít adór mamaá /aantsí awa har geera. Ala tawa hardáh Ba'al-peori, tiri paraatliyé' dir'eene as Ba'ali nguwa sluufmisiya'. Aníng inooín ina aáhh adór Ba'alír ale, kudá' i slaiya'.

TLAHHOÓ LAÁWI 16:29

«Gaarí an dabér ta eehada' ay alhhe'eesay wasle. Bál slahhángw faanqw bar mibaangw kuungaá kilá' nee hoomár ayaahúng hoota, a gár hariim tawa gwaawiinda', nee gadiyeé kawa meera' tleehharo.

TLAHHOÓ LAÁWI 20:2

«Umuúqo heewo baraá xoorór Israeliwo, laqaá hoomtuú baraá tla/angw'ín hoota, bar na/aywós gwaa ilahhooár wa haniís dír munguú ta bay Moloki, gár heedaádá' kuwa hariím a gaasa, xoorór didá' gun tlaa/ér tlaqút ay dír i gwaai.

TLAHHOÓ LAÁWI 24:22

Dabeerí in hariín as hoomoó ayaahúng hoót, nee yaamuloouuse. Asma aníng an AAKOÓ MUNGÚ, Munguúhúng.»

FAARO 15:15

Baraá qari sleémeero ar hi'iita dabeedá' kuungá' ta eeharaahada' hoomoó nee kuungá' alhootá' sleeme gan eehar, asma kuungá' nee hoomoowí dír geeraá AAKOÓ MUNGUHE dimbé i káhh.

FAARO 15:29

Yaamuloouusér Israeli laqaá hoomár ayaaín hoota, dír mukwí sleémeero dakwí wák na eeharaak dír umuúqo heé dakuúsár pa/aayo gaa tleehhi.

DABE 29:19

Barnaxes axweesanoó alqadoorí, tí hamí lo'o kawa /agé', hee gwaa axaás, aluuwo iri sagós ar awín, nee iri ooi, ‹Aníng gár i aw i káhh, tam aníng sagagawduueé' bura eehár,› gaarí kuungá' sleémeero nu fák, múk tlákw nee oo hhoe.

Yuda 1:19

Mukwí an múk wakaarír huwahuúw. Inooín muruú ta eeharahari a muruú baraaká' yaamu kilós, múk Qeeruú Mungú gu koomaaká.